من قلب الحدث في أوكرانيا - أخبار الآن تتنقل على جبهات القتال

نص الحلقة :

أهلا بكم تنقلت كاميرا أخبار الآن على جبهات القتال في اوكرانيا وفي الخنادق من قلب الحدث واكبت المقاتلين وسير العمليات العسكرية لنقل الصورة عن قرب قصص حصرية وخاصة من زوايا مختلفة وجديدة رصدها لنا الزميل الصحفي كريم كوكب مباشرة أثناء تواجده هناك إذ تمكنت أخبار الآن أن تكون من أولى القنوات الإعلامية التي تصل الى هذا القرب على الخطوط الأمامية لجبهات الحرب بين اوكرانيا وروسيا في هذه الحلقة من بودكاست عشرين دقيقة نستضيف كريم ليخبرنا كواليس هذه التغطية الخاصة والحصرية

بتعرفي أكيد بعد الغزو الروسي لأوكرانيا أخبار الآن كتير غطت عن الموضوع لحقنا نكمل مقابلات من أشخاص من قصص من منذ دوكيومنترس عملناها طوال هذه السنة قررنا أنه نكون على الأرض نشوف أكثر التفاصيل عن قرب يعني مع الأشخاص مع الأوكران ولهيك لهذا السبب قررنا انه نروح نزور أوكرانيا الزيارة كانت لمدة عشرة أيام نحنا فتنا على على منازل الناس رحنا حكينا عن مع مع الأشخاص زرنا الجبهة  قدرنا نوصل لخط التماس يلي عم بيصير هنيك وحكينا مع الجنود والقائد على الجبهة أيضا عملنا مقابلات مع مسؤولين أوكران لنعرف أكتر شو الوضع على الأرض وكنا بفترة الهجوم المضاد ييالي انعمل هنيك فكانت إذا بدك رحلة مليئة يعني بالتفاصيل بالقصص بالمقابلات يلي انعملت هيك راح لك القصص يلي عملناها رحنا  زرنا المناطق يلي بعدها لهلا مأثرة يعني سنة من الحرب بعض في مناطق لهلا السكان بعد ما رجعوا يعني ما رجعوا على بيوتهم بعد الاحتلال الروسي بتشوفي الدمار يعني نحنا تقريبا زرنا بعد سنة وبعد في مناطق يعني بتشوفي حجم الدمار الدمار الهائل يعني هنيك في أشخاص رجعوا جديد على بيوتهم حكينا معهم  وفي اشخاص بقوا مع الاحتلال الروسي يعني في هيك رجال كبير بالعمر هو ومرته زرنا بيتهم كانوا موجودين بالبيت خلال الاحتلال الروسي كانوا شايفين الجنود بيوم يعني وقت بلش الغزو كانوا موجودين الجيش فكروهم جيش أوكراني وبيطلعوا أكيد يعني جيش روسي وبيهددوهم بالقتل هن يعني نجوا من هذا الموضوع بس كل البيوت الي حواليهم إن كان ما في حدا ومحتارين إن كان انقتل العالم والمجازر يلي صارت خاصة بمنطقة بوتشا يعني نحنا زرنا بوتشا بتعرفي هذه المنطقة اد ايه سمعنا عن المجزرة بوتشا المعروفة رحنا شفنا عن جد شو صار هنيك وشفنا العالم يعني كيف بعدها لهلا مأثرة وفي أشخاص يعني شافوا إن كان يعني مثلا حكينا مع مره جوزة قدامها انقتل ها القد قصص عنجد مؤثرة فتنا على هيدا البيوت  حكينا مع الأشخاص رحنا يعني قد ما فينا نكون عن عن قرب عن نصير عم نشوف القصص و أكتر يمكن أكتر نهار يمكن لهلا أنا ما بنساه هو موضوع الجبهة يعني اطلعنا على على جبهة القتال