لماذا لا نحب موظفي الـ HR؟

نص الحلقة :

مها ليش موظفي الـHR مش محبوبين؟ 

ليلاس لا فيني أنا أسأل قديش راتبك سابقاُ وفيكي ما تجاوبي، ممكن يكون مثلاً عندي budget لوظيفة 20 ألف بس ممكن الشخص يطلب 10 فإي الشركات أو الـHR رح يسأل أنه شو الـexpected salary أو شو آخر salary أنت كنت؟ مشان ياخذ فكرة عن الرقم اللي ممكن يعرضه 

مها نحنا مفروض نتوجه إلهم لما يصير معنا مشاكل بالشغل، هم لمين بيتوجهوا؟ وشو المشاكل اللي ممكن تصير معهم أصلا؟ صحيح أنه دائماً في موظف بالشركة هو صديق مديرة الـHR وبينقلها حكي؟ 

ليلاس أي طبعاً لازم لأنه هي ما رح تفضى أنه تشوف كل شي 

مها كيف تشكلت بعض الأفكار الخاطئة والشائعة عن أدوارهم بالشركات؟ وشو بيشتغلوا لما الشركة تكون موقفة التوظيف؟ 

ليلاس يعني مرة مثلاً إجى لعندي أحد المدراء قلي ليش ما بتجيبولي الحليب يلي أنا بدي ياه؟ وبتجيبوا لمدري مين الـNescafe اللي بدها ياه؟ وهو أنه بـposition كتير عالي، وضلينا بهي القصة شي ساعة، أنه أنا بستغرب أنه أنت يعني عنجد بهاد الـlevel أنو جاي عم تحكي معي مشان موضوع الـNescafe والحليب؟

مها ليلاس مكي، متخصصة في الموارد البشرية وعلى السوشل ميديا، كريمة جداً بنصائحها للباحثين عن عمل والراغبين بتطوير أنفسهم مهنياً، شاركتنا في بودكاست صارت معي ضمن سلسلة خفايا الشغل، تفاصيل ومعلومات مجهولة لمعظمنا حول دور موظفي الـHR في الشركات وفسرتلنا سبب انتشار الـMemes عنهم في السوشل ميديا بالإضافة لأغرب وأطرف المواقف اللي صارت معها خلال عملها رح نسمع منها والبداية من أسباب تخصصها بهذا المجال 

ليلاس هلق الصراحة يعني هي ما كانت planned الموضوع أنا كان يعني دراستي business management بس إذا بدي أحكي عن الـHR يعني كيف فتت فيه؟ هو خلينا نقول هالمجال لحتى حدا يفوت فيه، بده يكون في عنده شوية صفات معينة فبعتقد أنه بعض هي الصفات كانت موجودة عندي وby default لقيت حالي فايته بالمجال وحاببته يلي هي أنك بدك تكوني أول شي كتير مستمعة، بالك طويل جداً وبده يكون في عندك الجانب الإنساني عالي شوي وبنفس الوقت بدك تكوني خلينا نقول professional فهدول الشغلات أنا شوي شخصيتي عندن أني أنا بالي طويل كتير بحب أسمع للأخرين وهيك فهذا الشي ساعدني إني أنا أكتر فوت بالمجال وحبه وكمل فيه يعني كل هذه السنوات  

مها بالنسبة للصفات يلي ذكرتها ليلاس مين هو وشو منصبه بالشركة، الشخص اللي يقرر إنها صفات مطابقة وبيقوم بتعيين موظف الـHR؟ 

ليلاس الـHR هو مجال كتير واسع وفيه كتير تفرعات يعني نحن منفكر أنه هو التوظيف هو HR وthat's it بس هو الـHR فيه تدريب، فيه الـperformance evaluation يلي هو تقييمات الأداء، هدول كلن ممكن يكونوا أقسام مختلفة تحت الـHR وحتى الـHR فيهlevels كتير عاليه في HR manager بتعرفي ممكن director, HR BP فممكن لما يكون في عنا role مثلاً لـHR manager ممكن اللي يعمل معه الـinterview حدا أعلى منه، وإذا ما كان في حدا أعلى بهي الشركة، بنفس القسم وكان القسم شوي محدود، فممكن يكون بقى مدير الشركة Direct هو يلي يكون مسؤول عن التوظيف لهذا الـ role 

مها بشكل عام هلق يومك كمختصة بالـHR وقبل قبل ما تصيري هلق استشارية ومختصة، يعني كنت مديرة قسم الموارد البشرية، روتين يومك كيف يكون؟ يعني كيف بيبدأ موظف الـHR يومه شو بيعمل؟. 

ليلاس الصراحة يعني، يعني ما بقدر اختصرلك اليوم أو أحكي عنه أنه بمراحل، لأنه اليوم غريب عجيب بيكون  شوي مانه يوم عادي عنجد يعني موظفين الـHR حتى أنا هديك المره كنت عم اعمل مقابلة مع صبية، فقالتلي أنه أنت أنه كتير صعبة شغلتكن صح؟ أنه أنا ما بقدر شوف حالي أبداً بهذا الـDepartment أو هذا المجال لأنه فعلاً صعب أنه بتضلك كل اليوم عم تتعاملي مع الناس طول الوقت، مع ناس كتير مختلفة، مع عقليات كتير مختلفة عم تواجهي طول الوقت مشاكل عم بتصير، فيومك بيكون يعني محاط بكتير قصص مها ممكن تكون عبالك وممكن ما تكون، وممكن تكون إلها علاقة بالـDepartment تبعك وممكن مالك علاقة فيها أصلاً، فـby default لأنه أنت HR حتجي الناس لعندك وحيعني يدخلوكي بأي شي عم بيصير غصب عنك، لأنك أنت الشخص اللي الناس كلها بتلجأله في حال صار أي شي، فاليوم بيكون أكيد مانه سهل ومانو كتير طبيعي مثل باقي الأقسام، يلي ممكن يكون عندن مثلاً from A to Z بيعملوا 1,2,3 وخلاص، في عندن شي واضح لا الـHR بيكون involve بكتير قصص مع كتير ناس internal,  external يلي عم يشتغلوا بالشركة ويلي برة وحتى يعني أنا بالنسبة لإلي لأنه أنا صرت يعني بعد الإدارة بقسم الموارد البشرية بعدين صرت استشارات، صرت فوت أكتر بالـbusiness setup للشركات لما تبلش، أنه كيف تبلش؟ كيف تجيب موظفين؟ كيف تبني حالها؟ فهيك بتكوني أنت بقا شو صرتي involve بكل شي، يعني من تأسيس هذا المكان from 0 لحتى يبلش أنه يأنتج ولحتى يتأسس  

