آدم وإيزابيل: اخترنا أن نكون سعداء ونتحمل مسؤولية جميع قراراتنا

نص الحلقة :

إزابيل : "مرحبا ، تسمعينا "

آدم :  "سمعتينا "

مها  فطوم : " سمعتوا أصوات آدم وإزابيل ضيوفنا في بودكاست صارت معي ضمن سلسلة زواج مختلط ، آدم سوري وإزابيل من إستونيا ، كتار منكم يمكن بيتابعهم على الإنستجرام كونهم عاميلن أكونت مشترك بيشاركوا فيه يومياتهم ومواقف بتصير معهم بحكم اختلاف ثقافاتهم وعاداتهم وطريقة إزابيل المميزة والمهضومة لما تحكي عربي "

 

إزابيل : " آدومة ، آدومة ، احذرلي شو مين شفت اليوم بالسوق ؟

 

آدم  : "مين شوفتي بالسوق ؟"

إزابيل : " حذرلي ؟ "

 

آدم : " مليون حدا ممكن تشوفيه بالسوق ما بعرف شو هاي السؤال الي جوابه مليون جواب "

 

إزابيل : " ولاك فكر شوي حذرلي ؟"

 

آدم : " فرح "

إزابيل : "ما فرح احذرلي شو "

آدم : "طيب مين لكان والله ما بعرف "

إزابيل : "ليش فكرته فرح"

آدم : "انتي قولتي احذر ممكن يكون فرح "

إزابيل :"فكر فيها ، فرح!!!"

آدم : "عم فكر فيها لا بفكر فيها ولا بفكر في غيرها هاي بس خطرت على بالي "

إزابيل : "انت بتحكي الفرح "

آدم : "ما بحكي مع حدا انتي مين شفتي شي مين شفتي اليوم ؟"

إزابيل : "مابدي عصبتني"

آدم : "شو عصبتك، قوليلي مين شفتي اذا بتريدي "

إزابيل : "عصبتني انت وفرح خلاص "

 

مها فطوم : "آدم طلع من سوريا من حوالي ١٠ سنوات واتجه بعدها للخليج واشتغل من سنوات وبعدها استقر ببريطانيا مع عيلته سوا راح نسمع منهم قصتهم وكيف اتعرفوا على بعض ، هل كان في رفض من أهاليهم ، هل فرق العمر بينهم أثر على غلاقتهم ، وشو الأسئلة والتعليقات الغريبة الي بتوصلهم من المتابعين يالا ، راح نسمع زوايا وآراء مختلفة وجديدة لقصة زواج عربي وأجنبية "

 

آدم : "بدك تحكي ولا أنا آحكي"

إزابيل : " انت احكي "

آدم : " أنا بسافر كتير وبحب السفر من زمان عندي رفقات كتير باستونيا استونيين فعزموني على انه عندهم مثل العطلة الصيفية weekend  انه تعالى على الضيعة كان فيها يجي ١٠٠ شخص ساكنين فيها صدفة وانا الوحيد كنت ما استوني وهنيك شفتا لإزابيل ، إزابيل كانت موجوده هنيك ، وحكينا وكان حكي كتير حلو يعني ، تعرفنا على بعض هيك حكي عادي على جروب ، وبعدها شو صار إزابيل "

 

إزابيل : " وبعدين آدومة بيقول by the way  ( بالمناسبة ) قد ايش عمرك "

آدم : "سألت قد ايش عمرها ؟"

إزابيل : "قولتله هيك انا شويه صغيرة انا أكيد ، بس انا شو كان انا عمري ١٨ "

آدم :"قالتلي عمري ١٨ "

إزابيل : "هو بيقول نعم ، شو هادا !!! ، روحي من هون روحي "

آدم :" ١٨ !!! روحي من هون يا ماما ، بس حكيها ما دل انه عم بحكي مع حد ١٨ سنة ، طبعا هي زعلت بس كان حكي كتير حلو وراحت الأيام و رفقاتي بفنلندا انتقلوا للدراسة لعندنا بنفس السنة رحت على فنلندا بعدين صديقتي كتير مقربة لإلي فنلندية قالتلي انه عاملين عشا بإستونيا بتروح بين فنلندا وإستونيا بس تقارب ساعتين بالباخرة روحنا هنيك وقعدت على الطاولة ومين بقبالي "

 

مها فطوم  : " إزابيل ، ياسلام  "

إزابيل : " ما اطلع بوشي هيك "

 

آدم : " ما اطلعت فيني ، بتزكر قولتلها روحي على بيتكم روحي نامي بكير هاه ، وبعدين هيك حكينا وكذا وبالسهرة قلت انه خلاص انه حسيت انه هاي هيا ، هي البنت الي عم دور عليها بس عمرها ١٨ سنة بيني وبينها ١٥ سنة ، هي مواليد بال ٢٠٠٠ وانا مواليد ١٩٨٥ "

 

مها فطوم : " آه هيك الفرق ما كنت بعرف "

 