يلي بمنطقة دونانس  بتصير بجنوب أوكرانيا لنشوف  هالمعارك حدة المعارك اللي عم  بتصير اللي دايما نسمع فيها يعني دايما نحنا بالأخبار بتعرف نسمع أنه في على خط التماس عم بيصير هيك وهيك مها يعني بس وصلت لهنيك عنجد بتبلشي تحسي شدة هيدي المعارك ومجرد ما نحنا وصلنا لهيدي المنطقة بلش يعني بتشوف دائما القصف  مستمر كل الوقت في قصف نحنا كنا مع جروب الجنود والقائد هو الي كان مرافقنا هنيك فتنا يعني على هيدي الجبهة وبتعرفي هي الحرب بتصير بغابة يعني في أيام نحنا ماشين بالسيارة بنكون ما بنكون مغطية مغطية السيارة بالشجر والرشان رونز فوقنا  يعني بأي لحظة ممكن نحنا يتم يتم قصفنا يعني بأي لحظة ممكن أكيد نحنا كنا بسيارة مدنية مش بسيارة للجنود للسيفتي تبعنا بس كل الطريق نحنا يمكن بأي لحظة بنكون معرضين للقصف وحتى كان في قذايف حدنا يعني بتشوفي قذيفة دغري دغري  صوتها يعني أنا بعد لبعد كام يوم ضل ضل الصوت صوت موجود وصلنا لهنيك أكيد هيدي الطريق لنوصل على الخنادق لنوصل مع الجنود حكينا معهن شوفنا كمان بيرسونال ستوريز تبعهم لهيدي الجنود يعني في جنود كانوا مهندس كان كان يشتغل يعني شيء ما خصوا أبدا بقصة قصة الميليتري صارت التحق بالجيش لأنه بده يدافع عن أرضه وأغلبية الجنود هذا الي لاحظته يعني واللي بتشوفيه أنه ما عندهن أي خبرة عسكرية بس بدهن  يدافعن عن أرضه وبدن يدافعوا عن وطنهم بتشوفي هاي الشجاعة اللي عندهم يعني أول بكل بكل الي حكيت معهم إن كان مدنيين أو إن كان جنود عندن هيدا الشجاعة انه بدنا ندافع عن وطنا إن كان يعني ما في خبرة عسكرية كثير عندهم هالاندفاع وهذا الي لاحظناه على الجبهة يعني كثير كان في خطورة كفريق صحافي يعني موجود هنيك وقدرنا نوصل على خط التماس يعني تقريبا كانوا على سبعين متر الجيش الروسي عنا قدرنا  نصور قصص أكيد هلا ريبورت راح  ينزل على أخبار الآن رح تشوفوه يوم كامل بالجبهة مع مع الجنود أيضا فتنا على الخنادق لنشوف شو الوضع يعني بيكون جوات الخنادق لأنه هيدي اكبيرينس يعني هلا عم خبرك عنا بس راح تشوفوها بريبورت بتفوتي على الخنادق بنشوف على الشاشة كيف كيف العمليات العسكرية بتصير كيف الدروز بينقوا يعني مثلا 6 بوزيشنز  من من قصص الآليات الروسية الي بدهم يقصفوها وكله هيدا كنا عم بنشوفه

طيب كريم انت سبق ورحت لتوانيا لكن كانت زيارة قصيرة 3 ايام خبرتنا وقتها بالحلقة اللي قابلناك فيها بعد الرحلة عن كيف تم التنسيق  لها الزيارة خبرنا هلا رحلة اوكرانيا او السفر الى اوكرانيا لتغطية هاالأحداث كيف تم التنسيق لالها وعشرة أيام هلا بالمبدأ مش كتار لكن مش قلال لعشرة أيام بحرب راح تحسهم يمكن طوال أو كتار خبرنا كيف تم التنسيق للزيارة ومن كنتو أنتم الكرو يعني وكيف كان التنسيق بالتحرك والتنقل وهيك