مها طيب هلق بشكل عام بالشركات بكل تخصصاتها وتوجهاتها، الموظف بأي قسم بأي كمان منصب يعني بتقييم شغله على أساس المهمات وجودتها وكيف النتيجة النهائية، موظف الـHR شو معيار نجاح أنه أدى مهمته بشكل صحيح؟ 

ليلاس في معايير كتير ومعاييرالـHR صعبة، بس أنه إذا بدي أحكي مثلاً عن جزء من مهام الـHR اللي هي التوظيف، فأنت المعاير عندك أنه قديش بتعملي مثلاً كم role  بتسكري خلال قديه، بيكون عندك target مثلاً الشركة أنا يعني في شركة من الشركات أنا اشتغلتا كان عندي target 60 role خلال شهرين، تخيلي وهي بتكون شركة جديدة فبكون في عندن hiring requirements كتير عالية وسريعة، فيكون عندك هيك target مثلاً اللي هو واحد من kpi تبعك، فهي واحد من المعايير اللي ممكن أنه تنقاس عليها يعني الأداء  

مها يعني هي الشغلة بالكمية ولا بالنوعية؟ 

ليلاس لا بالاثنين، بس أنت لازم تسكري هدول الـroles يعني ما هي هي الفكرة أنه أنت لازم تختاري صح وتختاري الشخص المناسب لهي الوظيفة وتسكري هي الوظيفة خلال وقت معين  

مها طيب شو بصير إذا مثلاً بشكل من الأشكال الموظف اللي تم تعيينه عن طريق مديرة الـHR أو قسم الـHR يعني بعدين أثبت أنه هذا غير جدير بالـtitle أو ما عم يؤدي شغلة بشكل صحيح عمل مشاكل مثلا يعني موظف غير مناسب 

ليلاس شو النتيجة يعني؟

مها يعني هل، هل بيرجع في لوم أو مسؤولية على موظف الـHR؟ 

ليلاس ممكن طبعاً، يعني هلق شوفي لما مرات بيكون في ضغط فبصير الواحد بده يسكر الـrole حتى أنا في recruiters كتير بشتغلوا يعني بيتعاملوا معي أو بيتواصلوا معي بيكون في عندن وظائف معينة، أنا بوظف فيها ناس فبتعرفي يعني هذا المجال كل الناس بتشتغل فيها مع بعض، فممكن مرات يكون يعني لما بيكون في target بدن يسكروا الوظيفة بأي طريقة وبسرعة ومرات أنه ok يعني في عندي معاييري اللي أنا مثلاً، عندي وصف وظيفي ok حاول ألتزم فيه قدر الإمكان بس بالأخير بدي سكر الوظيفة، هلق مرات كتير يصير أنه هذا الشخص اللي عينتيه مانو منيح مانو هي، بس يعني الـHR الصح بيعمل اللي عليه بيكون مثلاً في مو بس أنت، يعني مو بس الـHR اللي عم يعمل interview بالأخير فيه hiring manager ممكن يكون CEO involve فكل هدول الناس فاتوا بعملية التوظيفات وبعملية sorry المقابلة، عطوا رأيهم قيموا هذا الشخص فبالأخير طبعاً أنت قد ما قدرتي تعرفي قصص خلال المقابلة ما رح تقدري تعرفي 100 بالمئة، هذا الشخص إذا مناسب ولا لا، فممكن بعد فترة أنه ما تزبط وأنه خلص يعني يكون ماعاد تقدري تستمروا مع بعض، فممكن يكون في لوم على قسم الموارد البشرية ولكن الـHR صح هو بيحمي حاله أنه يعمل اللي عليه، أنه يكون في أشخاص تانية involve بهذا الـrole أو يعني بالمقابلات لحتى يكون في إلهم كمان رأي، يحاول قدر الإمكان أنه يكون مطابق للوصف الوظيفي اللي هو الـjob description ففي خطوات طبعاً لازم يعملها، حتى يتفادى أنه يصير في بعدين لوم وطبعاً بتصير كتير لأنه كتير ناس ممكن تتوظف وبعد 3 شهور أو 6 شهور اللي هي فترة تجربة تلاقي أنه فعلاً ما يعني غير مناسب لهي الوظيفة 

مها كيف بيتصرف موظف الـHR المسؤول عن اختيار الموظفين، لما يفرض عليه توظيف شخص معين، لأنه إله واسطة ذات شأن بالشركة، ومتى بشكل عام تعتبر واسطة أو ترشيح أو تزكية؟ وشو الفرق أساساً بينهم؟ 

ليلاس هلق في فرق كبير لأنه ممكن أنت حدا يعني بالشركة يجي يعطيكي يقلك أنه هذا الشخص عم يدور هي أو عم يدور على شغل أو مثلاً أنا شايفه أنه مناسب لهادا الـrole فخلينا نعمل إنه ok بدي أعطيكي بس الـCV، فأنا إذا شفت أنه فعلاً هو مناسب بالعكس عم يساعدني، يعني عم بيعطيني شخص ممكن يكون مناسب أسرع من الشي اللي أنا ماشيه فيه اللي بدي أقعد أنا لسا To select people لحتى يكون مناسبين، فهي طريقة، وحدة منن ممكن أنا أخد الـCV وفعلاً أحكي مع الشخص وإذا لقيته مناسب أعمل معه interview، هلق فيه حدا تاني ممكن يكون هو مدير بالشركة، يجي يقلك أنه هذا الشخص بدي ياه تعملي معه interview فا حتعملي معه interview بس هذا بيعتمد على قديش الـHR بهي الشركة عنده صلاحيات إذا أنت فعلاً كHR عندك صلاحيات فأنت إذا لقيتيه غير مناسب فيكي تقولي ممكن ok منعمل معه مقابلة ولكن أنا مالي شايفته مناسب لهي الوظيفة فما بدي أنه يكون يعني نكمل معه، وفي مدراء بتتقبل حتى لو هم جايبيه as واسطة، هلق في واسطة من نوع آخر، إذا صاحب الشركة جايبلك هذا الشخص وقلك أنا بدي إياه لأسباب معينة أياً كانت، في علاقة في business بالـbackground أو شيء، فوقتها اي بدك تقبلي وتوظفي، فـit happend يعني أنا مثلاً صارت معي بس قليل، قليل كتير بس بتصير معي كتير أنه موظفين أو مدراء بيعطوني profiles وبعمل معن interviews  وإذا كان غير مناسب we don't select it  وحتى مرات ممكن يعني we select someone ونروح معه وببلش كلشي وإذا كان بعدين مانه مناسب ممكن يمشي، لهيك أنا كتير يسألوني بتعرفي مها؟ كتير دائماً أنه لا الواسطة والمعارف أهم شي المعارف، بقلهم فعلاً مهمة كتير أنا ما عم أقول لا، بس إذا الشخص ما استمر يعني حتى لو أنا أجيت عملتلك واسطة وبلشتي بهذا الشغل طيب إذا أنت ما استمريت، ما قدرت تعطي المطلوب طيب كيف بدن يخلوك؟ يعني هذا الشغل الذي أنت مكان جاي تعمله من بده يعمله؟  بدن يوظفوا حدا تاني بدن يجيبوا حدا تاني مكانك أو بدن يصير عليهن extra cost يجيبوك أنت وحدا تاني فما بتزبط يعني ما بتزبط دائماً  

