كيف يتعامل المجتمع مع الأب العازب مقارنة مع الأم العازبة؟

كيف يتعامل المجتمع مع الأب العازب مقارنة مع الأم العازبة؟"ساسين" يشاركنا تجربته.

"ساسين" فنان مسرحي وسينمائي لبناني، أب لبنت وحيدة عمرها حالياً 3 سنوات تقريباً، انفصل عن والدتها منذ عامين ومنذ ذلك الوقت يتبعان روتيناً لتقاسم مهمة الاعتناء بابنتهما ورعايتها حيث تبقى في منزل كل منهما من 3 إلى 4 أيام اسبوعياً.
يخبرنا ساسين في بودكاست صارت معي ضمن سلسلة آباء عازبين تفاصيل من حياته اليومية كأب عازب؟ وأبرز الصعوبات والتحديات التي يواجهها في التربية والتعامل مع طفلته في بلد مثل لبنان المجتمع ونظام الخدمات فيه ليس مهيأ ولا متألفاً للتعامل مع حالة الأب العازب.

إعداد وتقديم: مها فطوم
الإخراج الصوتي: محمد الحوراني
الهوية البصرية: سرد ديجيتال
الإشراف العام: محمد علي

 

نص الحلقة: 

إنه بشرفكن يعني ماني فايت لبصبص علي الأمهات أنا ما مبين معي بنت مزلطة وبإيدي حفاض مليان كاكا يعني شو بيكون وبعدين صيرت بغيرلها بحمام الرجال وفيه إشياء إلها علاقة بأنه آه ليه البنت معك مقتنع إنه إنسان غير سعيد مافي يربي ولد سعيد هاي تفنيصة   إنه قال أشياء بتتحسن لما بيصير في ولد لا بس كمان فيها تصير سيئة أكثر أنا بالنسبة لإلي الأولوية أنه ربي حدا بيعرف يكون سعيد بيعرف شو بدو بيعرف يعبر عن  شو بدو وعنده القوة والقدرة أنة يلحق شو بدو

سمعتوا صوت ساسين فنان مسرحي وسينمائي لبناني عنده بنت وحيدة عمرها ثلاث سنوات انفصل عن والدتها لما كان عمرها سنة تقريباً ومن وقتها لهلأ عاملين روتين بحيث تبقي عند كل واحد منهم من تلت الى أربعة أيام بالأسبوع رح نعرف من ساسين في بودكاست صارت معي ضمن سلسلة آباء عازبين كيف حياته كأب عازب شو الصعوبات والتحديات يلي بيواجهها بالتربية والتعامل مع طفلة بهالعمر ببلد مثل لبنان المجتمع فيه و نظام الخدمات مش متوالف ولا مهيأ ليتعامل مع حالة الأب العازب والبداية من الأسباب.

ما اتفقنا يعني من بعد الولادة ومن قبل الولادة صراحة بس كان لما تكونوا لحالكم غير لما يصير في ولد أنا ربيت ببيت بيتخانقوا الأهل فيه كتير وعندي مشكلة كتير جدية على هيدا الموضوع وبعرف شوعاملة في وشو عاملة بإخواتي وهيدا صار الوضع بالبيت صار أنه الخناق مستمر على الصغيرة وعلى الكبيرة وعلى أشياء منطقية وعلي أشياء مش منطقية وحاولت كل السبل لحتى نطلع من هذه الحالة ما مشي الحال حسيت أنه بلش  يصير الوضع ديتريمنتل يعني عنده أثر سلبي على ممكن بلش يصير عنده أثر سلبي على بنتي وما كنا سعيدين كشخصين عايشين بنفس البيت ما كنا سعيدين يعني كان في على فترة بعتقد هيك تعلق لمجرد أنه الواحد بيفكر أنه دائماً بيقدر يخلص العلاقة بس بعتقد كان صار خلاص أبعد من  أنه يصير هذا الشيء هلأ إتزامن مع أنه عم نجيب ولد  فما بعرف إذا للأسف أو لا أنه كتير تنيناتنا بنحبا لبنتنا بس أنه مع بعض ما كان ماشي الحال يعني

بشكل عام أنت شو رأيك بموضوع الإنجاب يعني هل صار أنه بطبيعة الحال أو شغلة أكيد هتصير بعد الزواج أو لا كان عندكم تفكير بخصوصه أنت حصراً يعني؟

أنا لوقت كتير طويل ما كان بدي وبعدين صار بدي هي كان في حمل مرة قبل ما كفا فـ لأ كان مقصود وواعي وموقفي من الأولاد من بعد ما صار عندي طفلة 180 درجة غير عن قبل يعني ياريت عملتها عشر سنين قبل أنه هيك كان بيكون عندي بعض طاقة أكثر بكون أصغر شوي بالعمر عرفتي بيكون قادر إنك تركض  وراهم أكتر عند شوية صبر أكتر كيف بفكر فيها بفكر أنه أنا هلأ أربعة وأربعين بنتي سنتين وشوية أنه بيكون عمري ستين لما يكون عمرها خمسة عشر ما حابب هاي الفكرة أنه ستين صرت ختيار خمسة عشر بيكونوا بعدن بعز بدن يشوفوا الدنيا وعم يتسألوا عن كل شيء عم يكتشفوا كل شيء و بيحطوا حالن بمواقف خطرة وبدك تضللت منتبه ايه فأحياناً عم فكر لوعملتها أبكر بس أنه الأشياء إتز وات إتز