آدم : " فهو هذا كان أكبر تحدي انه هي عم تدرس بكالوريا (ثانوية عامة ) فانا ما كنت بمود انه العب او اتسلى أو شي فرحت على فنلندا أكمل أجازة بس بالي كان مشغول عنها فقولتلك انا باجي على إستونيا مرة ثانيه اعزمك هيك على عشا وبنقعد نحكي ، طبعا كان هذا اول date  بحياتها لإزابيل هي كانت اول ما صارت ١٨ ، فطلعنا اتعشينا بعدين قالتلي أهلي بدهم يشوفوك ،قولتلها نعم !!!،  فأنا هون يعني ما متوقع انه اجنبية تقولي انه أهلي قولتلها انتي اول date  يعني اول مرة حدا يعزمني على عشا ، فاتعرفت على اهلها ياأخي وهي وحيدة عند أهلها ، اتعرفت على اهلها  انا قولت مثلا انا فرضا  كنت موضوع أهلها واحد جاي من سوريا اكبر من بنتي ب١٥ سنة ما بخليها تروح او كزا او بفرض شي معين او لا يا بنتي شو عم تعملي ، انتي وين رايحة لأنه بالنسبة إلهم إستونيا السوريين عالم كانه هسه عم بحكيلك عن حدا عايش بكوريا الشمالية او شي دولة ما بتعرف عنها شي ، شي يخوف ، فوالله انا لما شفت أهلها واتعرفت هيك فحسيت انه هاي هي يعني المنشأ ، المربى،طريقة الحكي هو كان الفاصل انه فيه حكي بيناتنا ، شو بحكي معها بتفهم علي بتردلي ،بحكي بالسياسة بحكي بالرياضة نحكي بأي شي ، هيدا كله الي خلاني انه خلاص انه اقول هاي "

 

مها فطوم  : " طيب آدم ، انت من قبل ما تسافر على أوروبا كان عندك توقع او تصور انه انت وارده عندك فكرة الزواج من أجنبية وتكوين عيلة ؟ "

 

آدم  : " هلا بالنسبة يمكن إلي انا بختلف شوي لأنه انا بسافر كتير ، ٦٤ دولة ، والسفر دائما بيخلي دماغك انه تتقبل الناس اكثر فانا بالنسبة إلي ما كان عندي فرق اذا كان أجنبية ولا صينية ولا نيجيريا ولا عربية بس هادا اخذ معي كتير وقت لوصلت لهاي المرحلة ، قبل أكيد لما كنت أحلم كنت بحلم  ببنت الجيران وتكون حتى بنفس حارتي او بنفس مدينتي يعني بره مدينتي ما كنت اتوقع انه مثلا انا اتعرف على حدا ، بعدين انا خطبت بنت  كانت من غير مدينة  يعني كانت حلبية وانا من اللاذقية بعدين شوي شوي لما سافرت بلشت اشوف العالم  ايه اوك ما عندي اي مشكلة بس ما كنت احس انه انا جاهز لفكرة ارتباط بغض النظر بس انا شوفتها لإزابيل خلاص "

 

مها فطوم  : " طيب البيت، العيلة الصغيرة أهلك ،أمك، أبوك ،أخواتك ،كيف كان تفكيرهم بهذا الخصوص ؟ "

 

آدم : " كانوا داعمين جدا جدا جدا ، يعني حبوها لإزابيل كتير كتير كتير ، يعني وماما وأخواتي البنات

 

إزابيل : " كانوا كتير مبسوطين كانوا كتير كريمين ، أهلا وسهلا ، هيك حسيت الروح تبع العرب يعني عنجد العرب يمكن من اكتر كريمي الدول  بكل  world (العالم )

 

آدم : "هلا هما حسوني انا مبسوط الي بيبسطني كان معه صراحة يعني في شي نحنا قبل ما ننتقل ، نعيش مع بعض إزابيل انه جت تدرس ببريطانيا  يعني ضلينا نحنا ٩ شهور هي باستونيا انا هون عم نحكي  انا بخلص بكالوريا وهيك فما اجت بدها تنتقل لهون قبل انا  حتى افاتحها بالموضوع لانه بتعرف انه مثلا اهلي مسلمين وهيك في عادات فلحالها هي قالت وعرفت عن الموضوع فريحتني وريحت أهلي عرفتي كيف احنا لما كتبنا كتابنا قبل ما ننتقل نعيش مع بعض كانت كتير شغلة حلوه خلتني انا اضطر اقعد اشرحلها هي لحالها عملت دراسة للموضوع "

 

مها  فطوم : " انت عم تحكي بهاي الروح واهلك حبوها ويالا تعالوا ما في مشكلة واسلمت وكتبتوا الكتاب وهيك لو البنت بالعيلة هيك واتزوجت واتعرفت على شاب اجنبي بجو البيت عندكم عيلتكم بيتقبلوا هاي الشي "

 

آدم : " ١٠٠٪ هي الفكرة كلها بالتفكير انت بدك بنتك مبسوطة ولا زعلانه يعني نحنا اليوم كتير عنا حالات زواج ياأخي ابن عمه وبنت عم بينجحوا وبيمشوا بس هادا الشي الي بدوا اياه انا بالنهاية اختي بدا اياه او حتى بنتي نحكي عن بكره بالمستقبل راح تجينا ولاد ان شاء الله ، بنتي قالتلي اذا بدي انا حابه هذا الشخص ما عندي مشكلة ما هي بالنهاية الحياة تجارب ، الواحد بيجرب وبيتبهدل يا اما بيمشي حاله، ما في شي يجي بالسهل فانا تماما مثل ما قولتلك نحنا عيلتنا الي انتي شايفاه صح اعمليه "