مها بعض الأشخاص سواء كانوا باحثين عن عمل أو موظفين يعتبروا موظفين الـHR على أنهم عوائق بمسارهم المهني، ومنلاحظ انتشار أفكار عديدة مغلوطة عنهم في السوشال ميديا إما بالـmemes أو بالمقاطع الكوميدية، فشو سبب هالنظرة إلهم؟ 

ليلاس  هلق الصراحة للأسف هي الفكرة صارت سيئة أو في انطباع سيء عن الـHR بسبب بعض الممارسات، ممارسات من من موظفين الـHR، يعني إذا بدنا نحكي كبدايةً من الـinterview لإذا بدي صير أنا بهي الشركة موجودة وموظفة وعم بتعامل مع الـHR بشكل يومي يعني، فا فيي ممارسات عم بتكون سيئة، وعم تعطي انطباع للأسف يعني مانه حلو ومانو حقيقي لأنه يعني كلمة HR يلي هي human resources حدا لازم يكون يعني يتعامل مع مع يكون إنساني يتعامل مع الأشخاص، يفهمهن، يقدرهن، يفهم مشاكلهن فهي هي منعاتها فإذا أنا بدي كون حدا tough ومزعج لهدول الأشخاص، فأكيد أنا عم بستخدم هذا الـTitel بطريقة غلط، بالنسبة للـinterview،الـiterviews ممكن تكون tough مع الـHR وممكن تكون tough أكتر مع مع المدير أو مع الـhiring manager أو مع البعدين مع الـCEO، لأنوبتعرفي مرات بيكون المقابلات إلها مراحل بس الـHR لحتى فعلاً يقدر يضمن أنه هذا الشخص يكون مناسب، مرات بده يكون في أسئلة شوي استفزازية خلينا نقول 

مها okay 

ليلاس بس المتقدم الصح بيقدر بالعكس ياخدها بكل روح رياضية، وبيقدر يقلب بشكل الـinterview لطريقة تكون سلسة وهاديه ويكون فيها رايق ويكون، فكمان نحنا حتى يعني كمتقدمين لفرص العمل لازم نعرف كيف نتعامل ما ناخد الشغلات القصص شخصية عرفتي؟ ما ناخد الأسئلة شخصية، ما نتحسس ما نعتبر أنه هاد الشخص عدوي لأنن هني فعلاً لما ممكن الواحد يروح على مقابلة يحس أنه أنا هاد هلق بده يقعد يحقق معي وممكن إنه الـHR أصلاً مانه فهمان بهذا المجال فأصلاً حيسألني أسئلة مانا إلها علاقة بالوظيفة اللي أنا عم قدّم عليها، ولو أنه هاد الشي مانه صحيح دائماً فنحن يعني أنا بنصح دائماً المتابعيني أنه أنتوا لما تفوتوا على المقابلة، أول شي relax وبعدين ما تعتبروا هذا الشخص عدوكم، سواءً كان HR أو غير HR وما تاخدوا الموضوع شخصي لأنه ممكن هي المقابلة تنتهي وما تعود تشوف هالشخص بحياتك صح؟ 

مها صح 

ليلاس فأنا ليش بدي أخد هي الأسئلة شخصية؟ خلص هو عم يسألني وأنا كمان بدي اسأله، لحتى كون يعني أقدر أتقبل الموضوع بطريقة هادئة شوي وما أتلبلك وما أتوتر 

مها مرة سمعت تعليق من كمان مسؤولة HR يعني قالت قالت لأحد اللي عم يسألوها، أنه بالعكس أنت بدك تحط بالك أنه أنا أصلاً لازم لازم تكون المقابلة جيدة ولازم أنا وظفك لأنه هذا جزء من كمان مهماتي

ليلاس  والـ target تبعي، 

مها فإذا بتحط هالفكرة ببالك رح ترتاح أنه هي بدها توظفني إذا أنا عنجد كنت مناسب 

ليلاس صحيح 100بالمية أكيد 

مها طيب أنتوا كموظفي HR منتشرين يعني بكل المجالات كيف بتتلقوا أو هي النكات عنكم؟ لما بتشوفوها عالسوشال ميديا أو لما حدا يقلكن ياها بشكل مباشر هيك بين المزح والجد؟ 

ليلاس هلق أنا صراحة كتير بتضحكني هدول القصص يعني ومتابعيني ما بتعرفي قديه بيوصلني videos طول الوقت بيقلولي أنو sorry بعتنالك ياه بس كتير بضحك، وأنه عنجد وشايفه قديش كتران موضوع التريقة، خلينا نقول على، على الـHR، هلق ليش؟ قلتلك بسبب بعض الممارسات أنه دائماً مزعج لأنه ليكي أنت كـHR عم تقربي على الـ part المهم للموظف، مثل مثلاً إجازاته، الـsalary تبعه، تصرفاته، الدوام، إيمت أجى، أيمت راح، فكل هدول الشغلات اللي هي بتعتبر شوي إلها Part من الرفاهية تبعه، فلما أنت عم تجي تتدخلي فيها صرتي أنت عنصر مزعج عرفتي؟ فلهيك اي ممكن كتير ناس ما تحبك، بس أنه كيف بناخدها؟ أنا بصراحة بضحك، بضحكني وبلاقيها أنه أي هل فعلاً ممكن مواقف من هالشيء اللي عم يبعتولي ياه أو اللي عم شوفه، عم يصير معي ولا لا؟ 

مها موظفي مجال الـHR المفروض يحترموا خصوصية وكرامة المتقدمين للعمل، ويتجنبوا طرح أسئلة ممكن تكون تمييزية أو تؤدي إلى شعور المتقدمين بالتهديد أو التقليل من شأنهم، وهذا جزء من اخلاقيات هي المهنة  