لما كان عمر بنت ساسين سنة وشهرين تقريباً صار عنده ظرف خاص خلاه يكون معها لوحده بالمطلق بدون أي حدا يساعده وأصلاً بشكل عام ما حدا من عائلته أو عائلة طليقته كانت بتسمح له الظروف يساعد بشكل دائم كل حدا ملتهي بحياته ووضعه

أنا وياها لوحدنا 100% مافي ولا أي حدا تاني بسهولة من أصعب ثلاث شهور بحياتي كنت مرهق جسدياً لأقصى حدود لأقصى حدود أول ما بلشت تمشي أوتتحرك بيت جديد بعده مش مجهز بكل شئ عايزه لطفل عم تسأل عن أمها كتير أمها مش موجودة ومش قادرة تشوفها  يعني أنه في كان شيء سبب صحي ما قاردة حتى أنها تشوفها وما قادر أشتغل ما قادر طلع مصاري لوحدي بدي أطبخ بدي نظف بدي إعتني فيها بدي فيق معها بدي نيمها الضهر أنينة كل أربع ساعات كان بعده تغيير حفاظات تغير تياب التسلية تبعها تروح تشوف ستها تروح تشوف خالاتها تشوف عمتها أنه جرب قد ما في فوت ناس إنه مضي معن وقت إغفى أنا وقاعد كون مثلاً عم طعميها إغفي بأرضي كان في كمان كتير معلقة فيي طبعاً لأنه إمها مش موجودة فصار مثلاً إذا قاعدين بالمطبخ المطبخ هون بس أنه كرسي الأكل تبعها بعيدة عن البراد فشخة ونص إذا بتركها بروح للبراد لجيب شي بتفحش إذا بغيب عن نظرها كأني متت كان مرهق مرهق مرهق نفسياً و عاطفياً و جسدياً و مادياً وعلى كل الأصعدة اللي بتتخيلها يعني من بعد هول التلات أشهر آخر شيء لقيت أنه مافيك تربي لحالك بدي مساعدة يعني أنه أخيراً اضطريت أنه وظف حدا يساعدني لأنه ما فيك بكل بساطة مافيك ولا يمكن مستحيل  يعني أنه خصوصي إذا بدك تتشتغل وأنا كنت كثير من شغلي بالبيت فإنه ما أفتح كمبيوتر وإتأخرعلي شغلي ومشاكل مع العالم أنه وين الشغل عرفتي هول التلات أشهر كانوا  صدمة حتى أنه أوك شبعانة نضيفة مغيرة قاعدة علي السطيحة عم تلعب بره السطيحة هون بوجهي دغري هاي طاولة الشغل طيب يا بنت الحلال العبي بره  أنا هون بشتغلي ساعة  زمن ولا يمكن إيميل ما في أكتب هول الـ 3 شهوركانوا هيك قاسيين قاسيين عليها كتير وقت النوم أووف وقت النوم  فينا نقعد 3 ساعات بالتخت ما تغفى تغمض تغفى إذا بتحرك من التخت بدي قوم قوم أطلع دخن سيكارة رد علي التليفون هيك تفيق ما تخليني اضهر من التخت بعدين تغصب حالا ما تغفي ممسكة فيي وبس تغفى تقب بس بدها تحس عل حالها عم تغفى تقوم أنه  بلكي بعتقد أنه خايفة فل أنا كمان إيه كانوا قاسين

من بعد هدول الثلاثة شهور القاسيين تغير الوضع ورجعت تقدر تشوف أمها بطريقة منتظمة مقسمين فيها الوقت خلال الأسبوع بالنص طيب لما عم بيكون أنت بانتظار دورك كيف عم بتكون مشاعرك بتحس انه آه إجى الواجب والهم ولا إجت المتعة؟