 

مها  فطوم : " حلو لأن الناس تفهم يعني تعرف احيانا بيكون فيه قصص زواج اجانب بيقولوا اه بس لأن هي البنت اجنبية لو انه العكس كا ما حدا وافق بتعرفه انتوا اكيد بيمر عليكم "

 

آدم :" طبعا ، طبعا "

 

مها فطوم  : " وسألت إزابيل أيضا عن جو عيلتها وتقبلهم لفكرة ارتباطها بسن صغير بشاب يعتبر غريب عن ثقافتهم "

إزابيل : " كيف عم قولتلك اذا انت حاسس شي صح وما في شي تاني true  مثلا انا كانت عندي قصة عريضة طويلة لانه انا كنت offer scholarship كانت full sponsored scholarship  من  New York University    "

 

آدم : " كان عندها scolarship  من جامعة  New York  مدفوعة كاملة "

إزابيل : " وكتير حبيت بس اذا انت حاسس شئ حب هي دي الموضوع ما فارقه معي لهيك يعني انا ما بفكر في شئ انا يعني ما بيدي شئ قول للعرب ما كنت اعرف شئ للعرب اصلا بس شوف العالم وشو الموضوع واتفرج علي كل الشغلات وهيك

 

آدم : " هي ضحت بعلاقتنا اكثر لانه هي بدات بال  offer واجت علي جامعه  كان بالنسبه الي مسؤوليه انه هي بالنسه الها انه انا يعني عملت شي كتير كبير انه نجحت بمشرو ع ٣ سنين تفكر من وهي بصف تاسع  وهي بالبكلوريا تعرف انه هتروح علي هاي الجامعه لانه كانت متفوقه فبلحظه اتعرفت علي خلاص رفضت ال offer وجت مشان تكون معي فهاي الشغله خلتني انو هي ضحت هي ضحت كتير بهادا الموضوع بس اهله انه هاي السؤال اهله كيف وافقوا وكيف ؟"

 

إزابيل :" لا أنه أنا قولت لامي انا حسيت شي كبلا ما اتركه هيك وفورا قولتله انا اهلي هيك ما في وافقت وما وافقت ما فيهم يقولو فيها تعمل وما تعمل انه هي بيقولو علي طول هاي حياتك هاي ما حياتي هاي حياتك شو بدك تعمل تعمل احنا معك بس اذا بتعمل شئ غلط انتي لازم تكوني concequences  .

 

آدم : " انتي بتتحملي اي شي عملتيه غلط "

 

إزابيل :" والله هيك وانا يعني من الاول بقول شو الزلمه مين اجت يعني كنت كتير صريحه مع اهلي لهيك يعني شو "

 

آدم :" وأهلها طبعا عندي اياهم بالدنيا يعني ما بتتخيلي يعني قديش بيدللوني وقديش بيحترموني يعني علاقتنا كتير منيحه اهلها واهلي كمان كتير كتير انه باستونيا بهديك الفتره عم ياخدو كتير لاجئين سوريين بعدد معين فعم يجبروا الاتحاد الاروبي فا اللي صار انه في عيله مره طلعت بره البيت بدون علم زوجها راحت علي السوبر ماركت فحرقها عايشه وهادا الخبر خرب الدنيا باستونيا "

 

 

إزابيل : " وهاي اول شي سمعت من سوري "

 

آدم :" فأول شى سمعته استونيا  بدها تعرفه عن سوريا والسوريين انه رجال حرق مرته عايشه وبتعرفي انتي المديا عملوها كتير ضجه كبيره فكتير اتعذبنا انه والله هادول السورين بيحرقوا نسوان بيضربوا نسوان والله مافي هيك  يعني هاي حاله فرديه فهي كان تفكيرها انه هيك بيعرفو عن السورين ومع هيك انه هاي حياتي "

 

مها فطوم :" طيب شخصيتك انت آدم وانفتاحك علي العالم وسفرك وطبيعه عيتلك وجو عيلتك كان داعم جدا وكمان نفس الشئ إزابيلا زواج مختلفط يعني زواج اجانب يعني انتوا اتوفقتو انه عائلتكم الحمدلله تفكيرهم اتنيناتهم يعني سهل عليكم الامور ."

 

آدم :" لا لا ما موضوع العيله في شغله بدك تعرفيها كتير مهمه اذا انتي شخصيتك مستقله لتاخدي قرار لحالك وتوقفي عن قراراتك اي حدا بيلعب فيكي يعني اهلي صح حبابين بس اهلي قالولي والله بدك تتزوج هاي والله حبابه اتزوجها لا هي الفكره انا اهلي معودون وبيعرفو انه قراري انا راح اخده اذا كان في غلط ما راح اجي لعندهم لك والله انا وقعت في شغله لا انا بتحمل مشاكلي انا بتحمل فشلي فهي الفكره من الشخص وليس من اهله انتي كيف شخصيتك بتكون علي اساسها اللي حواليك بيتغيروا ."