ليلاس هلق في كتير قصص مو إلها علاقة بس بالأخلاقيات، وإلها علاقة بقانون العمل، طبعاً نحكي حسب أية دولة يعني بس مثلاً ما بصير أنت تسألي حدا عن الل، يعني نفوت بموضوع الـnationality، الـgender، الـage، إلا إذا كان في عندي role معين أنا بـindustry معينة يتطلب أنi يكون مثلاً في عندي عمر معين أو يعني سؤال، عرفتي هدول السؤال؟ أسئلة شخصية ما إلها علاقة كتير، أو في طرق تانية بيعملوها يعني بقسم الـHR أنه بيعطوا form فأنت تعبيه فمنبتعد عن الأسئلة هي، فبتعبي مثلاً العمر،الـnationality، الـgender، بس كأسئلة يعني أنا بالنسبة لإلي ما بحب أبداً أني اسأل هي الأسئلة، بس ممكن أعرفها بطريقة تانية، يعني خاصةً أنت بالإمارات عندك so many different nationalities، ومرات كتير ناس ممكن تتحسس من هذا السؤال فممكن أنت تعرفيها بطريقة ثانية، حتى أنا بقول لمدراء الأقسام يلي مرات بيعملوا معي مقابلات وقلن، انو ما تسألوا عن الشخص عن الـnationality، أو ما تسأل عن العمر unless أنه نحنا بدنا مثلاً ممكن تسأله هل تتحدث مثلاً اللغة كذا؟ أحسن ما اسأله أنت من بلد كذا، عرفتي؟

مها نعم، نعم 

ليلاس ممكن مثلاً الـeducation أنت وين درست؟ أحسن ما اسأل هي، ففي أسئلة ممكن نتجنبها بطريقة تانية الأفضل أخلاقياً أنه ما نسألها 

مها والديانة بطبيعة الحال 

ليلاس إي طبعاً 

مها من المهم جداً بالنسبة للمتقدمات للحصول على وظيفة أنه يشعروا بالراحة والاحترام خلال عملية التوظيف، وقد يثير سؤال الـHR لإلهم إذا عم بيفكروا بالحمل على المدى القريب، بعض القلق، لكن بنفس الوقت مفروض نعرف أسباب طرحه من قبل موظفي الـHR في بعض الحالات، بالإضافة لأسئلة تانية قد تبدو للبعض غير محقة وغير ضرورية. 

ليلاس هلق هاد السؤال أنا انسألني  كذا مرة، أنه انسألوا يعني بمقابلات بس هو هذا السؤال إلو أسباب بتكون، وطبعاً الشخص اللي عم يسأل هذا السؤال لازم يفسر ليش عم يسأله، في شركات مثلاً أنا بدي جيب  هلق وظف موظفة عندي project مهم كتير لازم تشتغل عليه خلال مثلاً أول 4 شهور، فأنا لازم أعرف إذا هي حامل، ما بقدر أنه تاخد هاد الـproject لأنها حتجي تأخد إجازة بعد كم شهر عرفت؟ رج يكون في عندها الإجازة تبع الأمومة رح يكون في عندها يعني كتير benefits فبيجوز أنا الـproject اللي عندي هلأ ما بيسمح بهذا الشي فلا يهون يسألوا هذا السؤال بس لازم يشرحوا أنه أنا عندي كذا، كذا فنحن هذا المشروع هلق عنا، فما نقدر أنه مثلاً يكون في انقطاع عن الشغل لمدة سنة OK؟ فما منقدر وللأسف بتصير وصارت أنه في ناس يعني، يعني في صبية كانت فعلاً حامل وما حكت وبعد شهرين، تلاته خلص عرفوا أنه حامل واضطروا أنه يعني هي انقطعت عن شغل بسبب، وهنن خسروا خسروا كتير بسبب هذا الـproject ففي أسئلة إلها أبعاد 

مها نعم 

ليلاس نحن منفكر أنه هيك بس سؤال ومنحس أنه، أنه أنتوا شو دخلكن تسألوا؟ إذا هاد السؤال كتير شخصي يعني بس لما منعرف ليش طبعا هذا لازم يكون في تفسير وراه لحتى أفهم  

مها طيب سؤال ثاني انسأل كمان حسيته أنا غير لائق أنه زوجك شو بيشتغل؟ وقديش راتب زوجك؟ 

ليلاس لا طبعاً، مانه سؤال طبيعي في أسئلة، في أسئلة بتنسأل بتكون ما إلها يعني لا أخلاقية ولا مهنية ونحن فينا بكل سهولة نقول إنه sorry، أنه هذا السؤال شخصي وأنا ما بحب جاوب عليه فأي سؤال ما إله علاقة، يعني ما انشرح ليش عم ينسأل هذا السؤال؟ سؤال يكون كتير شخصي، سؤال ما إله علاقة بالوصف الوظيفي اللي أنا جاية مشانه بالوظيفة، بالشركة، بالـbackground تبعي، بالخبرة تبعي في أسئلة ممكن تكون يعني هديك المرة حدا قلي أنه باعتيلي form عم يسألوني قديش طولي؟ وقديش؟ مع أنه الشغل مانه يعني ما إله علاقة مانه model 

مها مثلاً 

ليلاس قديش طولك وأهلك وعن العيلة وكم أخ أنتوا؟ وكم؟ ويعني form طويل عريض كتير شخصي، فقلتله أنه لا، يعني أنه اسأل ليش هنن يعني بجوز مخربطين يعني، بجوز position ثاني تماماً مو لإلك للشي اللي أنت عم تقدم عليه  

مها طيب ومعناتها أكيد سؤال الراتب السابق قديش كان ممنوع هلق، صح؟ 

ليلاس ليه؟ 

مها أنا عم بسألك ما بعرف، أنا معلوماتي أنه هلق ما عاد ينسأل سؤال قديش راتبك كان سابقاً بالشركة القديمة؟ 

ليلاس لا فيني أنا أسأل قديش راتبك سابقاً؟ وفيكي ما تجاوبي 

مها ok بس هو ليش بينسأل أساساً؟ 

ليلاس بينسأل لحتى هلق شوفي الشركات مو كل الشركات بكون عندها pudget لهذا الوظيفة اللي عم توظف لإلها وممكن يكون عندي pudget بس ممكن أدفع أقل منها لو الشخص يعني ممكن expect أقل عرفتي؟ يعني أنا إذا ممكن يكون عندي pudget، 20 ألف وهي هي الناس ما رح يحبوها، ممكن يكون مثلاً عندي pudget لوظيفة 20 ألف، بس ممكن الشخص يطلب 10 يطلب 12، بس فعلاً في شركات وأنا صارت معي بأول وظيفة توظفتها بحياتي أنا عطيت expected number كان أقل بكتير من الـbudget تبعن بس هنن حسوا أنه أنا بستاهل أكتر وعندن pudget أكتر وكانوا كتير أخلاقيين وعطوني مثل الـbudget تبعن ما عطوني مثلما أنا قلت فإي الشركات أو الـHR رح يسأل أنه شوexpected salary؟ أو شو أخر salary أنت كنت عم؟ مشان ياخد فكرة عن الرقم يلي ممكن يعرضه. 

مها ok، معناتا بكل ثقة لما ننسأل شو الراتب المتوقع نجاوب ما ما نتردد؟. 