النهار اللي بوديها بيكون أتعس نهار بالأسبوع دايما نهارالإتنين نهار بيكون كارثي لإلي بكون نص النهارعم ببكي بكون عم بعمل شغلة بفرط بعدين بصير بقعد وبعدين بتصير بتشكك بحالك كتير أنا الأول لما حدا بده ياخد البنت أاقصد إنه باي بابا بشوفك جمعة الجاي هاي ماما حبيبي مع أنه في اعتراف باللحظة في يعني عم نتطلع بالباي بعينها مش عم نتخبى مش أنه يلا خدي قبل ما تبكي خدي دوري السيارة وامشي وإذا عم  تبكي بنطر نتمشى بالشارع ننطر بقلها مرتي فوتي علي البيت اقعدي معها خمس دقايق بس تروق أوك بابا يلا بدك تروحي مع ماما باي كذا حتى إذا أنا عم جيبها إذا عم تبكي بدنا نحط موسيقى بالسيارة بروقها يعني ما بدي كنت عم جرب قد ما فيي إنه ما النقلة كل مرة تصير انسلاخ كون أنا أوك هلأ رايحة عند ماما ولا رايحة عند بابا أكترهلأ صارت هي أنه عارفة الروتين باي باي بترجع تقولي بكرة بكرة ماما بقولها ايه بكرة بكرة بكرة ماما بعدلها ثلاثة بكرة بتقولي بكرة بقولها لا تلاتة بكرة بعدلها إياهن تقولي بكرة بكرة ماما بقولها بكرة بكرة ماما أنه يعني بعتقد انه هذا كان أفضل لحتى ما يكون شئ عم نتخبي منه يصير هي عندها ردة يصير عندها خوف وإنه لا عادي رايحة عند ماما لا جاي عند بابا رواق أكيد منو رواق لإلها بعرف هذا الشيء بس على الأقل مش كل مرة اللحظة بتكون لحظة بكي وصريخ وجع وألم وشئ بدها تصير تتذكره ويثبت فيها كل الوقت هيك هلأ لقلك إنه لكون صريح وقت اللي بتروح بشيل شغل بشوف ناس بضهر من البيت بعمل الأشياء اللي فـ صايرة حياتي مقسومة نص أسبوع أنا عم بعمل شغلي عم بعمل المواعيد بروح بحضر مسرحية بروح ونص الأسبوع 24|24 ساعة بابا طبخ وأكل ونوم وحمام ولعب وضهرات وحرش وغابة وجنينة ومرجوحة وزحليطة وبحر فهيك صايرة هلأ في أوقات بكون أنه مارقة بشئ مثلاً عم يطلعلها ضرس نعمل بوتي ترينينج مارقة ما بعرف عم تعمل جلوف سبروت موجوعة نتفة فبتعذبك بصراحة يعني بتتعب مثلاً بثلاثة أيام بتنام ست ساعات وقت اللي بتروح بكون أنا إنه أأه اللي بيقولك لا بيكون كذاب بكل صراحة لأن الولاد فيهم ينقروا على أعصابك بطريقة و شاطرين كتير بهذا بيعرفوا يعملوه كتير أنه مثلاً فيها تطلب نفس الغنية 900 مرة بالنهار ولحظة بتوقفها في بكي ساعة وهلأ في معارك التليفون إنه أنا كتير قاسي على التليفون والشاشة ممنوعين أبداً بنحكي على التليفون هيك بتلفن لأمي بتلفن لأمها أوقات هي وعندي بجرب أنه هي وعندي كل يوم نحكي لأمها  مرة  أنه تشوفها 6 5 ونص 6 قبل النوم بساعة جود نايت ماما كذا كانت تحكي عن بعيد  تشوفهم ما بخليها تمسكه هيك يعني في قصص أنا برأيي مسؤولية الأهل أنه بدك تعطيه فرصة إنه ينما بشكل طبيعي دماغه جسمه أولاً ثانياً بدك تعطيه فرصة يتعلم شو يعني فان الفان هو شئ بنعمله شي بنتحرك نركب سكوتر بنروح علي الحرش بتشتريلهم طاولة بتعبيها ماي وفيها بطة وفيها أشياء  بدها تصيدن وبنروح علي البحر كتير وبنروح علي الحرش كتير وبنروح علي الجنينة منلعب هيدا أساسي لحتى كتب صارت حافظتهم عندا  كمشة كتب صار خلص بشوف بتدلني على أساس وتسميلي إياهم عم تحكي بلغتين ثلاثة أولريدي من هلأ مع أمها بتحكي شوي روسي معي بتحكي عربي وانجليزي مع أمها كمان وحاولينا في شوية ناس بيحكوا إنجليزي فبدك مسؤوليتك  تعطيهم فرصة أنه دماغهم يكتمل وبنفس الوقت أنه يتعلموا منين بيجي التسلية؟ كيف بتسلى لما تصير التسلية إلكترونية من هذا العمر عم نعمل جريمة بحق الأولاد نحن أدلتس ( كبار)  أنا ربيت وخلقت وخلصت جامعة ما في كمبيوتر ما عندي إيميل وبرضه التليفون مسيطر على نص نهاري وبضله ملزق بإيدي وأنا إنسان واعي بعتبر حالي فهمان يعني فكيف بولد مش ممكن لا أنا كتير صارم بهالموضوع وبدي انطر لسبعة ثمانية لتسع سنين ليفوت مش تيلفون يفوت تابلت بوقت ببلش يصير هو بيستعملوه بالتعليم وبأبليكشنز محددة يعملوا أشياء محددة وعلى المراهقة بصير في عندن تليفون مثل لما بتشتري تليفون لحتى تحكي الناس مش تلفون بيصير هو اللي بحضر عليه بدنا نحضر شيء بندور تلفزيون وبنقعد وبنقعد بعاد عنه أربعة أمتار وثلاثة أمتار وشاشة كبيرة قاعدة مش عم نحرق دين العيون حاطين التليفون بإيدنا هيك لأ أنا صارم بهذا الشيء

