مصري يقوم بتدمير شقته لكي لا تستفيد منها طليقته والأطفال

“مش هسيبها تسرق دم قلبي!” هذه كانت كلمات رجل مصري في مقطع فيديو انتشر على نطاق واسع عبر منصات التواصل الاجتماعي، وبالأخص منصة إكس، وهو يكسر ويدمر ارضيات وحيطان شقته بعد أن تقدمت زوجته بطلب خلع من المحكمة.

والمقطع يظهر فيه هذا الرجل وهو في حالة هستيرية ويكلم الشخص الذي يصوره ويقول: “مش راحت اشتكتني عند الحكومة؟ والشقة من حق الزوجة والعيال؟ أنا معرفش مليش أطفال ولا عندي أولاد يا عم”

ليرمي يمين الطلاق أن زوجته السابقة لن تستلم الشقة إلا بهذه الحالة السيئة، وبرر فعلته بأن الشقة “دم قلبه” وأن طليقته لن تستفيد بجنيه واحد منها.

ويتوعد أنه لن يترك بلاطة وحدة في الشقة.

المقطع طبعاً سبب موجة جدل واسعة على السوشال ميديا واثار غضب العديد واستفزهم.

مثل نرمين التي علقت وقالت:

“هي الناس اللي سامعاه بيقول معنديش عيال وعارفين ان الشقة دي أصلا حق للعيال عشان مايقعدوش في الشارع ازاي شايفين دا اب مقهور مش اب جربوع؟؟”

وكودي كتبت:

“شقة الزوجية بعد الطلاق بتروح للمحضون (الطفل) واي حاضن بيعيش معاه مش الام بس يعني الراجل دا كسر الشقة عشان يمنع عياله بس منها

ملحوظة:جهازها  اللي هي جيباه بفلوسها والعفش اتكسر أو اتسرق في الحالة دي بس طبعا لازم نلغي القايمة عشان دي الحاجة الوحيدة اللي بتثبت حق الست في الجهاز دا”

بينما رانيا علقت وقالت:

“لما اقروا قانون الخلع في بداية الألفينات الرجالة قامت ومقعدتش اللي هو إزاي تطلقني وانا حق الطلاق في أيدي واشتغلوا في بكائيات ولطميات ولا اجدعها شيعة العراق يوم عاشوراء وهما ميعرفوش ان ده حق أصيل في الدين ربنا اقره للست عشان تخلص من الأشكال اللي زي الراجل ده.”

وسقراط استشهد بافيه من فلم اللمبي وعلق وقال:

“والله ربنا نجدها نوسة!

ده مش بس مش راجل ده عبيط.

علشان الأشكال دي ياريت ياريت ياريت تأجلوا الخلفة شوية لحد لما تتطمنوا ان الطرف التاني يصلح لمسئولية التربية ويكملوا مع بعض ويحافظوا علي الأولاد حتي بعد الانفصال!

تخيل الأولاد شافوا قد ايه قبل مرحلة الخلع وهيتحملوا صدمة الانفصال وفوق ده كمان هيعيشوا في خرابة!

اتفو علي دي أشكال.”

وانتم متابعينا لكم التعليق..