ليلاس اي عادي يعني شو اللي بيأثر؟ بالعكس 

مها لأنه هذا موضوع أنه بيحير الناس المتقدمين عالوظائف، أنه بخاف قلهم أي رقم، يقوموا مثلاً أنو يقولوا أه والله هذا كتير ضاربها علاوي مثلاً أو هذا كتير مقلل بقيمة نفسه يعني هيك 

ليلاس ما هو نحن لما منعطي رقم وهذا السؤال كتير بجاوب عليه،وكتير بنسأله، ما نعطي هيك رقم لأنه هيك خطرلننا نعطي أي رقم، أنا اليوم حاسس أنه أنا بدي 10 الاف درهم، طيب أول شي بدنا نشوف شو الوظيفة اللي نحن عم نقدم عليها؟ نشوف الـMarket نعمل search الناس اللي عم تشتغل بهي الوظيفة قديش عم تاخد؟ قديش رواتبها؟ يعني هي اسمها market research حتى شوف أنا قديش قيمة هالوظيفة بالـmarket؟ وشو قمتي أنا بالـmarket؟ كممكن كتير هلق في مواقع بتفوتي بتحطي أنه أنا عندي خبرة مثلاً 10 سنين بهذا المجال اشتغلت كذا، كذا، كذا، بعطيكي range قديش الناس اللي بهالخبرة عم تاخد، فأنا صار عندي فكرة قديش تقريبا الرواتب فعلى أساسها بقول أنا الـexpected تبعي مثلاً من كذا إلى كذا، أنا ما مع مو مع أن نقول رقم واحد 

مها من كذا إلى كذا. 

ليلاس دائماً نعطي range والـ range بيكون فرق 5 ل 10 ألاف فهيك بكون أنا بالـsafe side ودائماً الـrange الأولاني هذا يعني الأقل هو الشي اللي أنا بقدر أقبله ما بنزعج من دونه والأعلى هو الـwow بالنسبة لي  

مها طيب نحن هلق ما بدنا نحول جلستنا لجلسة نصائح، بس هي كانت ضمن فقرة أخلاقيات مهنة موظف، يعني موظف الـHR أي نصائح بخصوص تطوير مهنتكم، تطوير أنفسكم مهنياً، نصائح الباحثين عن عمل بتقدروا  تلاقوها دائماً بالسوشال ميديا عند ليلاس مكي، طيب هلق ننتقل لشخصياً أنت شو، شو التحديات اللي بتواجهك بشغلك؟ شو أصعب التحديات اللي واجهتيها لحد الآن كموظفة الـHR؟

كتير، يعني نحن بهذا المجال عندك كل يوم تحديات، هلق أنا بدي أحكي عني شخصياً قلتلك أنا involved أكتر بيعني صرت business setup، يلي هو يعني أخر كم سنة لإلي كانت خبرتي بالـstartups يلي هي الشركات الناشئة، الشركات هي لما بدها تبلش صراحة بتوقعوا الـHR أنه هو حيكون سوبرمان عرفتي؟ يعني أنت you eill be involve بكل شيء من وقت ما ياخدوا الـoffers لوقت ما ناخد الـlicence لوقت ما نختار شو الـoffers شو الـfurniture ومن الموظفين وبعدين تعملي الـpolicy فهذا هو هي أصعب مرحلة تأسيس لـbusiness معين، يعني لأي شركة مثلاً أنت، أنا عم بشتغل معها أو شي، بكون فيها كتير تحديات وخاصةً لما بيكون مثلاً business جديد هلق الـHR بيزبط بأي business يعني لأنه كل business بده الـHR بس بقا بتختلف أنه يكون عندك background عن هالـbusiness ولا لا؟ لما ما بيكون عندك background بتصير صعبة شوي فبيكون في كتير تحديات إلها علاقة بأنه بدك تنظمي كلشي وبدك تلحقي على كل شي خلال وقت ممكن يكون كتير قصير، بدك تجيبي الموظفين اللي بدن يعملوا هذا الشغل اللي هو يعني هلق عم ينعطى لإليك بس هو ما لازم يكون كـHR job عرفتي؟ ممكن يكون يعني لوظائف تانية، فبيكون فيه كتير تحديات طبعاً إذا بعدين بدنا نحكي عن الـenvironment إذا فتنا وصار في موظفين وصار في كلشي بالشركة وكلشي جاهز، بعدين صار بقا في مشاكل الموظفين والمجادلات اللي بتكون بيناتن، والشكاوي اللي بتجيكي وكيف ممكن تحليه ا، بدك تكوني كتير حيادية وما تخلي مشاعرك تؤثر عليكي بكتير مواقف وبدك ترضي كل الأطراف 

مها حياة موظف الـHR بسبب تعامله مع شتى أنماط البشر، حافلة بالمواقف الطريفة والغريبة 

ليلاس بالـinterviews اي كتير بصير شغلات بس أنه خلينا نقول ممكن مضحكة، يعني مثلاً آخر مرة عملت interview مع شخص ووظفته الصراحة هو ما عنده يعني أي خبرة، بس هالشخص من كتر ما كان رائع ومن كتر ما قلبلنا الـinterview هو من كتر مانه مبتسم عنجد ومتفائل وأنه يقوم هيك يقلي، لا أنا بعرف كذا، أنا بعرف كذا، يقعد يحاول فعلاً هو عم يبذل مجهود بطريقة بالـinterview وهذا الشي أنا كتير بحبه وكتير حلو، أنه عم يبذل مجهود بطريقة أنه أنا أكيد مناسب لهاد الشغل وأنا بقدر أعمل كذا وأنه حتى لو ما بعرف أنا بتعلم هلق في ناس كتير هيك وفعلاً هنن جاهزين يتعلموا بس ما عندهم هي الطريقة أنه يعبروا عن حالن، فكانت كتير حلوة وكتير هيك أنه عنجد كان أنه يعني كتير ملفت طريقته وفعلاً شب حببنا نعطيه فرصة وهو فعلاً شاطر، وإذا عن مواقف مضحكة بتعرفي بتصير يعني قصص أكتر خلينا نقول مع الشباب أكتر من الصبايا، يعني عندي مثلاً بالشركة مثلاً من فترة خاصة مع الـseniors manager ما بعرف ليش هيك بصير معاهن بيتحسسوا من قصص كتير صغيرة، يعني أنه أنا لما بيجوا لعندي مثلاً بيقلولي يعني مرة مثلاً أجا لعندي أحد المدراء قلي ليش ما بتخلوني أنا أجيب على الفطور، ليش ما بتجيبولي نحن في عنا يعني breakfast فليش ما بتجيبولي الحليب يلي أنا بدي ياه؟ وبتجيبوا لمدري مين الـNescafe يلي بده ياه وهو أنه بـposition كتير عالي قلتله أنه عنجد عم تحكي؟ طيب أنه عادي نحن ما منحب كتيرأنه يعني أنه خلص في عنا شي معين عم نجيبه الـoffice للكل فأنه ليش بدنا نجيب شغلات معينة ما عنا هذا الشي، فأنه هو لا وأنا فعلاً زعلت، وأنا شفت هديك المرة وسمعت لأنه بتعرفي قديش بتصير أصلاً في حكي ويعني gossips. 