 

مها فطوم :" شكرا انه قولتلي هاي الكلمه بها الطريقه هاي حبيت كتير لانه هي هاي محور القصه هلا بس انتو انا ليش عم بحكي علي العيله لانه حسيتكن انتو شخصين اتنيناتكم بتحبو العيله بتحبو جو العيله يعني

يريحكم نفسيا انه عائلاتكم متوافقه علي هالزواج صحيح انتوا كنتوا رايحين عالخيار هادا هيك هيك بس انه اهليكم موافقين ف انتو ارتاحتوا اكتر قصدي طيب هلا بعد ما بلشنا للحياه سوا ببيت واحد بدنا نحكي عن الافكار الهواجس  الصوره النمطيه المخاوف العادات التقاليد شو هيك اصعب المطبات اللي مريتو فيها لقدرتو توصلوا للانسجام الكامل ."

 

آدم :" ٣ قواعد او ٣ قوانين واضحين من الاول اول شئ لاهي صح ولا انا صح  لا عاداتها غلط ولا عاداتي غلط يعني انا بدي مثلا حط علي الاكل ملح فما معنتها ابدا انه انتي صح او انا صح  لهيك كل واحد اقرب من عاداته وتقليده لوصلنا لاتزان بالعلاقه لتوازن هلا كتير ناس تسألنا انه انتو كيف يعني كيف تتعامل بالقانون الاستوني ولا بالقانون السوري ولا بالقانون البيرطاني لا اذا هي مثلا جت فاقت الصبح ونحن باول يوم بالشهر بنقلي بيض عيون بقلها لا ما مظبوط نحن نقلي اومليت لا انت صح لا هي غلط هي هيك عاداتها انا هيك عاداتي نحن بنحترم كتير عادات بعضنا  وهايدي هي المفتاح الاحترام  الاحترام كان من اول يوم بينتنا ولهلا مستمر وهو اسا اي علاقه النقطه التانيه ."

 

إزابيل :" النقطه التانيه يعني اذا في شئ  بقلبك  لازم احكيه شئ ما حسه comfortable  لازم احكيه هيك يعني اذا فيك شئ شوي حاسس ما مرتاح فيه فورا  ."

 

آدم :" هاي نقطه كمان مهمه أنه مافي شئ نخليه بقلبنا في مشكله انا قولتلك باول شئ سبب نجاح علاقتنا انه في حديث بيني وبينها  في لغه في مواضيع مهمه للطرفين لما احكي عن شي بتجاوبني لما تحكيلي عن شي بجاوبها غير انه نحن اتنين كتير مختلفين فنحن لما نحكي بكل شئ معدنا شئ ما بنحكي فيه انه انت احكيت شغله زعجتني فيها قصدك ولا ما قصدك والله  ماقصدي اه اه تمام هيك انك عم تمزح عادي بس والله ما انا اضايقت ممك الاسبوع الماضي لانك حكيت هيك وامك قالتلي هيك لا  وكمان شغله مهمه ما بيقلب يوم علينا ونحن زعلانين من بعض لو شو ماصار لان نحن بنعرف خلينا متفقين انه هي حياه واحده وانه هي فرصه واحده هنعيشها مع بعض مافي  شئ بالعالم يقدر يرجع امبارح  خلاص امبارح راح فنحن واخدين قرار انه نعيش حياتنا مبسوطين هاي اهم شغله احيانا تكون الظروف كتير صعبه ما بنقدر بس نحن واخدين هادا القرار اذا كلمه اسف او ماكان قصدي هتخليني اعيش مبسوط اليوم بقولها مانه مشكله او هي مثلا شغله شافتني ما مرتاح يها ما بتعملها خلينا نكمل يومنا مبسوطين بسيطين ويمكن كتير فلسفه بس هاي القواعد ال ٣ الاساسيه عندنا ."

 

مها فطوم :" لا بالعكس مانا فلسفه بالعكس كتير بسيطه بامكان كل البشر يعملوها ويكونو سعيدين علي فكره طيب خلينا نحكي شو اكيد الحياه يعني  ups and down  ومو علي نفس السويه بشو ابرز الامور اللي عنجد هيك مثلا مرات عليكم صعبه عملت خلاف او خليني اقول انه واجهتوها كانت صعبه يعني وقفتوا عندها كتير مثلا ؟"

 

آدم :" مشكله كبيره حصلت معنا او شئ؟"

 

إزابيل :" اذا طبعا هيك ال ٣ قوانين يعني ما في شئ صعب لانه اذا حكيت فورا ما يكوون المشكله كبير ما بتكبر يعني انا زعلانه منك لانه هيك هيك هيك صار معي خلاص ."

 

آدم :" وأنا ببرر انه ايه انا قصدي زعلك لانه انا مثلا هاي الشئ ما حبيته بنحكي ليش ما حبيته بنوصل لنقطه بدي القصه اخر شئ بتنحل يا اما انا عنجد ما كان قصدي فما بتكبر لتوصل لاشياء محوريه ما بعتقد انه في صار شي كذا ؟ لا مافي ."

