منى عواد
شواطئ لذوي الاحتياجات الخاصة في مصر
- تهدف المبادرة إلى تشجيع الاندماج وجعل خدمات الأماكن العامة في متناول الجميع
- خصّصت مصر شواطئ مجهزة لاستقبال ذوي الاحتياجات الخاصة
- تم تجهيز الشاطئ بمنصة خشبية تمتد حتى المياه
افتتحت الإسكندرية أول شاطئ مجهز لاستقبال ذوي الاحتياجات الخاصة وتأتي المبادرة في إطار حملة واسعة لتوفير إمكانية الاستجمام والراحة لهم في عدد من شواطئ الإسكندرية.
عبد الرحمن محمد، وهو صبي في سن المراهقة، يذهب إلى الشاطئ في مدينته الإسكندرية على ساحل البحر المتوسط، كان عليه أن يلزم الممشى، يشاهد الأطفال الآخرين وهم يسبحون في البحر من مقعده على كرسيه المتحرك.
لكن هذا الوضع تغير الآن فقد أصبح بإمكانه دفع الكرسي ذي العجلات والتنقل على رصيف واستخدام العوامات للسباحة في الماء والحصول على مساعدة عمال موجودين بالمكان لهذا الهدف.
يبلغ طول واجهة شاطئ المندرة على البحر 230 مترا تم تخصيص ثلثه لأصحاب الإعاقة.
تم تجهيز الشاطئ بمنصة خشبية تمتد حتى المياه، مع وجود عمال يساعدون الزوار وكراس خاصة وفريق إنقاذ بسيارة إسعاف على أهبة الاستعداد.
قال رجب جودة مؤسس ورئيس رابطة شباب أهل التحدي لخدمة ذوي الهمم بالإسكندرية “إحنا فرحانين بعد ما بقى لينا شاطئ خاص بذوي الهمم بالإسكندرية ودا أول شاطئ على مستوى الجمهورية. طبعا كانت فكرة رابطة شباب أهل التحدي من 2017. طبعا إحنا كنا بنتفرج ع البحر من على السكة ممنوع إن إحنا نقرب من البحر لأن إحنا ما كناش عارفين ننزل البحر ولا نستمتع بيه دلوقتي إحنا بقى زينا زي الأسوياء فى كل شيء. مبنخدوش مساعدة من حد ولا بنطلب مساعدة من حد إحنا ذات نفسنا بننزل بكراسينا بعكاكيزنا الميه وبنستمتع بالميه. الأول كنا بنتفرج عليها زى أى حد معدي طبعا كان بيجيلنا حسرة في قلبنا إن إحنا كأننا موش موجودين في الدولة “.
تهدف المبادرة أيضا إلى تشجيع الاندماج وجعل خدمات الأماكن العامة في متناول الجميع.
محمد – “أنا مبسوط جدا إن هم عملوا لنا شاطئ مخصص لينا عشان الأول ماكنتش بعرف أنزل ودلوقتي موش محتاج ولا مساعدة بابا ولا مساعدة أى حد وبعرف أنزل الميه زي أي حد”.
من جهته قال اللواء جمال رشاد رئيس الإدارة المركزية للسياحة والمصايف بمحافظة الإسكندرية “المحافظ إدالنا (أعطى) تعليمات إن إحنا ننشئ الشاطئ رقم 2 شاطئ مجاني ومخصص منه جزء لذوى الهمم في العجمى وإحنا خدنا التكليف النهاردا هنشتغل عليه.. بالإضافة لشاطئ آخر أو رقم 3 في منطقة الأنفوشي أصبح عندنا شاطئ في أقصى الشرق وشاطئ فى أقصى الغرب في العجمى وشاطئ كمان تالت فى منطقة الأنفوشي إحنا بالمبادرة دى بنشجع السياحة الشاطئية وخاصة بنستهدف ذوي الهمم إللى بيجولنا وإن شاء الله ييجوا لنا ويقيموا التجربة من كل أنحاء العالم. مصر رائدة في هذا المجال حتكون رائدة وإسكندرية هتكون رائدة في هذه التجربة إن شاء الله”.
وفي دلالة على حرص السلطات على توفير أقصى قدر ممكن من السلامة والأمان، قال اللواء محمد الشريف محافظ الإسكندرية “باقى 3 أيام أو 4 أيام بالكتير هنجيب صندوق حديدي هنحطه فى البحر عشان ذوى الهمم ينزلوا بالكراسي بتاعتهم فيه يبقوا وسط الميه من غير ما نعرضهم للخطر ومن غير ما نعرض حياتهم للخطر”.