مها صح. 

ليلاس بالمكتب وأنه كله بقا بصير بقول بيعرف هي وبيعرف هاد شوعم يعمل وبيعرف هاد شو عم  يساوي وهي لحالا يعني قصة، فأنه لا أنه أنا في وحدة قالتلي أنه جبتولا الـNescafe تبعا اللي بتحبه، فأنا ليش ما جبتولي الحليب تبعي اللي بحبه؟ وضلينا بهي القصة شي ساعة عرفتي؟ أنه أنا بستغرب أنه أنت يعني عنجد بهاد الـlevel أنه جايه عم تحكي معي مشان موضوع الـNescafe والحليب؟ ففي قصص هيك بتصير غريبة، بتستغربي منها، بتستغربي أنه من هذا الشخص يلي لما بيكون قاعد بـmeeting قديش هو كتير مؤثر وكتير مثقف وكل شي، بس في شغلات صغيرة مالا علاقة  

مها طيب، اليوم كنت أقرأ بوست تحديدًا يعني قبل ما تجينا بكم ساعة، عم يحكوا فيه عن موضوع أنه، ما تفكر إذا أنت موظف واشتغلت أكتر من ساعات عملك أو اشتغلت مهام غير مطلوبة منك أن هاد الشي رح يثير إعجاب مدراءك والـHR بالشركة عندكم وبالتالي ر- ينظروا بتحسين المنصب تبعك أو زيادة راتبك أو شي، هنن بكل بساطة ممكن يكون عندن جواب أنه نحنا ما طلبنا منك هذا الشي، صحيح؟ 

ليلاس يعني ليش بده؟ الموضوع مو بالوقت وفعلاً هذا الشي يعني لازم تعرفه أنه بيضلوا قاعدين بس لحتى المدير قبل هو وقاعد خلص قاعدين بس مشي يلا نمشي أنه أنا قاعدة وقت طويل أنا dedicated أنا لا، الشغلة أكتر بقلك شو يعني؟ بس هي سر بس الشغلة أكتر أنه أنا بجوز ما اشتغل كل النهار بس كون noisy، يعني لما أعمل شغلة صغيرة ولا شغلة كبيرة، الدنيا كلها تدري أني أنا عملتها  

مها ok، so هذا الشي جزء من الذكاء العاطفي للشخص الموظف؟ 

ليلاس  أنه أنا عملت، أنا أنجزت، أنا حققت، بعتت إيميلات عرفتوا؟ بجوز هو شغلة كتير صغيرة بس من كتر ما حكيت عنه أنا كبرته وعملته إنجاز 

مها ok 

ليلاس فغير ماني قاعد أنا عم قضي 12 ساعة مثلاً بالـoffice وبالأخير ماني مورجيه أنه في شي يعني مهم أنا بعمله أو حققه أو تغيير أو يعني أي difference عم ضيفها فهي اي ذكاء 

مها ok الموظف اللي بيهدد بالاستقالة كيف بتتعاملوا معه؟ 

ليلاس يلي بيهدد بالاستقالة؟ 

مها الله معك 

ليلاس هو حر، مانا مالا طريقة أنا ما بحبا أبداً 

مها لأنه منسمع قصص بالمقابل أنه لما قلتلن أنه أنا جاييني عرض لما قلتلن هيك، قام قالولي لا ضل ومنزدلك راتبك مثلاً 

ليلاس إي بتصير بس شو يعني شوفي ما هو في أسلوب دائماً، يعني ممكن يجعي لعندك موظف يقلك أنا بدي أستقيل جايني عرض أحسن بكتير ويا أما بتزيدولي راتبي،  فهذا 100% انسى الموضوع، بس ممكن يجي موظف يقلك، أنا عملت1،2،3،4 وحققت لهلق كزا وحققت لهلق كزا وأنا حابب أنه طالب أنه تزيدولي هي وبنفس الوقت يعني حابب ألفت انتباهك أنه في عندي offer تاني أحسن، بس أنا ماني حابب أترك الشركة وماني حابب أترككن و و و  

مها  يعني الشغله كلها بالأسلوب كأنه؟ 

ليلاس أكيد، يعني الأسلوب كتير مهم وهذا الشخص بده يكون فعلاً هو added value، يعني هو بده يكون أنا عرفانه حالي لما جاية أنا عم عم يعني ورجي الشركة أو ورجيهون أني أنا ممكن أترككن وأمشي يا أما بتعملولي يلي بدي ياه، طيب هل أنت مهم أصلاً كتير؟ هل أنت عاملي فرق عندي بـdepartment لما أقدر أتخلى عنك؟ 

مها في موظف ما بتتخلى عنه الشركة؟ 

ليلاس اي في موظفين بكونوا مهمين، أكيد وهذا كمان ذكاء، يعني لما الموظف بيكون هو عم يشتغل بشغله وما قول عاملها حكر عليه وما حدا تاني بلـdepartment بيقدر يشتغلها بس إنه فعلاً عم يعمل فرق، فعلاً عم بيحقق، فعلاً أنه ممكن يوقع القسم إذا هو مشي اي ما بتتخلى عنه 

مها طيب من أسوأ موظف من وجهة نظر الـHR؟ شو صفات أسوأ موظف ممكن يكون بالشركة من وجهة نظر الـHR؟ خلينا نحكي الصفات الإنسانية واللي خصها بالنفسية والذكاء العاطفي وهي القصص 

ليلاس أسوأ موظف من وجهة الـHR، يلي بعمل كتير politics يعني بضل هاد قال وهاد عمل وهاد ساوى وهيك سمعت وهيك مدري شو ويلي بكون يعني، شوفي هلق كل مكان عمل في إله الـpolicies تبعه، في إله الـrulesq يلي لازم الكل يمشي عليها، في إلن يعني قصص معينة معايير هيك، فممكن حدا يعني مايكون ماشي بهي الـrules ويرجع يتنبه مثلاً ويرجع يكون ok وكلشي يكون تمام يكون مثلاً ما انتبه أو أي شي وفي موظفين بتكون أنه لا يعني أنه أنا I don't care يعني، أنا بدي أعمل يعني، من فترة صار ما رح قول أيمتى يعني لأنه كتير قريبة، بس من فترة صار معي موقف مع موظف أنه هو عم يكون كتير rude مع الموظفين وطبعاً هاد الـculture تبع الشركة بتفرض يعني دائماً بتفرض نفسها فوحدة من الشركات الـculture تبعا أنه كتير friendly الناس very nice مع بعض لما بدن تجي أنت تطلبي طلب ممكن؟ لو سمحت؟ أي شي يعني هذا التعامل الطبيعي بين، بين البني آدمين صح؟ فهو يعني طريقته ما حلوة أبداً، طريقته أنه أنا أعطيني كذا وساوي كذا وأنا ما بحب أبداً هاد التعامل مثلاً خاصةً مع الوظائف أو خلينا نقول الـpositions يلي أقل منه، يعني عرفت هذا الموظف المتعالي يلي أنا بيجي بقلك أعطيني ساويلي لا، أنت لازم تحكي باحترام، فقلة الاحترام لا تغتفر وأنا بالنسبة لإلي ما بقدر أبداً أني مرقها هيك بشكل عادي، ففي كتير قصص يعني ممكن تصادفي فعلاً ناس كتير في إلها تصرفات غريبة وممكن أنه ناس تكون فعلاً ما منتبهة وتتعلم وتتغير وفي ناس لا، بتصر على أنه تضل هيك  