بحييك صراحة بدي اسألك هاي الأفكار وهذا الطريقة بالتربية وهيك كيف اتبنيتن شو كانت مصادرك هل الوضع اللي انحطيت فيه هو الي جبرك تقرأ أكتر؟

من الأول عندي هذا الهم لأنه أنه كمان بعتبر بشغله أنه أنا هلأ مثلاً أنه بقعد وقت الطويل على التلفون طيب ما أنا حدن  كنت ما في تليفون قبل كيف صار هذا الشي صار لأنه ما فكرنا لما بلشنا نستعمل سمارت فون وحتى سمارت فون يعني أنا 2009 2010 لجبت سمارت فون أنه قبل كنت بعدني بس علي اللي بيبعت تكست مسدج وبيتلفن يعني بـ 10 12 سنة إتغير شكل حياتي كيف الحال ولد عم يفتح عينه علي الدنيا

و بما يتعلق بالشق النفسي لحظة إدراك أنه الوضع بالبيت حيصير بلكي بيشبه الشيء اللي انت عيشته بطفولتك وبدك تجنبها إياه كمان هذا الشيء كيف بحب أعرف مثلاً استعنت بأخصائي نفسي أو أنت كان عندك تجارب سابقة أو كيف وعيت لهالموضوع

كان في لحظة محددة صارت تتطلع في أنا وعم عيط وتطلع بأمها وهي عم تعيط شفتها شفتها عم تعمل هذا الشيء شفتها بعيوني أنه صارت بالعمر لبطل هذا الشيء هيك صوت بالخلفية هي قاعدة عم تلعب أو عم تعمل  شئ تاني لا صار اللي نحن عم نعمله هو الفرجة هيك أوقات تضحك لأنه الخناق دائماً هو إذا( تغير في الحركة والصوت) فاللي ما بيعرف معناه بيفكره لعبة بيفكره تمثيل في تغيير بنبرة الصوت أوقات حس أنا لا الصوت عم وأوقات تكون علي إيد أمها والمشكل ماشي وبعدين أنه في حالتك إنت يعني نحن ما كنا مناح من قبل ما خلف هذا الشيء كمان موجود وأنا مقتنع أنه إنسان غير سعيد مافي يربي ولد سعيد هاي تفنيصه ومثل كل العالم عملت  الغلطة اللي ممكن تفكر أنه إنه قال الأشياء ممكن تتحسن لما يصير في ولد لأ بس كمان فيها تصير سيئة أكثر هو صح  كان في هيك منحنى ماشي بس كمان كان في لحظة بتشوفها حرفياً بالأولاد وين أنه الحالة تبعك إنت شخصية حالتك أو العلاقة بين الاتنين يعني كونك إنسان مش  مبسوط بحياته لأنه حالتك ببيتك منك مرتاح أو علاقتك مع إنه إن كان زوج ولا زوجة حسب الشخص منها مريحة منها منيحه منها منها ماشية بشكل سلس وطبيعي هتبلش تأثر على الولاد يعني في حالتك النفسية إنت و حالتك العاطفية وثباتك النفسي وكيف أنت بتتعامل مع الأشياء اكتشتفت أنه أنا كثير بعيط بالسيارة أنا وسايق وبعصب بالعجئة بصير العالم تكسر علي بلبنان السواقة كتير متعبة كمان مثلاً انتبهت في قبل كان عم تلعب بشيء وقاعدة بالكرسي تبعها عم تطلع برة في أوقات صارت تعيد ورايي أنا علي صوتي هي تصير تعيط عم تقلدني  كمان يعني شيء بيشبه هيك إنه بتبلش تشوف وين البيهيفير ( السلوك )  وين التصرف تبعك والحالة تبعك عم بيمتصوها الولاد عم عم بتأثر بشكل