أكيد إذا بدنا نحكي شوية عن كواليس هايدي الرحلة ان كان يعني مدة المدة تعرفي نحنا مش كمراسل عم بروح بيغطي لايف شو عم بيصيرنحن رايحين نعمل ريبورتس رايحين نعمل انترفيوز  يعني كنا حاطين (جدول ) و مشينا عليه كل يوم بيوم الفريق اللي معي  كان كله من الأوكران كاميرا مان مخرجين أشخاص وحتى الأشخاص اللي كانوا معي هن مستعدين بأي لحظة ممكن يجيهن الاتصال أو يروحوا ليلتحقوا بالجيش يعني شوفي لأي درجة وأنا بحكي معهم كنت بيقولولي أنه نحن لو بهذا المجال التصوير كمان نحن مستعدين أن نكون مع يمكن بالتصوير يا للي إنعمل  نحن على مدى هذه الأيام كان الفريق اللي معي رحنا برمنا كل هذه المناطق هلأ أوكرانيا بلد كبيرة كتير يعني كنا من محل لمحل عم نروح عليه شئ ست ساعات سبع ساعات سواقة  كان كثير كثير هذا هذا الموضوع دائما يأخذ يأخذ وقت بس قدرنا نوصل إلى مناطق كثيرة وأن نحكي نحكي مع ناس مثل ما ذكرت قبل شوي إتأثروا وأيضا حكينا مع مسؤولين مسؤولين أوكرانيا اللي عبروا عن إعجابهم بتخطية أخبار الآن لحرب روسيا على أوكرانيا وكنا مع مستشار الرئيس الأوكراني ومفاوض روسيا ياللي كشف عن معلومات كثيرة  وأكيدد المقابلة الآن فيكن(بالفعل) صارت على أخبار الآن وحكى عن الدمار داخل روسيا يعني الخلاف اللي عم بيسير هلا مع قائد  فاغنر وبوتين (بالفعل) إنحكي عنه بهذا المقابلة وأشدد على موضوع أن الخلاف الداخلي الروسي (بالفعل) يبلش ورح يزيد مع الوقت لأنه يعني عم نلاحظ نشوف الأخبار شو القصص اللي عم بتصير أكيد معقدة هايدي الحرب بس الضعف لرئيس بوتين واضح هلأ يعني حسب ما نراه بالأخبار وهذه المقابلة كمان ب تحكي عن هذا الموضوع أيضا التقينا بوزير بنائب وزير الخارجية كمان يلي حكينا معه أكثر عن تغطية أخبار الآن شو القصص اللي رح نعملها أكيد رح يكون في قصص بعدين تنعمل حكينا مع وزير الزراعة لأوكرانيا يعني بتعرفي أوكرانيا هي بلد مصدر رئيسي للقمح يعني أو بلد يعني بيعتمد عليه العالم العربي ككل يعني على بلدان عربية كثيرة بتعتمد على القمح الأوكراني كمان اتقصرت كتير من وراء هذا الحرب وحكينا معها لنشوف مدى تأثير ومدى إذا بدك خسارة هذا القطاع يعني كثير كثير خسر بعد الحرب وهيدا اللي بسبب أكيد المجاعة أو بسبب يعني نقص بالمواد الغذائية بعد بعد هذه الحرب يعني نشوف أن هون كنا بدنا  ننضوي أكثر كمان على موضوع أنه الحرب مش بس عم تؤثر على أوكرانيا كمان عم تؤثر على دول دول عربية وهنابدي شدد كمان على موضوع عملناه كونا نحن من العالم العربي كمان التقينا مع جنود عرب كان عبالي اعرف ليش الجنود العرب مهتمين انه يدافعوا مع الأوكران ليش مهتمين بهذه الحرب و ليش بدن يحاربوا ضد روسيا فكنا عملنا مقابلات مع جنود كانوا جايين من الجبهة يعني بعضن جايين من الجبهه كانوا عم بيخبرونا يعني مدى يعني القصص والمشاهد ياللي عم بيشوفوها علي الجبهة هالقد صعبه عليهم في منن  بيقولونا نحن بنعتبر الشعب الأوكراني يعني مثلنا ومافي فرق يعني.هالقد بلد احتضنهن دائما بدوا  يكونوا معهم بدوا يكونوا عم بيحاربوا معن بدوا يكونوا عم بيساعدوهن  لهذه الحرب والتقينا يعني هلأ هيك ما بنسى هذا الشخص سوري عنده مطعم شخص من سوريا فل من حلب بألفين وثلاثة عشر تقريبا بعد الحرب ألفين وأربعة عشر هاجر على أوكرانيا ليلاقي حياة سليمة للأسف تم قصف مطعمه هو تقريبا قبل بجمعة من ما نوصل على أوكرانيا وبيقولي يعني أنا هربت من القصف الروسي بسوريا لإجي على أوكرانيا كمان يلتحق في القصف الروسي للأسف يعني جرب يلاقي