مها نعم، كنت عم بقرأ كمان من يومين مادة عن جيل Z إنه هلق تغيرت كل أساليب التوظيف، تماشياً مع متطلبات جيل Z يلي هنن الجيل يلي خلقوا بين 97 لـ2الـHR1، يعني هلق هني يلي هلق بلشوا يمسكوا يعني أدوار بالشركات ويتوظفوا ويشتغلوا وهيك، فقديش انت هلق من خلال خبرتك ومهن يعني، يعني وجودك مع كزا شركة عم يكون فيه مرونة؟ وتفكير عنجد بهي الطريقة بالتعاطي مع جيل Z؟ 

ليلاس أكيد بالعكس، هو عنجد آخر سنتين صار كتير هذا الموضوع وصار كتير مطلوب بس شوفي حسب الـindustry يعني في بعض الـindustries بتستوعب أو يعني بتتحمل أنه يكون في خلينا نقول يعني إزا بدنا نسميهم كمان الـfresh يعني الـfresh graduate أو الناس اللي لسا ماكتير عندها خبرة بس شو؟ يعني 

مها creative، نشيطة 

ليلاس عندن skills، عندن قصص تضيفها في industries معينة بتقدر يعني بتقدر تاخد هذا النوع من الموظفين وفعلاً تعلمهن ويعني يكون في تصرف عليهم لفترة معينة لوقت ما، يصيروا منتجين وفي شركات بيكون في يعني في مجالات معينة ممكن خلينا نقول مثلاً مجال الـMedical صعب ما بتتحمل الـindustry إنه يجيبوا حدا يكون لسا كتير fresh فحسب، حسب 

مها طيب بالنسبة للقواعد والقوانين بضمن الشركة يعني هلق مثلاً صرنا كتير منسمع من هذا الجيل كمان أنه ما بحب يتقيد بشي اسمه بصمة، ما بحب يتقيد بمكان ومكتب، بده يكون على راحته، بده يكون يجي بلبس على راحته، هي الأجواء عم يتم التعاطي معا كمان والتفكير فيها بالشركات؟ 

ليلاس موبكل مكان حسب الـculture again يعني حسب، حسب الشركة في شركات بتكون كتير مثلاً الـinvironment هيك سهلة بسيطة ما في موضوع flexible ما في موضوع الوقت وقت بتجي مثلاً أنت وقت بتجي ممكن تروح على وقت أنك تكمل الساعات بغض النظر أيمت أجيت، وأيمت طلعت من الدوام، ممكن أنك تلبس تكون كتير casual، يعني أنا وحده من الشركات اللي كنت أشتغل معها، الشباب دائماً بالـshorts والـSneakers، يعني إذا حدا لبس شي مرة بنطلون فهو كتير أصلاً غريب، إذا أجى حدا عمل interview أو أول يوم عمل لإله ولابس بدلة يعني يصير شو مضحكة، فحسب الـculture في شركات بتتقبل هذا الشي وبتستوعبه بيكون هيك الـculture وfتفرضه على الموظفين ,في شركات لا، بتقلك أنه لازم تكون formal أو semi-formal أو يعني تلتزم لازم بصمه لازم هي فحسب، وخلينا نقول الـgeneration يلي هلق يلي ممكن يكون ما بيتقبل هيك قصص كتير بروح على الـculture أو على الـindustries يلي fتستوعب هذا الشيء مثل الميديا وموضوع شركات الـevents شي إله علاقة بالسوشيال ميديا بالـmarketing  هدول شركات اللي عم تفتح الـagencies كلها يعني جوها أسهل بكتير من الـcorporate أو الشركات الكبيرة المتأسسة 

مها صحيح أنه دائماً في موظف بالشركة هو صديق مديرة الـHR وبينقلها حكي؟ 

ليلاس طبعاً لازم، لأنه هي ما رح تفضى أنه كل شيء،. 

مها  ok، شكراً ع شفافيتك 

ليلاس بس ما بينقلها يعني ما بينقلها حكي الشي السيء لحتى نشوف شو عم بصير بالدنيا عرفتي؟ يعني لأنه أنت خاصة إذا عندك كتير موظفين عندك 100 أو 200 موظف كيف بتلحقي تعرفي كلشي عم يصير؟ بس ممكن يكون في شخص اللي هو عادةً بيكون الـAdministration يعني أو الـadd an office receptionist فهي بتكون بقا أكتر عم بتشوف بقا كلشي فبتجي بتقلك، صار هيك، بس يعني هلق أنا ما بجي بطلب منها بقلها قليلي شو عم يصير وبدي أعرف كل شي وكذا في HRs بيطلبوا بس أنا فعلاً ما بطلب بس by default بتصير لما بتعرف أنه إنت عينك على كل شي وعم تتدخلي بكل شي وهيك وبدك يعني to make sure أنه الجو تمام وما في مشاكل فبتصير تجي هي تقلك أنه هيك صار، هيك سمعت، هيك مدري شو  

مها  لأي حد ممكن يشعر الموظف بأنه هو قادر ومرتاح أنه يشارككن همومه ومشاكله حتى لو كانت شخصية؟ ولأي حد أنتوا عنجد قادرين تساعدوه؟ 