خلاص عم ببيلش يسير جزء من كيف بفكروا وبشوفوا وبيعملوا وهذا كان كان كان أنه خط أحمر كبير لأن مستعد ضحي بأي شيء وبمين  مكان مقابل أنه بنتي تربى بقدر المستطاع بحالة بوضع بيسمحلها بأفضل الشروط الممكنة لتكبر لتنمى لتخلق شخصيها اللي هي رح تخلقها مش الشخصية اللي رح تكون ردات فعل على التخبيص اللي أهلها عم يعملوه حولها أوك في شوية إستجما على الموضوع مانو أنه لا والله سوبر عادي بتذكر لما كان بعدها بسترولر يعني بس بتتحرك بالعربية لما نضهر بالحيهون كنت ناقل عليه جديد العالم يتطلعوا فيي بشكل كتير غريب لما يشوفوني لوحدي  فعلاً أنه الأمهات بيطلعوا فيك الرجال بيطلعوا فيك مع الوقت بيصير في  عندك بعض التصرفات اللي هي عادة الأمهات بيعملوها كمان أنه شو مثلاً كون بالقهوة أنو أوكي بدي روح عالحمّام غيرلها أنه حطها هيك عرفتي كيف لما بحطه على الخصرأنه بتحملها لأنه الأمهات بيحملوا هيك مش لأنه هذا شئ أنثوي لأن هيدي أكثر طريقة عملية  وبتشيل الوزن عن الضهر ومريحة للولد في سبب لهذه الطريقة فأنت بتصير تعملهم بدون ما تنتبه لأنه فعلاً هيدي أظبط طريقة فبلا بتشوف أشياء أو مثلا في خبريات من تبع أنه بنروح مثلا بكون بقهوة من هول المحلات اللي عندهم محل ولاد بيلعبوا أوك بفوت بدي غير للبنت طيب وين بيفوت ما عندهم محل مخصص للغ يارعادة الأمهات بروحوا إذا كان بمول بكذا بكون في غرفة غيار أنه في كل الأوقات بفوت حمام الرجال لأنه الأوقات اللي أنه بطلعي هيك تلاقي بحمام النساء إنه في محل للغيار ما فيي استعملها مرة كان المرفق فاضي مافي حدا ما في حدا  كلوا  سوا واضح أنه معي بيبي عم غيرلها أكلت ألف بهدلة أنه علي شوي رح إنشحط من المول أنه بشرفكن  يعني ماني فايت لبصبص علي الأمهات أنا  ما مبين معي بنت مزلطه وبإيدي حفاض مليان كاكا يعني يعني شو بدكن وبعدين صرت بغيرلها بحمام الرجال اللي هو ما فيه ولا محل مجهز بقعد مسح بالمغسلة ساعة من قبل وصرت بحمل  معي منشفة وبلها لحتى م أحطها علي محل ما بعرف حدا مغسل تمه حدا بتعرفي بدك تنتبه للهايجين لا أنا صير بدي أحمل عدة زيادة صار بدي بفكر وين بدي روح فا في أشياء عملية وفي أشياء هيك شخصية أن العالم نظرتهن وفيه أشياء إلها علاقه بأنه آه ليه البنت معك أنه في عالم عملوا دجادجمنت علي (أحكام) عملوا حكم قاسي علي وحتى إذا بدك لاحظت في ناس اتغيرت علاقتهم فيي من وقت ما تركت أنا ومرتي أنه أنا في فترة كان مرتي حالتها الصحية ما بتسمحلها تهتم بطفل أبداً حالتها الصحية والنفسية فلمجرد أنه البنت معي كل الوقت عملوا دجادجمنت علي ( أحكام علي ) بلا ما حتى ياخدوا وقت يسألوني أنه مرتك منيحة؟

