شجار بين ضابط وضابطة في العراق يُثير الجدل بين رواد مواقع التواصل

“هاي ملازم أول تتهجم عالدولة!” جملة تكررت في مقطع فيديو انتشر على نطاق واسع عبر منصات التواصل الاجتماعي في العراق وظهر فيه شجار بين ضابط وضابطة عراقية برتبة ملازم أول بدأ بتلاسن بين الاثنين وتطور بعدها إلى ضرب بالأيادي بين الأثنين.

ويظهر المقطع الضابطة العراقية داخل سيارتها وخلفها سيارة سحب ويبدو أنها في حالة عصبية وغضب وتقول “شبيكم أنتوا؟ متنتبه؟” وبسرعة تطور الوضع إلى عراك بالشارع بين الضابط والضابطة اللي خرجت من سيارتها وينتهي المقطع بتكبيل الملازم الأول من قبل الضابط وهي تصرخ.

بعد انتشار المقطع على نطاق واسع، ظهر فيديو آخر يصور بداية الحادثة، والملازم الأول خرجت من السيارة بسبب أن الضابط أغلق باب سيارتها على قدمها.

وبعد أن عبرت الضابطة عن انزعاجها من المعاملة اللي كانت تتعرض لها تطور الوضع وبدأت المعركة وانتهت بالضابط يلوي يدها ويكبلها.

المشهد أثار موجة جدل واسعة بين الناس، مثل الذي اعترض على تصرف الضابط ورأوا أن الموقف كان فيه إساءة للضابطة.

مثل رغد الحيالي اللي كتبت وقالت:

“كل هذا الفيديو مايشفع للضابط الي سد باب السيارة على رجلها وإذا عنده حق جان رفع قضية عليها فقط

أما تنهز رجولتة ويسد الباب على رجلها ويرجع يضرب ويلوي إيدها لا والله مانطي حق لو شيصير ووزير الداخليه المفروض يسجنه ويعلمه الأدب واحترام المواطن بالشارع ومايستقوي عليه وإذا عنده مشكلة ويا رجل أو امراة اكو قانون يروح يرفع عليه قضية

هم مو يكولون اكو قانون خلي يحاسبها بالقانون مو صاير رجال عليها وهي لامجرمة ولاقاتلة وإنسان غريب ويتطاول بهالشكل ابدًا مو مقبول ولا يمكن انطي حق مهما طلعت فيديوات عليهم”

وبين الذي اعتبر التصرف صحيح لأنها تعدت عليه مثل اسراء محمد قالت:

“من المعيب امراة تعتدي على رجال يمثلون القانون

إذا أساء لها ترفع عليه دعوى بشهود وتأخذ حقها لكن غلط ضرب هذا معيب بحقها أولا احترام القانون فوق الجميع هو ينفذ عمله لم يستهدفها بل أسلوبها  واضح مستفز”

وبين من لام الاثنين على المشهد الذي اعتبروه مهين للضباط وللعراقيين مثل علي خالد اللي علق:

“الطرفين غلطانين ويستاهلون يتعاقبون نفس العقوبة”