ليلاس هلق شوفي مانها سهلة أنه الموظف يوصل لهالمرحلة والـHR يوصل لهالمرحلة، لأنه أنت لحتى تكوني توصلي لهي المرحلة ما بتعرفي المجهود اللي لازم ينبذل لحتى هذا الشخص يوثق فيكي أصلاً ويجي يحكيلك مخاوفه أو الشي اللي زاعجه أو شي فهي بدها كتير شغل وبدها وقت لحتى تخلقي هذا الجو وفعلاً صعبه لأنه في كتير أنت عم تتعاملي مع كتير موظفين كل حدا عنده عقلية وطريقة وهي وبدك تـcontrol نفسك أنه ما تنزعجي من طريقةٍ ما أو من كلمة أو من شي يعني أنت ما لازم تتأثري بأي كلام ممكن يكون مرات مزعج أو تخلي مشاعرك تؤثر عليك أو تفكري بطريقة شخصية يعني sorry تاخدي الموضوع شخصي فالـHR يلي بيقدر يعمل كل هاد، بيقدر يوصل هذا الشعور للموظف أنه يكون مرتاح لإله فـby default بتصير يعني فجأة ممكن تلاقي أنه حدا جاي، وطبعاً هذا الشيء يعني الجو تبع الشركة بيعكس هاد الشي الـculture لما يكون في فعلاً مكتب لالـHR والله حاطينلك مكان مريح للموظفين تجي يقعدوا، يحكوا، يأخذوا، يعطوا يلي نحن منسميها يعني مثلاً أنا مكتب الـHR تبعي هلق منسميه المكان الrelaxing area أو الـtherapy عرفتي؟ أنه يجي الشخص يكون في هيك كرسي مريح يقعد تقعدي تحكي أنت وياه تناقشي ما تضلي قاعدة ورا مكتبك، فهي الأريحية بتنخلق مع الوقت لحتى ممكن يوصل الموظف لهي المرحلة بس مانها بسهولة  

مها كمان شغلة بعتبرها يمكن هيك من أسرار اللي منحب نعرفها عن الـHR  هل صحيح موظفي الـHR وحتى المدراء بشكل عام، بيدايقوا إذا عرفوا أنه صار في علاقات اتطورت من الشغل لبرا بين الموظفين؟ خاصة إذا موظف ومديره مثلاً، سمعتوا أو دريتوا أنه صاروا صحبة وبيطلعوا مثلاً على مطاعم سوا بيسهروا سوا؟ 

ليلاس حسب الـbusiness، حسب الـculture، حسب قديه الشركة بتسمح بهذا الشي ولا لا، في شركات بتقلك يعني لا ممنوع يعني، وفي شركات بتقلك أنه بينحط العين على الشخص يعني حسب إذا هنن فعلاً يعني خاصةً إذا في departments معينة ما لازم إنه تلتقى يعني مثلاً حدا من finance department ما بعرف يعني شيء مثلاً قسم ثاني أو شيء أنه إي لا ما تطورلي علاقاتك كتير مع الموظفين خارج مكان العمل لأنه هي، فممكن يعني ما يكون ما تكون policy ولا تكون rules ولا عرف بس أنه ممكن تعملquestion mark 

مها أوك 

ليلاس وبرجع وبقول مو بكل مكان، في شركات بتتقبل وعادي الموضوع شوي بس إي ممكن يعني أنه بصير حكي أنه شو عم يصير؟ شو القصة؟ ليش طالعين؟ ليش هي؟ شو عم يحكوا؟ 

مها طيب، وإذا حدا هلق عم يسمعنا وحب هو يعني حابب هالمجال، حابب يكون هو مثلاً بقسم الـHR موظف بقسم الـHR سواء بأي منصبٍ كان وبده يدرس شي خصه بالموضوع يوصله لهذا الشغل شو بتنصحيهون؟ يعني بشكل عام النصائح شو لازم؟ بشو يطوروا حالن أكتر شي؟ 

ليلاس هلق في ناس بتكون وهذا السؤال كتير عم يتكرر، أنه عم بكون عم يدرسوا المجال فعلاً يعني هو طبعاً نحن إذا درسناه للمجال فاat least صار عنا فكرة عنه حضرنا حالنا، بعدين الدراسة مهمة كتير وأخذ شهادة بمجال ال أو بيعني اي بهاد المجال، مهمة كتير لأنك بتدعم الـprofile تبعي، بس الخبرة كتير مهمة، وفي كتير ناس ما بتقدر تبلش بيقلولي ما عم نقدر نلاقي role يعني كموارد بشرية ما عنا خبرة لسا ما عم ياخدونا، فبقلن دائماً بلشوا حتى لو بـAdministration لأنه دائماً الـAdmin related لالـHR، كل شي إداري بيكون إله علاقة بالـHR فممكن بعدين شوي شوي أنكم يعني لما يلاقوا يعني الشركة فعلاً لما بتلاقي أنه الشخص عنده هي المعلومات عنده، عنده الخلفية عنده الدراسة why not?  فالدراسة طبعاً بتساعد أنه أنا ممكن أقدم على شي Junior role بالـHR إذا كان في عندي شهادة من الشهادات اللي إلها علاقة بالموارد البشرية واللي كتير موجودة بس يعني يكون اختيارنا أحسن، يعني نقرا عن الموضوع كتير لحتى نعرف نختار الشهادة المناسبة لألنا بمرحلة معينة يعني 

مها طيب بدي أختم بسؤال، كنا عم نحكي عنه بالكواليس وفكرنا شوي فيه بس بعدين قلتيلي لقيتي الجواب، لو بدنا نأسقط شخصيتك ودورك على شخصية كرتونية بعالمنا مشهورة أو غير مشهورة بالنسبة إلك يعني شو هي؟ وليش؟ 

ليلاس هلق هي الشخصية؟ يعني ما كتير حلوة أحكي عنها بس هيك بحس مرات أو بحسها يعني مناسبة الصراحة لهاد الـrole أو لهي الوظيفة، بتعرفي المحقق كونان؟ 

مها طبعاً 

ليلاس in general الـHR أصلاً محقق كونان، قاعدة عم تعرفي كل شي وعم تحققي بكل شي، وعم اتابعي كل شيء وعم تعرفي كل التفاصيل وكل صغيرة وكبيرة، اي محقق كونان شوي أنا بقلولي أصلاً 

مها والله؟ ok طيب ليلاس شكراً لإلك على وقتك على صراحتك وشفافيتك بكتير نقاط يمكن ما كتير ناس بتجرؤ أنه تحكيها بهالصراحة 

ليلاس حبيبتي مها، شكراً إلك، وكتير استمتعنا وكتير كان حلو 

مها ان شاء الله كمان المستمعين والمشاهدين بنبسطوا بهالمعلومات ويعني يعني كل شي كان عندن فضول اتجاه يكونوا عرفوا بهالحلقة 

ليلاس أكيد 

مها إلى اللقاء

ليلاس  شكراً 

مها  شكراً لكم على استماعكم واهتمامكم، اسمحولي ذكركم أنه بالإضافة لجميع المنصات الصوتية للبودكاست، فيكم تحضرونا على يوتيوب، بقناة بودكاست أخبار الآن، رح نفرح جداً لما تعملوا اشتراك وتفعيل لزر الجرس في الـYouTube وعلى Apple podcast أيضاً، استمعتوا لحلقة الإخراج الصوتي فيها تصميم شركة feed bro، هويتها البصرية، تصميم فريق سرد والإشراف العام لمحمد علي، أما بالإعداد والتقديم برافقكم دائماً في بودكاست صارت معي أنا مها فطوم إلى اللقاء