 

إزابيل :" لانه هاي decision " قرار " انه نكون مبسوطين "

 

مها فطوم :" طيب هلا احيانا احيانا كل واحد بثقافته ببيئته بيكون بأشياء هيك يعني في أشياء مهما حاول يوصلها لجنسيه تانيه ماراح يفهم عليه completly  يعني معاني كلمات جو معين نكته معينه مثلا "

 

آدم :" ماشفتي انتي اخر بوست ايلنا كيف عم تحكي يعني انا اخر شئ كنت افكر فيه تعمله بحياتي يعني انا ما اتوقع انه لو اتزوجت عربيه او حتي لو اتزوجت واحده من نص اللازقيه ما تعملي سنجئات يعني احيانا بتقعد تجيب نكت كلمات انا ما بعرف من وين سمعانه بتخضر مسلسلات عربي هي بتكتب وبتقرا كمان عربي والانستجرام ماشاء الله صار عنده كتير صبايا من الانستجرام وعندها واتساب جروب وهيك بيعلموها شغلات يعني دخلت قصص كتير لانه هي حبت مجتمعنا لانه متابعينها علي الانستجرام انه اهلي ورفقاتي حببوها بالعرب حببوها بالسورين حببوها بعاداتنا فمافي انك تجبري حدا انه لا بدك تصير هيك بالعكس بالتعامل يعني مره من المرات رجعت لقيتها اتخيلي جايبه جراب وقاعده عم تخيطه شو عم  تعملي قال  هيك انتو بتخيطوا شوفت مادري باب الحاره في هي حبت من جوه انه بدها تتعلم عادتنا ."

 

مها فطوم :" وخبروني عن اسباب تانيه خلتها تنسجم وتجرب تعرف اكتر عن الثقافه العربيه ؟"

 

آدم :"  ماما عملتها فته اذا طج بعقله  قد ما حبته فقالت انا رح ارجع من استونيا رح اعملكم فته شو عملتي ازابيل راحت علي استونيا "

 

 

إزابيل :" شو لازم جيب من فته هيك هيك هيك شوفت يمكن شغلات ما موجوده ما موجوده باستونيا طحينه لقيت كل الاغراض لقيت كل شئ الا اسمه شي حمص مابعرف يعني اخر شئ خلاص جبت شئ هيك بيشبهه هيك وعملت كل الشغلات وهيك photo photo  عم تصور بعدين قول يا بنت الحلال شو هادا بس هيك كنت بستخدم فاصوليا " حطت فاصوليا بدال الحمص " .

 

آدم :" بس اهلا قالو واو طيب فهاي قديش عادتنا واكلنا حبيتن وحبيت حتي انه تعملن يعني هلا باستونيا هي اكتر واحده انا بعتقد حتي بالعرب اكتر واحده تحكي عن العرب هاذا الشئ اهلي بيفتخرو فيه وانا بفتخر فيه يعني انتوا المتابعين الناس الي بتابعنا هنا الي بيعطوا هاي الصورة الحلوة يعني مثلا باستونيا مثلا رفقات كتار بيتابعونا ولا مره نزلولنا بوست رفقات ايه والله حلو ثيابك ، احنا العرب يا الله ما احلاكي بيجنن شعرك بيجنن لون ثيابك نحنا كريمين بالعواطف ما فيكي تنكرين ما في شعب تاني مثلنا نحنا العرب هذا خلاهم وخلاها كتير تحبنا ،كتير  تحب العرب ، يعني مثلا اروح بالسويد مثلا اي مطعم انتوا احنا كتير نحبكم ويقفوا يتصوروا معنا هيا تنبسط ، احنا ما في عنا هيك بإستونيا يعني ما في شي يعني مره  بإستونيا وانا وياها بنتعشي ،لقينا رئيسة وزراء فنلدنا قاعدة عم تاكل جنبنا على الطاولة ما في مثل هيك عندهم هذا مخليها تحب عاداتنا وانا مبسوط بهذا الشي بصراحة "

 

إزابيل : " انا حسيت عنجد العرب كريمين للحب ، انا حسيت هيك بيكونوا welcoming  عنجد احب العرب اشوف كل شغلات بال culture  "

 

مها فطوم  : "بس  اكيد على مدار السنين سمعتوا قصص مثل هذا الي حرق مرتوا ، سمعت قصص تانيه يعني في جانب تاني موجود بكل العالم يعني مش لأنه وضع العرب هيك هن بيعملوا فكيف بتتناقشوا على هاي الأمور العاطفية بشكل عام ؟"

 

آدم : " برجع بقولك ما في أمة كله مناح وما في أمة كلهم ما مناح يعني حتى باستونيا اهل إزابيل عايشين بمنطقة كلها فلل وهيك عوائل كلهم بيعرفوا بعض ، استونيين استونيين ما انه قريب على السنتر

هلا رحت على سوبر ماركت طلع فيني هيك عامل بيطلع فيني شعره اسود وعيونه سود فعندهم حتى عنصرية

هن حتى عندهم يعني نرجع لنقططنا الأولى انه الي ما بيطلع ويسافر ويفتح دماغه ويتقبل الآخر بده يضل مسكر نفس الشي الاستونيين والروس والامريكان ما الموضوع انه والله انه هي حالات فردية ما انه اننا نحكي انه الاستونيين هيك او كل البريطانيين ما مناح او كل السوريين فاهلها والناس الي مسافرة بتعرف انه لا في سوريين كتير مناح مهندسين ودكاترة عم بيعملوا ويشتغلوا وحايتهم ممتازة وطبيعيين جدا مثل اي حدا باهي الدنيا وفي ناس متطرفيم مثل اي دولة في العالم انا كمان بواجه احيانا مشاكل بإستونيا يعني، يعني عندهم عالم منغلقة "

 

مها فطوم  : " مثل شو ؟ "

 