إنه الحكم كأن أنه أنت أخذت البنت من أمها؟

إيه بالوقت اللي أنا  إنه كل الوقت قاتل حالي يعني لحتى أنه البنت تضل تشوف أمها ففي كان كثير أشياء أذتني كان بكيف في عالم غيرت تصرفاتها معي لأنه بلا ما يسألوا بلا ما يعرفوا وبالوقت اللي كان أنه مرتي فيه فترة في المستشفى يعني أنه عايزة مين يهتم فيها صحياً قبل ما أعرف أنه هيك دغري دجادجمنت عليك أنه كيف البنت معه كيف بدكن تعرفوا كيف فيكن تسألوا لا وبيتغير تصرفات وبيعملوا هيك هلأ كمان بفهم لأنه نحنا بمجتمع عاد الرجل عادة الآن هو بالوضع المجتمعي بيعطيه كل حقوقه وحتى إذا ما عنده الحق قادر يفرض أشياء بأنه مجتمعات بطريركية بتستغل النساء رجال بيستغلوا أطفالهم ليأذوا زوجاتهن ليأذوا الشريكة تبعهم بفهم أنه في إستيجما بس اللي ما بفهمه هو عالم قراب أو مش بالضرورة قراب بس عالم موجودين بحياتك يعملوا دجادجمينت (أحكام) بلا ما يسألوا فكان في هيدا الشق وفي القصص العملية مثل أنه وين بتفوت بتغير أحفاض إذا أنت بي عم تغير لبنت وتبع أنه كيف الهيك المجتمع مش عالم بتعرفون هيك بالشارع بالقهوة كذا بتشوف تطليعات بتسمع حكي أوقات أنت ومارق إيه وفي أوقات بلا أكيد بطلعلك أنه أه والله  برافو يعطيك العافية أنه آه حلو أنه هالقد تهتم ببنتك بس هول أقل صراحة أو أنه بيكونوا عالم عن جد بتعرفهم وبيشفوك كيف أربعة وعشرين علي أربعة وعشرين وبشكل مستمر بس ما بيخلى الأمر مبلا هيك هلأ في أوقات أشياء مزعجة بتشوفها بتضحك أو إنه بلطشن  أنه شو مش شايفين زلمة عم بيجر ولد من قبل يعني أو أنه إذا رجال عم بيعملوا هذا الشئ بقلوا جرب قضي وقت مع ولادك أنه بدل ما تضحك على حدا عم بيمشي بنته جرب أنه أنت تروح تمشي ولادك وتلعب معن تشوف بدل ما تضحك على الناس بعمل هيدا الشيء برد أوقات نعرف سلف كيف إتنين بيقدروا يواجهوا الحياة والمشاكل اللي بتواجهك بالحياة سوى كاكابل قبل أساسي كتير هيدا كان هي قبل قبل  حتى ما نجيب ولاد لأنه أنا بتجربتي بعتقد اللي كان سبب كبير هو أن كل واحد فينا بيتعامل مع الأشياء اللي بتواجهك بالحياة مش ضروري حتي مشاكل الخيارات المصاعب بس مجرد أنه كيف تعمر الأشياء بحياتك أنه كل واحد بيتعامل معه بطريقة كتيييير مختلفة وحتى بقول انه إتنينتنا ما بنعرف كتير منيح نفوت حدا تاني بهالعملية يعني كل واحد فينا بده يسوق لحاله هو يكون سايق وإذا التاني عم دائما في حدا شوي أكثر من التاني بس دائماً الاتنين بيحملوا المسؤولية كمان ما بنعرف نفوت بعض بكيف بنعمل قرارات بكيف ما نواجه صعوبات بكيف بنتخطى مشاكل بكيف بنعرف نكون مع بعض بنفس السبيس بنفس الفضاء نحنا ومختلفين هاي بس يصير في أولاد  هاي الأساسية لأنه الأولاد هايتنج إيفري ثينج (بيحددوا كل شيء) مثل خيط وبيشدوه لأقصى حدود بتنقره نقرة بيرن رن هيك بتصير أنت وأعصابك خصوصي بأول سنة وسنتين بكي وصريخ ووعية بالليل ونحنا إجي أنه خلقت في فترة الكورونا وفترة انهيار اقتصادي بالبلد أنه كله عم بيطربق علينا فكمان مزروبين بالبيت أكثر من ما أنه ممكن بالعادة لما يخلقوا عادة بتيجي تيتة بتقعد بيجوا الخالات نحن ما كتير طلعلنا هيدا الشيء كمان لأنه كان كورونا فإنه قصة إنه نعرف نتعامل مع الأشياء سوى ونواجه سوى ظهرتها أكثر قصة الزربة بالبيت والحجر وشغل من البيت فبرأي هيدا قبل أي أم عازب زوج عازب زوجين سعيدين زوجين غير سعيدين ه ي الأولوية هون قبل الحب الشغلة التانية علي سيرة الحب هو أنه إذا بتحبوا بعض اكتشفوا يو كان فانكشن توجاذر (إذا فيكن تشتغلوا سوا)  في شق الشغل بالعلاقة أنا يمكن ما كتير كنت أعرفه لأنه ولا مرة كان علاقة هالقد جدية أنه بتوصل لأولاد أنه فينا نزرع حقلة ونحصدها سوى فينا كومبليت تاسكس سوى (نكمل المهام مع بعض) أنه أنا بعمل هاي أنتي عملي هاي ونوصل لنتيجة مشتركة فيكن قادرين تعملوا هيدا الشي سوى عملياً لحتى ماطول على هيدي النقطة أنه اتنين يقدروا يعملوا سوى يعملوا سوى ويشتغلوا سوى توفانكش تو جيذر هيدا أساسي جداً بخصوص الأولاد

طيب بس هلأ بهالوضعية اللي أنتوا فيها اليوم إنه مقسمين مقسم الأسبوع بينك وبين طليقتك عم بيكون في اختلاف بطريقة التربية أو بالمبادئ أو متفقين لا بس أن كل واحد لحاله؟

متفقين متفقين على الخطوط العريضة بعتقد الخلاف هو على أديش لأنه الأولاد بيقاوموا كل واحد بيعمل علي قد ما  هو قادريعمل فبلكي أنه في حدن هيك شوي بشد أكتر في حدن رخو أكثر في حدن صارم أكثر في حدن هيك ملتزم أكثر بس أنه بالخطوط  العريضة يعني هي موافقة معي طبعاً أنه التليفون بيأذي موافقة معي أنه منيح تقضي وقت عم تلعب لعب حقيقيي قدر المستطاع ايه فـ بالأشياء الأساسية مبلا في إتفاق

سألت ساسين شو حاطط بباله يخبر بنته تفاصيل عن سبب كونهم عايشين هالستويشن ( الحالة )

