حازم: صعبة الوحدة بعد 20 سنة زواج

نص الحلقة :

حازم :" معروفين أحنا الأجانب يعني بكل أوربا مخدرات وسرقة للاسف هذه السمعه اللي متاخده فيهم حتي لو إني كنت بعلاقه غير مشروعه جبت طفل فالطفل هو بعطيكي حق الاقامة يعني بيكون عايش مبسوط وأموره بالعشره وبالعشرين سنه مع هذا الشخص وخلاص فجأه خلاص ما بدي۔"

مها فطوم :" سمعتو صوت معدل لضيفنا في بودكست صارت معي ضمن سلسة زواج مختلط اللي بدئنها قبل أسبوعين أختارنله اسم حازم وهو اسم مستعار بناء علي رغبته بعدم كشف هويته حازم شاب فلسطيني مواليد الكويت عاش فيها فترة طويله قبل ما ينتقل للأردن ويسافر بعدها ليبدأ حياة جديدة بألمانيا سنة 1999 اتزوج هناك من شابة ألمانية وأنجب منها أربعة أبناء وأستمر زواجهم لمدة عشرين سنة قبل ما ينفصلو نهائيا من حوالي 3 سنين حاب يشاركنا تفاصيل هالتجرية كيف اتعرفو علي بعض وكيف كانت حياتهم الزوجيه وليش أنفصلوا رح نسمع منه :"

حازم :" صعب كثير أوربا يعني كنت بدول العربية عايش كله عرب وحياة عربية وثقافة غير وتيجي فجأة علي دول أروبا اللي كنتي تشوفيها علي التليفزيون و يعني صعبة كثير كانت في البداية وما عندك الفرص اللي ما في كانت تسهيلات في ألمانيا وعيشت بالألمانيا الشرقية ألمانيا الشرقية وألمانيا الشرقة كمان أصعب بالمقاطعات يعني الشرق اللي هو كان مع الروس قدمنا اللجوء وقدمت لجوء يعني هيك والله  المهم بس تاخدي ورقة انك تقدر تتجولي فيها بس يعني لازم أنك تلاقيلك سكن وهنا كان مراكز اللجوء بروح بقدم وبحكي القصه اللي بدو إياها واللجوء إذا ما كنتي صادقه زي كان العراقيه بهذيك الأيام ياخذو يعني اللي  الدول اللي كان  مشاكل بس أنا أجيت وقولتلهم كل شئ صح يعني هيك طالع وحابب نعيش طبعا جاني رفض يعني ما في يعطوك اللجوء اقتصادي علشان هيك بس أنه جاي مافي لازم يكون عندك مشاكل علشان يعطوكي حق اللجوء۔"

مها فطوم :" رغم صعوبه ظروف الإستمرار بدون ما يكون قبل كالجئ كمل حازم حياته بألمانيا "

حازم :" ما مسوحلك تشتغلي ما مسموحلك تغادري منطقتك يعني كثير صعوبات وبيعيشوكي بمراكز اللجوء مع كتير ثقافات مختلفه ولغه مافي صعبه صعبه كانت كتييير جدا الشرقيه صعبه وما فيكي تاخدي او تحصلي علي إقامه اذا كان طلب اللجوء تبعك إترفض الا  كان تتجوزي يعني هادا عالسريع بتحصلي علي الإقامة أو علشان يشجعوا الناس كمان علي الخلفة وهاد وسمحوا بأنو حتي لو إنك بعلاقة غير مشروعة جبتي طفل فالطفل هو بيعطقي حق الإقامة ۔"

مها فطوم :" بهديك الفتره تعرف حازم علي صبية ألمانية عمرها 16 سنة يعني أصغر من السن القانوني للزواج"

