القاهرة، مصر، 8يونيو2014، أخبار الآن، ندى عبد السلام –

انفلات امني كبير يعيشه الشارع المصري منذ ثورة يناير، اذ زادت بشكل ملحوظ ظاهرة سرقة السيارات  و في وضح النهار،طرق مختلفة للسرقة ﻻ تتجاوز اغلبها دقائق  معدودة حتى تنتهي العملية ؛ الزميلة ندى عبدالسﻻم اعدت تحقيقا عن الموضوع فالنتابع

أرقام جنونية وصلت إليها معدﻻت سرقة السيارات في مصر، فنحو 5000 سيارة تسرق شهرياً؛ وعلى الرغم من أن جسم الجريمة متحرك سرقت سيارة منى زكريا في وضح النهار
تقول منى زكريا ” هو أنا كنت مسافرة بره القاهرة كنت بغطي شغل بره يعني داخل مصر كنت سايبة عربيتي مع بعض زمايلي كانوا ورا كارفور المعادي اتفاجات انهم بيتصلوا بيا وبيقولولي العربية اتسرقت وهى وبتاعة جيرانا فنزلت للقاهرة وعملت محضر و6 شهور مفيش اي أخبار عنها بعديها جريت على التأمين ﻻني كنت مامنة على العربية اخدت 6 شهور تاني عقبال ما فلوسي رجعت وبعدما اخدت الفلوس بسنة تاني لقيت المديرية بتكلمني قالولي عربيتك لقيناها مع تشكيل عصابي “
 
ومن باب اﻻخذ باﻻحتياطات الﻻزمة يتداول المصريون منتجات وأدوات من شأنها حماية سياراتهم، فسرقة السيارات لها أساليب شتى كالمفتاح المصطنع او اتﻻف جهاز اﻻنذار
يقول خالد مجدي مشتري ” التوفيقية فيها أجهزة كتير لﻻمان يعني في حاجة اسمها البطال ده عبارة عن جهاز يتركب داخل موتور العربية واني انا افصله من بعيد يعني لو خرامية طلعوا عليا وحبوا يوقفوني عشان ياخدوا العربية بقف عادي واديهم مفاتيح العربية وامشي بس معايا الريموت بتاع البطال ده من بعيد بتقف العربية “
يقول البائع على نور   ” في حاجة زي كده بتبقى طاره ودبرياج عشان لما يجي حد يفتح العربية متعرفش تمشي “
محمد عبدالله ” بنجيب من انظف اجهزة اﻻنذار للعربيات عشان نامن العربية وهي ماشية على الطريق “
الخارجون عن القانون اذا وجدوا في الوضع اﻻمني تربة خصبة لسرقة السيارات وجني الربح السريع، اﻻ انه خﻻل العام الماضي تم ضبط 56 تشكيل عصابي و 156 نشاط فردي … ونحن بدورنا التقينا احدى تلك التشكيﻻت ومن الوهلة اﻻولى انكروا التهم
لقاءات مع محمد المتهم بالسرقة بقسم شرطة المقطم ”  يعني تهمتك ايه دلوقتي يا استاذ محمد ؟ معرفش. حضرتك قولتلي ورق وتوكيﻻت؟ معرفش انا شايف حاجات محطوطة . زي؟ معرفش والله بكتشف معرفش اي حاجة. طيب بقالك كام يوم هنا؟ بقالي 30 يوم.
3133 سيارة مسروقة ضبطت في العام الماضي، لكن جهود اﻻجهزة اﻻمنية وحدها لن تكفي؛ فﻻبد من رفع مستوى الكفاءة التنظيمية لرجل الشرطة وانشاء قاعدة بيانات للسيارات إلى جانب وضع مواصفات قياسية مصرية على السيارات المستوردة
يقول العميد/ خالد عباس رئيس قسم مكافحة سرقة السيارات بوزارة الداخلية ” لﻻسف الوكيل او المستورد ﻻ يراعي ان يحطلها جهاز اﻻمان يعني زي ماهو بيحطلها اير باج او حزام امان او بيهتم بكماليات كاسيت او سماعات في العربية ياريته يهتم في حته اﻻمان للعربية جهاز الفصل يكون مفتاح مشفر يمنع سرقة السيارة وهو غير مكلف بالمرة وده بيحمل على وزارة الداخلية في حدود ال 3 سنين اللي هي بتنهك فيهم من كل اتجاه “
وبقى اﻻﻻف ممن سرقت سياراتهم ينتظرون عل الغد يحمل لهم أمل استعادة ماسرق ولو بفدية قد تأتي بها او تذهب مع ما ذهب