بدك تقول الحقيقة أنا اللي أنا عم فكره دايماً هو إنه أنا بدي قلها إنه ما كنا ما اتفقنا أنه نحنا ما كنا سعيدين مع بعض بعتقد هيدا اللي فيك تقوله وبعتقد لما يصير عمرن كبير بصيروا ممكن يصيروا قادرين يعرفوا أكترأهمية أنه الإنسان يكون حتى لو ما كان سعيد عنجد ما يكون تعيس وشغلة بعد كان بدي قولها قبل مع السؤال اللي قبل أنه لما تبلش تشوف مين ما كان رجل أو امرأة يبلش يحس إنه هي العلاقة مانها زابطة وفي ولاد ما تنطر عنجد ما تنطر أنا بفضل أنه تركنا هي وعمرها سنتين أو سنة وشوي عن أن يكون عمرها سبعة لأنه الأولاد قادرين يتعودوا على الظرف اللي بيكبروا فيه عادي ماما هون وبابا هون عم شوفهم تنياتن ماشي الحال بس لما يبلش يصير الأشياء ثابت بحياته مية بالمئة هيدا تعودت عليه وهايدي أوضتي اللي إلي سبع  ثمانية سنين فيها وأمي كل يوم بشوفها وبيي كل يوم بشوفه مع بعض وبعدين تجي تكسر هون بيكون عم  تكسرشيء كتير صار ثابت فإذا في شك إذا في احتمال واجهه واجهه افهمه احكوا فيه مع بعض استشير اللي عايز تستشيره وأعمل قرار حاسم ما تتركها عم تمغط سنين وبعدين والله تيجي تترك بعد عشر سنين تترك بعد خمس سنين تترك لا إذا الولاد موجودين وحاسس إنه في مشاكل وما راح تكفوا أنا برأيي ماعم قولوا كخبيرعم قوله كتجربة تركوا على صغر أحسن ما تترك على كبر لأنه كتير أوقات بيفكروا العالم أنه ايه الولد بيحل القصة لأ وبيروحوا يجيبوا ولد تاني هيدي نظرية الهروب إلى الأمام أنه خلص ولد تاني وبننعجق كلنا سوى كلنا معجوئين وما حدا عنده وقت وبتصير المشاكل جزء من هالحياة وخلص وبنمشي لا أنا ضد هيك أبداً اللي شاكك بالموضوع واجهه فهمه إعرف شو احتمالاته وقرر يا بترك هلأ  يا مراح أترك ليكبروا الأولاد

أوك شو فكرتك أو تـ ما يصير عندها فكرة مشوهة عن العلاقات والحب والشيء اللي بيجمع بين الرجل والمرأة؟

ليكي كل البشرعنا فكرة مشوهة عن هاي الروابط بغض النظر عنجد هذا رأيي بكل صراحة إنه إنه كبشرية كمجتمع عم نحاول كل الوقت أنه نكيف العلاقة وكيف شكلها وطبيعتها مع شكل للمجتمع وقيمه صار كتير مختلف عن مابدي قول من مليون سنة عن من ألفين سنة عن ثلاثة آلاف سنة من عشرة آلاف سنة عن عن عن الطبيعة البشرية حتى أنه القعدة بأوضة علبة اللي هو البيت المعاصراللي إنه 8 ساعات بالنهار بالمدرسة التوقعات على الأكسيبيكتيشن اللي بالعلاقة الصورة النمطية المثالية الزهرية الوردية عن شو يعني زواج و حب وعلاقات كمان الصورة النمطية المزوزقة على الولاد لا في في صور وأفكار هيك متل إنه حاقنينا اياها ما بتجهزك للواقع عن جد أبداً لا إن كان  شو يعني شريك وحاجاته والاختلافات ولا شو يعني تعيشوا مع بعض ولا شو يعني فبعتقد إنه كل العالم  بشكل من الأشكال عنا صورة خاطئة  عن العلاقات هيدي أولاً بس هل إنه التجربة اللي حتعيشا كونها عم تربى إذا بدك ببيتين إنه مع أم لحالها وأب لحاله بتأثر عليها أنا بعتقد ممكن يكون العكس كمان ممكن أنه تخليها تفكر إنه العلاقات إلها كتير أشكال والعلاقات فيها تبلش وبتخلص ومنها آخر الدنيا كمان في ضغط على كتير ناس إنه اه العلاقة هي لمدى الحياة و بس وخلص وإذا صار هذا الشيء وخصوصي المرأة أنه اه مثل إنه بضاعة فاسدة صارت يعني عرفتي أوأنه يي حرام يدا مطلق بدنا نلاقيله وحدة أنه في في هيدي الاستجما يمكن يكون العكس على الأولاد الي بيربوا مع أهل منفصلين لطالما الأهل صريحين وما بيتخبوا من الأولاد وبيحكوا معهم بالوقت المناسب نخبرهم أنا بالنسبة لإلي الأولوية أنه ربي حدن بيعرف يكون سعيد بيعرف شو بدو بيعرف يعبر عن شو بدو وعنده القوة والقدرة أنه يلحق شو بدو إذا بعمل هيدا الشيء مع بنتي بعتبر نجحت بغض النظر شو بتعمل بعلاقة بحياتها إن كانت هتتجوز وتجيب ولاد ولا ان كانت ما بحياتها هتتجوز

