أخبار الآن | دبي – الإمارات العربية المتحدة – (فادي دلوع)

نشر الشيخ حمدان بن محمد آل مكتوم ولي عهد دبي عبر حسابه الشخصي على انستغرام قصيدة يرثي فيها شقيقه الشيخ راشد بن محمد بن راشد آل مكتوم، بعدما انتقل إلى رحمة الله يوم السبت الماضي أثر ازمة قلبية.

 

 

ـ ـ « كـلـمـة أخـي » ـ ـ سـالـت دمـوع احـمـد حفـيد اللي لهم طيبٍ وجاه قـلـت الـدمـوع تـتـرجـم اللـي مـسـتحـيـل يترجمه ـ ـ هـاجـوس شـاعـر لـو تـنـاقـل شـعـره كبار الرواه بـعـض الـمـواقف يستحي عن وصفها حبر قلمه ـ ـ والله يــا احمـد لـو تعـرف الصـدر هـذا وش وراه ورآه حـــزنٍ لــو بـغـيـت أكـتـمه وشـلـون أكـتـمـه ـ ـ حزني عـلى راشـد هـو أغـلـى حزن وآنا من نباه الطـيـب أوصـيـت الـعـيـون انـهـا بـدمـعـي تكرمه ـ ـ لـو الـحـزن يـقـدر يـردّه مـا ذخـر جـفـنـي بـكـاه حزنت لين الشمس تصبـح في عـيـونـي مظـلـمـه ـ ـ لـو آتـمـنّـى شي مـن دنـيا الـفـنـا كـان الــمـنـاه إن الـعـمر يـقـسـم مـا بـيـن اثـنـين حتى أقـسمه ـ ـ واعـطـيــه نـصـف العمر واشوفه على قيد الحياه واعـلّـمــه وش كـبـر قـدره فـي الـصـدر واعـلّـمــه ـ ـ إنّـه هـنـا فـي الـقـلـب لـيـن الـعمر ياصل منتهاه وانّـي أحــارب حــزنـي بـذكـره وطـيـبـه واهـزمـه ـ ـ أهـزمه قـدّام الـعرب واتـحسّب ان قلبـي حـصـاه وان صـرت بـلـحـالي كـوى كبدي بحامي ميسمه ـ ـ وأحـس بـالـكـيّـه فـي وسط الـقـلـب من كل اتجاه أكـابــر بـعــزّه ونـفــسـي لـلـحــزن مـسـتــسـلـمه ـ ـ فـي كـل دارٍ زرتـهـا لـي أطـيـب الـذكـرى مـعـاه لـكـنّـهـا صــارت بــعــد فـرقــاه ذكــرى مـؤلــمــه ـ ـ واللي يـفـاخــر بـيـن خـلـق الله بـكـثـرة أصـدقـاه إن كان مـا يـفـهــم مـصـيـر الـنـايـبـات تـفـهّـمــه ـ ـ والـنـعـم فـي الـصـاحـب لـكـن الأخ يفرق مستواه عـن مـسـتـوى صـديـقـك اللي يحشمك أو تحشمه ـ ـ الصـاحـب فـ لحـظـة غـضبه يضيع طيبه في رداه يـبــيـع حـبّـه بـارخــص الأثـمـان مـهـمـا تـخـدمـه ـ ـ وأخـوك مـا يـقــدر يـبـيـعـه لأنّــه اصـلا ما شــراه خُـلــق وحـبّـك وسـط خـفّـاقـه ويـجـري فـي دمـــه ـ ـ يـزعـل لـكـن لا قـلـت له يا اخوي يحتضنك رضاه دائـم أحــاســيـس الأخــوّه بالـمحـبّـه تــلــهـــمــه ـ ـ كـلـمـة أخي من فم أخي أجمل ما تنطقه الشفاه لأنّــه مـنـبــعـهـا خــفــوقـه قــبـل يـنـطــقـهـا فـمـه ـ ـ لـيـت الـقـبـر يـعـرف مـقـام اللـي دفـنّـا فـي ثـراه يـا مـااعـظـمـه حـيٍّ وهـو مـيّـت بـعد يا مااعظمه ـ ـ ما عاد لك يا احمد ولا لي غير ندعي في الصلاه ونـقـول يـا راحـم عـبـيـدك مـن عـذابــك تـعـصـمـه ـ ـ قـبـلـه جـنـود بـلادنـا ضـحـوا لـجـل تـذعـن عــداه ألله يــصــبّـــرنـــا عــلــى فــرقــاه والله يــرحــمـــه ـ ـ رابط القصيدة المسجلة موجود في الملف الشخصي ?

A photo posted by Fazza (@faz3) on