كيف عايش هلا شو وضعه بعد ما صارهيك معه

هلا رح تشوفوا حجم الدمار يعني بالمطعم تبعه عنده وقة هايدي الورقة ما بتثبت أنه لاجئ يعني هذه الورقة مافي يروح يفل ومافيه وما بتساعدة كمان أكيد هلأ عم نتابع بهذا الموضوع معه عم نحكي أشخاص لنشوف كيف معقول نساعد هذا الشخص لأنه كان مصدر رزقة يعني المطعم تماسكه هلأ عم بيرجع بيجدد يعني ما فقد الأمل عم بيرجع بيجدد المنطقة هو مطعم عربي يعني كان عاملة للكميونتي العرب كمان رحنا زرنا شوفنا المطعم شوفنا حجم الدمار ببتزعلي لأنه جاي فالل من حرب ليلاقي حياة سليمة للأسف إجه كمان علي حرب بدولة

عنده عائلة؟

ايه عنده عنده عنده أولاد عنده ولدين واكيد موجودين

موجودين معه

موجودين معه وهن ساكنين مش كتير بعيد عن مطعم اتصلوا فيه يوم اللي تم قصف كان بالليل اتصلوا فيه قالوله أنه تم قصف مطعمك وإجه ولاقي يعني لقي مطعمه رايح كليا وبعده لهلأ ما في  يعني مساعدات جدا جدا بسيطة بتعرفي يعني بلد حرب قد ما يكون في مساعدات ما رح يكون كافيين يعني لهذه الأشخاص وعندهم أولوية يتكون بقصص تانية يعني

من الأشخاص العاديين هيك قصص علقت ببالك وشو أبرز الأحداث  اللي صارت معك يعني على صعيد عملك كصحفي بهالعشرأيام

مها يعني أكيد الأشخاص يعني أنك تفوت على بيوت ومنازل الأوكرانيين ويبلشوا يمكن يبكوا قدامي يبلشوا يعبروا بهيدا  يعني يمكن لكن يمكن بس بيلاقوا شخص بس يمكن ليحكى قصتن صعبة كانت علي كيف فل من هذه البيوت يعني أنا ما بدي  بس إجي اعمل مقابلة كنت وفل وخلاص أنه أنابس بدي إياك تحكي لا هذاالشيء شوي صعب كان علي أنه مجرد ما تلتقي بهيك أشخاص يعني مثلا المرأة اللي شافت زوجها قدامها مات مثلا إلتفيت بعيلة كل بيتن احترق يعني عيلة مرة وجوزها وولدين صغار وكانوا معنا بالمقابلة بتقولنا أنه أنا بس بدي عيش هالولدين بطريقة سليمة فتنا على مطبخ يعني بطل مطبخ صار برة يعني بعد ما تشوفي هيك مشاهد وهالقد عم يتأثروا قدامك ما فيكي تكوني بس عم تؤدي عملك كبث أنه نأخذ المقابلة ونفل هايدي كقصص إنسانية إذا بدك كانت صعبة شوي علينا كقصص ميدانية أكثر يعني مجرد ما نحن وصلنا على جبهة القتال وبتعرفي قد ايه خطر يعني علينا ومش أي فريق صحاف يبيقدر يوصل لخط التماس وهذا اللي تميزت فيه أخبار الآن بخلال هذه التغطية أنه قدرنا نوصل لمنطقة كثير حساسة ومنطقة  عم بصير فيها هايدا المعارك كلهاوالقتال هونيك  كانت كانت إذا بدك الأصعب يعني هلأ إذا بتفكر فيها أنا بقول أنه أوكي إتس أوكي الواحد لازم يروح بس أنه لهيك منطقة كتير كتير كتير كانت خطرة يعني إت ووز أريسك ( كانت خطر ) كبير بس هلأ أنا أكيد مبسوط بالنتيجة مبسوط بالقصص