حازم:" طبعا بتخوف كثير انك تلاقي واحدة تحت السن يعني وأجنبيه و يعني عالسريع بعرف وخلاص هالجانب والأشر يعني عنا للاسف ماعروفين أحنا الاجانب بكل أروبا مخدرات وسرقه يعني للاسف هالسمعه وخلاص نصيب نصيب بهيك الله كاتبلي واللغة طبعا بدها تيجي اللغة خلاص بدك تعيشي انتي بألمانيا بعدين روحت درست بمدرسه وصار في تفاهم يعني عادي تفهم علي أفهم عليها وفهمناها بالكلمات اللي كنا حافظينها بهاذي الاشهر وبهذا الشئ بأنه صعب جدا نتواصل سنتين بدك تستني عبال مايحقلها أنه تتزوج فيكي ۔ ضلت الأمور ماشية لحد ماصار عمرها 18 سنه قالت هسه بدي أتزوج وروحنا وقدمنا وكان جايلي رفض باللجوء أنا وأتزوجت هونا قدمنا علي طلب والحمدلله اتيسرت يعني في بعض الناس مابيحقلهم يسمحولهم يتزوجو بألمانيا يعني عالأراضي الألمانية لازم يغادرو وهي تروح تجيبك وبفضل الله يعني أنا كانت أموري ميسره والله وقدمت علي محامي وسمحلي يعني وجالي الموافقة وأتزوجت وما غادرت أه وعيشنا وأنا يعني من طبيعتي التكويني يعني تكويني خلاص بيت وحابب أستقرار يعني أكون عيله وأستقر وكملت علي هذا الأساس يعني والحمدلله كنت أخذها يعني أول ما تزوجت أخدتا وروحنا 3 شهور عالأردن عيشنا 3 شهور متواصل هناك وبعدين رجعنا ونروح كل سنة الثانية رجعنا سنتين ودوتها لحالها كمان 3 شهور كان أول مولود الي كتير كانت الحياه فضل الحياه حلوه كتير أو الحياه سالكه مافي تخطيط لمستقبل كان نهائيا خلاص عايش ومستقر والمرأه تمام وسالكة الأمور الحمدلله وكنت أشتغل عادي يعني۔"

مها فطوم :" أنجب ححازم من زوجته الألمانيه 3 صبيان وبنت أكبرهم عمره 18 سنه وأصغرهم 4 سنين و أنجابه منها بيعتره دليل وحجه علي أنه زواجه ما كان بغاية تظبيط وضعه بألمانيا ۔"

حازم :" ما كانت ببالي أني بس أخذ أحصل علي أوراق أنا ما كانت والله ببالي إني بس أحصل علي أوراق لو بس بدي أحصل علي أوراق كان ما جبت ولاد كان بس ضل أنا وياها يعني وبعدين عملت زي باقي هالناس حالات كثيره هون عنا بيتزوج بس ليحصل عالأوراق وبعدين يطلقها وخلاص يتركها تزوجنا رسمي عالأوراق الألمانيه بال 2005 بس أنا كنت أتزوجتها إسلامي أول ما صار عمرها 18 سنه يعني طبعا كانت بموافقة أهلها وجدها وجدتها يعني عائلتها كلها بموافقتهم أتزوجتها أول شئ إسلامي وبعدين عبال ما ظبطت أوراقي تزوجتها بالأحوال المدنيه بألمانيه ۔"

مها فطوم :" فتح مشروع صغير مختص بالبناء والعقارات بمحاولة للإستقلالية وترك العمل الوظيفي وتأسيس شئ لنفسه لكن للأسف ما اوفق فيه وصارت معه مشاكل نصب وإحتيال آثر عالشئ علي حياته وجو بيته وبيعتبر حازم أنه من هون بلشت فتره إنحدار العلاقه لانه المشاكل أيضا زامنت مع حدث عائلي كبير صار بحياة زوجته ۔"

حازم : "اتعرفت على ابوها الحقيقي كان عايش في الغربية وعنجد والله ماكانت تعرف عنه اهلها هون كانو امها هون امها الحقيقية وكان جوزها هو الي مربيها وهي صغيرة وابوها من ايام الشرقية والغربية كان طالع يعني هرب على الغربية كانو مخبيين عنها ورجع لما وانا معاها اجى زارنا اول كاول زيارة ابوها وكانت هذه ظلت علاقتها بابوها تتصل تليفون لانه كان مريض بالسرطان كمان عرفته سنتين ومات وخلاص مات انتهت يعني سيرته  خلاص "

مها :"انتهت سيرة والد زوجته  لكن على حد قول حازم بانها بهد هاي الفترة صارت انسانة تانيه واتغيرت كليا من ناحية اهتمامها بعيلتها وطريقة تربيتها"

حازم : "سمحتلهم بكل شي صارت سمحتلهم التليفون يعني والله ما ببالغ هاي والله ما ببالغ يعني اكثر من عشر ساعات للاولاد التليفونات اربع وعشرين ساعة البلاي ستيشن يطفي التليفون المدارس انسي العلامات صفر هادي كانت من اكبر كمان مشاكل كبيرة انا قوتلك الاهمال الاهمال انه خلص هي بدها وقتها فتقول للولد يالا خد العب تليفونك ويا مره ويهديكي ويرضيكي وما في ما في ما في تغيير ما في تغيير طبعا الولد بده مين الي يضحكه لما اجي انا الاقيه ماسك التليفون المره ماسكة تليفونها ليش بابا بتقولي هيك طيب هاي ماما بتضلها تعطيني اياه وما بتحكي معانا والامور طيبه بالآخرهما الي بيخسرو اكثر اشي هما الاطفال الي بيخسروا وبيكونو متعلقين يعني بالام كونها اربع وعشرين ساعة في الدار وهي الي بتوديهم بتجيبهم على المدارس هاي الامور هاي وكانو شوي يعني يسمعولها اكثرمني  "

