محمد فاروق
شيرين عبدالوهاب تفجر مفاجآت عن حسام حبيب
- الفنانة المصرية: حسام حبيب سرق عربيتي وأهانني وكان سيقتل بناتي
- سخرية شيرين أثارت غضب أسرة الموسيقار الراحل حسن أبو السعود
لا حديث لمعظم رواد السوشيال ميديا سوى عن الفنانة شيرين عبد الوهاب التي خرجت عن صمتها، وفجرت تصريحات خطيرة عن زوجها حسام حبيب، مؤكدة قيام الأخير بسرقة سيارتها المرسيدس خلال تواجدها في الساحل الشمالي.
وكشفت الفنانة المصرية، كواليس خلافها مع طليقها الفنان حسام حبيب في مداخلة هاتفية مع الإعلامية “لميس الحديدي” فى برنامج “كلمة أخيرة”.
وقالت: “حسام سرق العربية من قدام البيت.. سرق العربية مستغلا تواجدي في الساحل.. أنا خرجت من الجوازة دي بالوكسة والحسرة.. دا إنسان خطر، لازم أروح اتعالج من آثاره عليا”.
وأضافت: “أنا أستاهل الضرب عشان طلعت قولت مبياخدش منى فلوس.. أنا آسفة للناس عشان كذبت عليكوا، وهتعب عشان أرجع تاني شيرين اللى ضيعتها.. وعلاقتي بحسام عمرها ما كانت حب”.
وقالت شيرين إن حسام حبيب حمل السلاح في وجهها وفى وجه بنتيها، قائلة: “عيالي كانوا هيضربوا بالرصاص، قبلها بيومين قاعدين في الأوضة، طلع من الدرج علبة فيها رصاص.. راح مديني رصاصة وقال لي خد دي مني هدية”.
وأضافت: “الحمد لله إني لسه عايشة، وحسبي الله ونعم الوكيل.. احنا اطلقنا لما قصيت شعرى (بائن)، واللي حصل بعد ما هديت من الكارثة حسيت إن أنا مش قادرة أستغنى عنه وأديله فرصة تانية”.
الحمد لله إني لسه عايشة وحسبي الله ونعم الوكيل
شيرين عبدالوهاب
واستطردت: “خناقات فيها ضرب وسحل على الأرض وشتيمة عمر ما إنسانة تقبلها على نفسها.. واتنيلت على عيني ورجعت فقولنا ندى فرصة تانية وشروط.. وبناتي فى بيت تاني ونشتغل.. لحد ما ابتدت الوعود تتلاشى والمشاكل ترجع تاني وقلة الأدب ترجع تاني”.
وتابعت: “كل خناقة تحصل ما بينا يحرق دمي لحد ما أمسك المكنة وأحلق شعري.. وطلعت غنيت عشان بناتي ميتعقدوش وحسستهم إنه (نيو لوك).. تخيلي قد إيه أنا تعبت، ومش بستعر من شكلي.. ولما رجعنا لبعض تاني رجعوا تاني البنات يشوفوا إنه بيتدخل في كل شيء وإنسان معندهوش شغل”.
وفي نفس السياق، غضبت أسرة الراحل الموسيقار حسن أبو السعود بسبب تصريح شيرين حيث قالت: “بقيت زي حسن أبو السعود”، وهو الأمر الذي اعتبره البعض تنمر عليه.
وكانت شيرين قد نفت كل تلك الاتهامات خلال الفترة الماضية، حيث أشارت شيرين إلى أن حسام حبيب لم يستولَ على أموالها في أي وقت من الأوقات، قائلة: “بصراحة حق الله أن حسام عمره ما أخد منى فلوس ولا استفاد منى ماديا بل بالعكس تماما أنا ما عرفتش أحوش فلوس ليا غير لما اتجوزت حسام عشان كان بعكس اللي بيتقال تماما وهو كان بيحافظ على مالي ودى صراحة عشان دي حاجة هتسأل عليها قدام ربنا”، لتعود اليوم وتؤكد كل تلك الاتهامات.