آدم : " يعني لما بيطلع في هاي العامل انا ببتسم good morning  ما بيردوا علي عرفتي هاي بتخليكي بتعصبي شوفتهم شوي معصبين عندهم شوية عنصرية قولتها عادي يعني ، هي بتخجل من هؤلاء الناس الي موجودين ببيئتها "

 

مها  فطوم : " هلا بنحكي على جو السوشيال ميديا واختلافكم هو الي شجعكم تعملوا صفحة عامة وتقدموا يوميات وأفكار للناس وهيك أو لا انتوا هيك بالاساس كل واحد لحاله "

 

إزابيل : " كل واحد لحاله "

 

آدم : " انا عندي حساب ، انا كنت كتير اكتب على الإنستجرام قبل ما اتعرف على إزابيل لما اتعرفت على إزابيل قولتلها عندك انستجرام قالتلي لا قولتلها شو رأيك تعملي انستجرام قوتلها شو رأيك نعمل واحد انا وياكي سوا ف وهيك بعدين شو  قالت إزابيل "

 

إزابيل : "انا قلت انا بدي رغبتي اتعلم عربي ما في انجلش ابدا ابدا انجليزي خلاص لغاية ما فتحنا حسابنا بالعربي وهيك بلش "

 

آدم : " ما كنا متوقعين اصلا انها تكون شغلتنا ولا النا علاقه بها فإزابيل بلشت هيك بعيلتنا ورفقاتنا شافنا ٢٠ الف متابع ما بعرف "

 

مها فطوم  : " انت اساسا انت قايلي أكتف كان محتواك شو سفر وهيك "

 

آدم : " إيه كله سفر ، فبعدين اذا بضطر اسافر العالم بين ما تخلص جامعتها هي بعدين قرر انه قوي علاقتنا مظبوط بعدين شوف ايش بدي اعمل وين مستقري "

 

إزابيل  :" وبعدين اجت الكورونا ونحنا بالبيت خربت كل شي ،خربت العالم كل شي "

 

آدم : " ايه الكورونا خربت الدنيا ما كنا نسافر ، كنا قاعدين نحكي شوي ، إزابيل اعلمها شوي عربي بهاي الفترة "

 

إزابيل : " بس قويت العربي كتير لانه علطول هو يحكي معاي عربي ، البيت في كل المحلات "

 

آدم " احلي شي ماما عرفت انجليزي بتشوفي إزابيل وماما بتحكي معاها عربي ماما بتردلها انجليزي انقلبت الآية كليا ، فالأهل نحنا ساعدناها تحكي عربي ماشاء الله هي بفترة كتير قصيرة اتعلمت "

 

مها  فطوم : "آدم كان يشتغل في مجال تجارة السيارات لكن شغله اتأثر بأزمة جائحة كورونا فتحول من بعدها للتجارة الإلكتنرونية "

 

آدم : " فالسوشيال ميديا احنا ما معتمدين عليه ابدا كدخل ابدا سوشيال ميديا عم نعمله لانه شي احنا بنحبه انتي يمكن لما تشوفي مثل ما هيك قولتي بتشوفي حسابنا بتنبسطي لانه احنا ما مجبرين ننزل بس نكون مبسوطين وبالمود بنصور ، او بنبعد عن كل شي لانه بإيدنا ، ورجعنا من الشهر الثالث بلشنا سفر صرنا زايرين ١٦ ، ١٧ دولة خلال ٦ شهور في هلا عندنا بلان من ٢٠ شهر من واحنا طالعين لأول السنة تلات سفرات هون "

 

مها فطوم  : " شو درستي ، شو تخصصك ؟"

 

إزابيل : " انا دراستي  management هاي مثل الادارة الاستراتيجية "

 

آدم : "إدارة استراتيجية ، وهلا راح تبلش الشهر الجاي ماجستير "

 

إزابيل : " ب"global security

 

آدم : " بالأمن العالمي ، هذا المجال الي بتحبه "

 

مها فطوم : " وانت آدم تخصصك الاساسي شو ؟"

 

آدم :"  "human resourcesمعي ماجستير بادارة الموارد البشرية "

 

مها فطوم : " طيب يعني ما كان في صعوبة انكوا تشتغلوا هاي البيزنس تبعكوا انه اونلاين وتسويق وهاي القصص هاي ؟"

 

آدم : " هلا بأوروبا في كتير تسهيلات يعني في فرص بس احنا عندنا اليوم كتير صعب الانسان يغير يعني انا سكرت الشغل تبعي انا عم بشتغل بالسيارات ناس تقولك انه كيف انك بدك تعمل كذا فمثل انا بلشت بالسيارات يعني هيك سيارات واشتغل شي ثاني يعني خلينا نقول فعلا بريطانيا فيها فرص بيقدر الواحد يكون حر كتير  فيها ، انا لما اجيت على بريطانيا مباشرة اشتغلت ببلدية نورثامبتون ببريطانيا hr   بعدين اشتغلت بجامعة نورثامبتون كنت مسؤول عن الطلاب العرب  بعدين اشتغلت بشركة rolls - royce  بعدين انا قررت استقيل قالولي انت مجنون حد بيستقيل  قلت بدي اعمل شي لحالي فبلشت بالسيارات ، سيارة سيارتين بعدين الحمد لله كبر الموضوع فهي الفكرة انه يكون الواحد ياخد قرار شجاع ويعرف انه اذا فشل انا المسؤول عن القرار ما عم بحمل فشلي لحدا فهاي الاشي بحياتي ما بيخليني آكل هم انه في شغل اليوم ما في شغل اليوم لا الشغل راح يجي المصاري راح تجي بس انت تكون مبسوط واعمل شي غير الناس "