مها : " سألته لحازم  برأيه شو سبب هالتصرف هاد؟" "

حازم : ما في سبب بيقولك بدي ماما روق يعني بدي هدوء بدي راحتي هذا هو السبب خلاص يعني ما في حدا يجي ليش مو عامله هيك او ليش لولاد بيلعبو بالتليفون خلاص يعني هذه ما بدها تسمع خلاص بدها حياتها ماحدا يشاركها فيها تعمل الي بدها اياه في البيت  يعني  انه لامبالاه لا مبالاه ما في انه تعالا خلينا نحل هاي الامور بس تيجي تحكي معها تكون  خلاص ما بدها خلاص صار بدها تعيش زي ما بدها هيك خلاص حياة ما تهتم باي شئ الاطفال هاي هم بيكبرو وامورهم ماشيه هيك والله خدتها على اساس هاي هم بيكبروا وخلاص لا دراسة ولا بده اقوله اقرا ولا بده يقولي ادرس ۔""

مها :" وهيك وصلت الامور للانفصال النهائي "

بس علاقتي فيهم يعني بشوفهم كل اسبوعين المرات الي بشوفهم مو كل اسبوعين بتقابل انا والكبير بتقابل مع الصغير ومع بناتي نطلع مشوار مع بعض يعني عادي يعني الحمد لله رب العالمين و خلاص حاولو يعني يتدخلو بس ما كان الرفض يعني خلاص ما بدها "

مها : "اما عن حياته الحالية بعد الانفصال  واذا بيفكر بالزواج مره تانيه۔""

حازم : "هدتني والله هاي القصة عنجد يعني نكستني والله شوي تعبان كتييير من هذا الاشي الي صابني و الحمدلله رب العالمين بنقول بس تعبان والله تعبان جدا الوحده الوحده يعني أنك تكوني الك 24 سنه عايشه مع عيله وروح ثانيه في الدار وأولاد بغض النظر مشاكل يعني هالمشاكل أجت بالأخر من اربع خمس سنين بدك تقولي بس كانت خفيفة وشدت أخر هاي السنه نعم وما حابب أتحمل مسئولليه ثانيه ما بتعرفي بس الوحدة كمان الوحدة صعبه والله هسه الواحد قادر يقوم ويروح ويجي الله يعطينا ويعطيكم طوله العمر والصحه مابتعرفي هالدنيا وكل شئ نصيب أما هسه ببالي لا والله ۔"

مها فطوم :" حازم بيعتبر أنه زواجه ناجح لأنه أستمر 20 سنه رغم كل الإختلافات والخلافات مقارنه مع زيجات مختلطه تانيه حوله حتي أنه أصدقائه بيقولوله أنك حطمت الرقم القياسي بسنوات الزواج من ألمانيه ۔"

حازم :" والله كنا مبسوطين يشهد الله كانت يعني أحلي أيام نروح عالأردن يعني شو بدي أقولك حياه يجيكي أطفال وتعيشي ببيت و إستقرار يعني وأيام حلوه والله يعني ماحدا بينكرها يشهد الله ما حدا بينكرها بس خلاص كله سبحان الله هيك سبحانك يارب ما بتعرف الابتلاء خلاص ابتلائات والنصيب بالأخر بدو هيك ۔"

مها فطوم :" تجربة حازم كانت التجربة التالتة بتجربه زواج مختلط فيكن تسمعونا الحقات السابقه تجربه سماوي الشابه العراقيه اللي اتزوجت شاب من أفغانستان وتجربه سولين أيضا الشابه العراقيه الكورديه اللي اتزوجت شاب من جنوب أفريقيا وأنتظرونا بالأسابيع القادمة لنخبركم تجارب وقصص زواج مختلط مختلفه من هلأ لوقتها ضلو بخير وأسمعوا بودكاست صارت معي دايما عبر جميع منصات البودكاست مثل (جوجل بودكاست ، آبل بودكاست ، سبوتفاي ،  وساوند كلاود) فيكن أيضا تسمعونا من خلال موقعنا

akhbaralaan.net

وتشاركونا ووتواصلو معنا عبر الواتساب دايما

00971568531592

بالأعداد والتقديم برافقكم دايما في بودكاست صارت معي

أنا "مها فطوم"

إلي اللقاء۔