أخبار الآن | سوريا – درعا – (براء عمر)

تقول ام فارس : انا ام فارس من مدينة داعل معالجة فيزيائية , كنت فاتحة بدرعا وحاليا فاتحة مركز للعلاج الفيزيائي بداعل , اعتقلت عدة مرات من قبل النظام السوري وتعرضت للأهانة والضرب من قبل النظام 
بعد الاعتقال رجعت للعلاج الفيزيائي ومساعدة الجرحى من خلال اسعافهم , مؤخرا كنت اطلع اسعف لحالي لكن لما تشكل الدفاع المدني انضميت للدفاع وصار الاسعاف اسهل , يعني صرت أسعف مع الشباب بالدفاع المدني منطلع على اخلاء الجرحى منجيب المصابين ومنخلي الناس المدنية من لبيوتهم ومنوصلهم لمكان آمن .

تضيف قائلة : طبعا انا كان عملي هو العلاج الفيزيائي لكن لما صار عنا جرحى وصرت اشوف الناس بالشوارع وأول الثورة كانت الأطباء تخاف تقرب على الجريح , كانوا يخافوا من الاعتقال فالدافع الإنساني يلي بداخلي ما قدرت اني اشوف الناس مرمية على الأرض ومصوبة بقذائف او برصاص واتركهم اتفرج عليهم .. بلشت اشتغل بمجال الجرحى واسعاف الجرحى 

وتختم ام فارس برسالة للمرأة : طبعا انا عم بدرب شباب على العلاج الفيزيائي وعلى اخلاء الجرحى  وبقدم رسالة للبنات او النساء يلي بتحب تتعلم أي شيء من الكادر الإسعافي فانا جاهزة لتعليم هي الكوادر , نحنا ك كادر طبي اليوم موجودين لكن بكرا يمكن ما نكون موجودين فراح يكون في ناس غيرنا راح تقدم , هي الناس يلي موجود لازم تتعلم كل شيء وأي شيء مشان تقدر تقدم لهي البلد ..

أخبار الآن الحصرية:

ناج ليبي من سجون داعش يروي قصص التعذيب فيها

السيدة التي تضع عناصر داعش خلف القضبان في البانيا