شو أضافتلك هاي التجربة

أضافتلي كتير يعني قد ما قلك  يعني أنا مجرد ما أنا قدرت غطي حرب قدرت يكون موجود على على أرض هونيك على الجبهة مع الجنود مع الأشخاص هذه يمكن إكسبيرينس (خبرة ) ما رح أنساها أنا لكل حياتي وأكيد أضافتلي  كتير لعملي الصحافي وبتعرفي أنتي يعني أكيد العمل الميداني غير العمل بالمكتب يعني غير كليا وبيعلمنا كتير بيعلمنا كتير كتي وقد ما يكون الواحد يمكن بقول أنه بعدين وبعدين لأنه هيدا اللي كنت أسمعه كان يقولونا أنه يمكن بعدينا للمرحلة تاينة لا تروح على الميدان  ولا تكون عندك شوي إكسبرينس أكتر بس أنا بقول لا يعني مجرد ما أنت تنكب بمحل وتنجبري يعني تعملي القصص تعملي الفريق تروحي اتصوري تعملي هايدي المقابلات هون بتتعلمي يعني قد ما شوف نحنا ثيوريز قد ما نسمع غير ما يكون عنجد الواحد على الأرض وعم بيختبر هذا الشيء قدامه ويطلع قد ما فيه قصص عن جد إذا بدك من زاوية جديدة ويطلع قصص حصرية لنكون عم نحكي يعني يتعرفي حرب أوكرانيا في كتير يعني أنا بتروحي بتلاقي  صحافية بلوه هونيك قد ما فينا كنا عم نجرب نشوف القصص بزاوية جديدة وقصص تكشف للمرة الأولى يعني وأكيد هيدا رح يكون  كله تباعا على أخبار الأن.

طيب نختم بإنه تخبرنا كيف ممكن للمستمعين والمتابعين يطلعوا على كل نتاج هاي التغطية الصحفية لأخبار الآن في أوكرانيا.

أكيد فيهن يزوره ويبسيت أخبار الآن في سكشن اسمو من المصدر هذا السكشن رح يكون كل شي عملنا  عم ننزل علي التغطية الخاصة بأوكرانيا أيضا في يوتيوب أخبار الآن والأن دكيومنترز رح يكون عم ينزل هونيك إن كان ريبورت أو ديكيومنتريز وإنترفيوز هلأ أكيد موجودة الإنترفيو مع مستشار الرئيس الأوكراني هاليومين بكرة رح يكون عم ننزل ريبورت على جبهة القتال وبعده أكيد كل هذه القصص رح تكون تباعا على على موقع أخبار الآن بيقدروا يفوتوا على على هذا السكشن ويحضروا كل كل هذه القصص والريبورتس

شكرا كتير ۔ شكرا لاهتمامكم وحسن إستماعكمرافقتهم في إعداد وتقديم هذه الحلقة من بودكاست في عشرين دقيقة أنا مع فطوم دمتم بخير وإلى اللقاء.