 

مها فطوم  :" في صبايا وشباب بتعرف السوريين هلا اتغربوا صاروا منتشرين بكل الدول الأوروبية وممكن يكونوا عم بيتعرفوا على شباب وصبايا من جنسيات تانيه يمكن عم يحبوا يكونوا معهم بس يكون في عوائق كتير شو بتقولولهم بتشجعوهم عن قصتكم اذا انتم هيك حابين تريحوهم انه هما مترددين انه انا حابب هاي الانسانه انا حابه هاي الانسان بس يا الله هو جنسيته غير اهلي اهله كذا يعني شو بتقولولهم ؟"

 

آدم : " ما فينا نعطي نصيحة يعني ما فينا يعني ناس كتير والله بيقلولي ادم منيح اخدت اجنبيه بتسوي ١٠ عربيات هادا الكلام مرفوض عندي كليا الحب ما بيعرف جنسيه وما بيعرف كذا وبعدين في كتير بنات عربيات فاتحين بيوت دايرين بالهم علي  زواجهن وعلي ولادهن ما موضوع عربيه ولا اجنبيه يعني موضوع نصيب قولا واحدا بس انا بقول يعني الحياه فرصه واحده عيشها وانت مبسوط فإذا عنجد حاسيين انه هادا شئ صح اعمله بس ما تحمل افكارك براسك انه الملوخيه اجباري عالعالم اطيب اكله وبدك تعمليها للعالم وبدك تخليهن لالا حبيبي الملوخيه اطيب اكله عندك كلها قد ما بدك ما حدا بيزعجك بس ما تجبر علي حدا اذا عندك هاي العقليه بيمشي حالك مع اي حدا ."

 

مها فطوم :" وازابيل "

 

إزابيل :" بدي اقول  respecting  اول شئ اذا  عندكن  respecting  فيكن تعملو شئ بأي دوله بأي جنسيه كيف بدكن تعملو ابس صح ما فينا كمان نقول اذا واحد عنده شي اهل وهما مبسوطين هيك شوي صعب لازم يكون في توازن

 

آدم :" كل واحد حسب علاقته باهله ما بعرف يعني الموضوع صعب يعني هي  case by case في واحد ما بيرد علي اهلك وروح اتزوج يعني هيكون مرتاح من جهه ومن الجهه التانيه هيكون عنده stress  بده يظبط اهله يظبط اللي حواليه يظبط الدنيا كلها بعدين يمشي بالموضوع في خيارات . "

 

مها فطوم :" ولما فتحوا سيره الملوخيه وتشبث البعض بأرائهم حول العادات سالتهم كمان عن بعض امواقف والعادات يالي جمعت بينهم ."

 

آدم :" أخر لقمه بكل شئ نحن بعاداتنا لازم ناكله ومانخلي شئ يعني بس مثلا علبه شكولا موجوده واو انه اخر واحده موجوده باكلها وبكبها فورا باخدها انا اخر واحده الي مبسوط وحظي حلو باستونيا كيف عادتهون يعني مثلا اذا مثلا ضلت قطعه شوكليت بيسأل الكل انه بدك اياها بدك اياها اذا ما حدا قال لا بياكلوها فانا خلاص في موز اخر موزه ما بتاكلها ازابيل علبه تمر اخر تمره اجباري في تمره عرفتي كيف فهاذا التناغم عرفتي الثقافات والعادات ارتبطت مع بعضها بطريقه كتير حلوه ."

 

مها فطوم :" بالفعل حلوه حبيتها كتير هاي الشغله انه انت دايما ضمنان انه ما في شئ بيخلص في شغله اخيره اكيد بتبقي ."

 

أدم :" أنه اهلي مثلا اخواتي البنات بياكلو الشيكولا وبيتركو العلبه فاضيه انتي هيك خلاص بتعرفي انه مستحيل تلاقيها فاضيه مستحيل تحسي وجع بالقلب عرفتي  بس هون خلاص لا ضامن انا هي مبسوطه انه خلاص هاي اخر قطعه انا بحبها باخدها ."

 

مها فطوم :" حلو طيب بتحسوا انه السوشيال ميديا والمتابعين حملوكن مسؤؤليه يمكن انتو ما كنتوا هاي القد بدكن اياها ان انتوا قلتو انتوا مانكم معتمدين علي شغلكم بالسوشيال ميديا عم تتسلوا او انه يعني عايشينها هيك بس صار عندكم جمهور يعني صار بينطركم بيطالبكم بدنا محتوي بدنا كذا كيف بتفكروا بهالخصوص ."