صعب تربي لحالك وصعب تربي بشكل مشترك وصعب بس الأصعب أنك تربى ولاد ببيت مافيه سعادة فعنجد بنصح الأهل لأنه اللي مقتنعين أنه مانن سعيدين والسبب هو أنه الظرف اللي هنن فيه أتركوا اعملوا ولاد سعيدين اعملوا بيئة سعيدة للأولاد أهم من فكرة إنه أنا  لازم التزم بهيدي العلاقة إلى أبد الآبدين وهيدا هو المعيار والستاندر الوحيد للثبات قصدي الاستقرار لأولادي لربيهم لا لا بيت فيه اضطرابات وفيه هو مؤذي لتطور الأولاد أكتر بألف مرة من أهل تاركين بس فيه استقرار وفيه قدرة على السعادة والفرح

سألته أيضاً عن فكرة ارتباطه بعلاقة جديدة

إذا صار بشكل طبيعي وعارفه مثل ما أنه بيصير بأي لو ما عندك أولاد لو مانك مزوج إذا والله اتعرفت على حدن وحسيت هيدا الشيء ولقيت أنه منتفق أكيد ما في مشكل ما عندي ماعندي أي مخاوف من هذا الموضوع مثل ما أنه ماعندي مخاوف أنه كفي لحالي يعني لاني راكض ولاني أنه آه ويي وبنتي ولا والله

طيب بيضايقك شي في حال طليقتك السابقة طليقتك صار في شريك بحياتها أنه يضل الوضع هيك؟

جدياً وأنا دائما بالعكس أنا بعتقد إنه إذا كان هي بحاجة لهيدا الشيء ولاقته أفضل عنجد أفضل وكله بيرجع  لنفس الفكرة أنه ما  بيقدر إنسان تعيس يربي مخلوق سعيد ما بتزبط إذا وصلت للحظة بحياتها إنه اه والله هيدا تعرفت عحدن لتعيش هابي بيفوتلها  سعادة على حياتها وإنه والله صار إنه بدهم يعيشوا سوا بعتقد هون حساس الوضع أنه ايه مبلا بدي شوفه مبلا بدي اتعرف عليه ومبلا بيعنيني شوف هو كيف مع الولاد أوك مالي علاقة كيف هو وياها جدياً بس يعنيني أنه كيف كيف هيك كيف الطاقة بالبيت مع الولد هل الولد حاسس برياحة بوجود هذا الشخص لأنه أنا هالمعاييراللي حا إنو أنا مثلاً والله اتعرفت علي حدا وإجت لعندي على البيت ولقيت  إنه بنتي حتى لو مع الوقت ومع تجارب متكررة ما مرتاحة ما مرتاحة بوجود هذا الشخص فكرك  إنه أنا والله بتجوزها وبعمل علاقة معها ولا يمكن لأن هون كون عم فوت المنت خارجي ممكن ضل شوفه للشخص برات البيت يمكن يكون هذا هو السيناريو اللي إنه بيزبط بس أنه حدا يصير عايش بالبيت أنه مش عم قارن بس مثل أنه واحد عنده كلب بالبيت وعم يجي شي حدا كل ما و شو ما عملت عم بيقف يعوي كل الوقت أوك ما ما بتزبط مش عم قول  أنه الولد مثل الكلب بس عم قول في فاكتر في عامل إضافي بحياتي هلأ وبحياة زوجتي السابقة اللي هو أنه في طفلة أوك فقراراتك اللي بتأثر عليها بدك تاخد رياحتن بالحسبان مثل رياحتك أنت

شكراً ساسين وشكراً إلكم متابعينا على حسن استماعكم انتظرونا الأسبوع القادم بحلقة جديدة ومن هلأ لوقتها روحوا اسمعوا الحلقات السابقة عبر زيارة قسم البودكاست في موقعنا أخبار الآن دوت نت أو من خلال تطبيقات البودكاست المختلفة مثل جوجل بودكاست، آبل بودكاست، سبوتيفاي، ديزر وأنغامي وإذا كنتوا حضرتوا الحلقة في يوتيوب بتلاقوا في صندوق الوصف الروابط المطلوبة للاستماع خلولنا بطريقكم لايك وشير واشتراك وفعلوا زر الجرس ليوصلكم كل شيء جديد منا برافقكم دائماً بالإعداد والتقديم أنا مها فطوم إلى اللقاء

• بودكاست صارت معي
• سلسلة آباء عازبين
• مها فطوم