 

 

آدم :" عم نحاول نصير انه متل شغل ايلنا يعني هلا احنا عاليوتيوب اكتر شئ ضعاف بس نحن كتير مصورين لليوتيوب صراحه لانه صار عندنا قاعده جماهريه كتير عالم بتابعنا فعم نحاول نعمل متل شئ للخير شئ ايفنت لسوريا لأهل سوريا للناس المحتاجه نعلم الناس كيف بدهن يطلعوا علي اروبا يدرسوا كيف يعملو منح يعني نحاول انه الشئ اللي نحنا بنعرفه انه نعطيه عن طريق السوشيال ميديا انه الناس هيك تتذكرنا بدعوه او يقولوا آدم حكي شئ نحكي عن أخبار العالم نحكي يوميتنا فبحسبنا انه ما كتير مركز بس علي السفر بس لا ما في بقولك انه هو ١٠٠ ٪ يعني التزام لانه صار يومين او تلاته الرسايل بتخرب الدنيا  وينكم وينكم يعني في كمان شغلات ما بتعرفي الناس اللي بتابعك مين يعني مره وصلتني مسدج انه انا بجي من الشغل تعبانه كتير يومي بيكون تعبان بس لافتح السوشيال ميديا لاخد شويه طاقه ايجابيه اشوف شو عملتوا لما مابتنزلوا انا بضايق فهاي حمل كتير كبير كتير كبير هيك شغلات انا ما كنت اتوقع تصير في هيك كتير عالم هادا الشئ مخلينا دايما نخطط وراح يكون في كتير محتوي ان شاء الله ."

 

 

مها فطوم :": شو اغرب الاسئله والتعليقات اللي بتجيكم والتسؤولات ؟"

 

آدم :"  تزوجتا مشان تاخد جنسيتها  هو الموضوع بالعكس تماما هي فيها تاخد الجنسيه البيرطانيه بس انا ما فيني اخد الجنسيه الاستونيه ولا باي شكل من الاشكال الموضوع بالعكس هلا وبعدين يعني ما غلط الواحد يعني يلاقي طريقه انه يحسن وضعه وكذا يعني بس اغلب الحالات انه الواحد بيكون متزوج واحده اكبر منه بالعمر كتير كبير ويضحي بشبابه لحتي يقدر يستقر وكذا انا الموضوع حتي لو مشان جنسيه انا ما عندي مشكله يعني في احلي من هيك بس قولا واحدا انا مابدي احصل علي جنسيه باستونيا بس هي ان شاء الله قريبا رح تحصل علي الجنسيه البريطانيه ."

 

مها فطوم :" وازابيل كونك انتي الاجنبيه خليني اقول يعني شو بيجيكي قصص من عرب بيحكو معك بالانجليزي مثلا بيحاولو يعرفو منك اشياء بيضايقوكي بشغلات او مو يضايقوكي يسألوكي أسئله غريبه عن قصه زواجك بآدم ؟."

 

إزابيل :" أكتر شئ ليش ما بنجيب ولاد هاي السؤال الكبير كل يوم ."

 

مها فطوم :" هادا ضغط المتابعين بس ضغط من عائلاتكم ما في عل انجاب الاطفال ؟"

 

آدم :" أنا برجع وبقلك نحن حياتنا بإيدنا يعني هن بيعرفوا يعني ماما بتقلي الله يبعتلك ولاد وقت اللي انتو بدكوا هاي الكلمه وقت اللي انتو بدكوا بتعمل كتير فرق وهاي ما اجت بيوم وليله يعني بيعرفوا انه وقت ما نقرر نجيب ولاد هيكون الوقت الصح هنكون جاهزين عقليا ماديا ونفسيا انه نجيب ولاد ونكون مستقرين لحتي نقدر نعمل عيله فهن واثقين بقرارتنا وواثقين شو مرابيين او بيعرفوا عقليتنا ."

 

 

مها فطوم :" آدم وإزابيل سوري وأستونيه اتزوجوا وهلا عايشين مبسوطين اذا بدنا نحط هيك عنوان لسبب  هالنجاح يعني عنوان لقصتكم الزواج المختلط انتوا شو بتحطوا .؟"

آدم :" من روحي عالبيتكم ياعمو يالي مابقدر بعيش بلاها لك عم قالك ما بقي فيني عيش بلاكي ."

 

إزابيل :" هيك خلاص أوكي ."

 

مها فطوم :" إزابيل انتو شو عنوانك ؟"

 

إزابيل :" ما بعرف أنا برآي هيك الحياه هيك اذا بختار عيش مبسوطه خلاص ."

 

مها فطوم :" السعادة خيار ."

 

آدم :" تمام "

 

مها فطوم :" حلو ، شكرا كتير كتير وعنجد عنجد هالمقابله عنجد غيرتلي مودي thank you so much  يلا الي اللقاء

 

إزابيل :" شكرا كتير الك "

 

آدم :" يلا باي باي "

 

مها فطوم :" باي باي "

 

إزابيل :" good bye "

 

مها فطوم :" مع آدم وإزابيل وصلنا الي نهايه سلسله زواج مختلط انتظرونا قريبا بموضوع جديد عم حضرله بكل حماس لانه متل ما عودناكم في بودكاست صارت معي فهو بيهم كتار منكم من هلا لوقتها ضلوا بخير واسمعوا الحلقات السابقه دائما عبر  Apple podcast  وجميع منصات البودكاست فيكن أيضا تزوروا موقعنا akhbarlaan.net   للمزيد من البرامج والمواضيع للاستفسارات والمشاركات عبر الواتساب ٠٠٩٧١٥٦٨٥٣١٥٩٢ باعداد وتقديم بودكاست صارت معي برافقكم دايما أنا " مها فطوم " إلي اللقاء .