مؤسس زارا، من العدم إلى ثاني أغنى رجل بالعالم

نص الحلقة :

فرح : " انهرده هنتكلم عن الراجل الي اخترع الفاست فاشون او موضة الازياء السريعة وفي ٢٠١٧ الراجل كان تاني اغنى راجل في العام امانسيو اورتيجا صاحب الشركة العالمية زارا "

بيزنيس ميدنايتس مع فرح اخبار الآن بودكاست

فرح :" أهلا بيكم في سادس حلقة من بيزنس ميدنايتس معاكم فرح وابراهيم
الفاست فاشون هو موضة الأزياء السريعة او بمعنى ايه الحاجات الي زي شي ان ز ي زارا زي بيرشكا الي هو طول الوقت فيه تريندز جديدة بتظلع والناس عايزة تغير الاستايل بتاعها فانت بتتجه لكوالتي طبعا اقل والسعر اقل لان الانتاج بيكون سريع جدا مفيش حاجة مفيش جاكت بيفضل موضة ٣ او ٤ سنين دلوقتي كل شهر في حاجة جديد هو ده الفاست فاشون "

ابراهيم :" مهو بيواكب الفاشون بس بأسعار "

فرح : "بأسعار رخيصة وكواليتي أقل طبعا معرفش سمعت ولا لا بس الي هيا الناس الي بتشتغل في ظروف وحشة وساعات عمل طويلة جدا "

ابراهيم :" قصدك شي ان "

فرح :" نرجع تاني ، ف ٢٠١٧ الراجل الي هنتكلم عنه ده كان تاني أغنى راجل في العالم "

ابراهيم :" امممممم "

فرح :" انت بتحب زارا عامة ولا ملكش فيها ، انا بحب زارا بصراحة "

ابراهيم :" من ضمن كل البراندز بتاعته ممكن زارا الوحيد الي بلبسه و بيرشكا "

فرح : " بيرشكا هو انا بقولك هو كان حلو بس حاليا الأسعار بتاعته بشعة ، تعالا نبدأ ، امانسيو اتولد في عيلة فقيرة في اسبانيا سنة ١٩٣٦ وبسبب الظروف الاقتصادية الصعبة الي عانت منها عيلته في الفترة دي اضطر انه هو يسيب المدرسة وهو عنده ١٤ سنة وراح بقى ابتدا يشتغل علشان يساعد عيلته ، ابتدا شغل فين بقي هي دي هنبتدي بقى البذرة في محل لبس وهو كان مسؤول انه يوصل اللبس للكلاينتس بتوع المحل والمحل ده الكلاينتس بتوعه كانوا أغنيا جدا كانوا طبقة أغنيا اوي ساعتها ، امانسيو بقى او نخليها اورتيجا علشان اورتيجا أسهل هو أصلا اسمه اسباني ، اورتيجا مكنش عايز يبقى يعني واحد عادي مجرد بيوصل لبس للأغنية وكده هو هدفه كان ايه انه هو عايز يبقى من الأغنيا دول ينضم اليهم ماشي ويفتح محل لبس بتاعه عارف يعني هو كان بس ااه
وكان عايز كان مركز ان التوب فاشون تريندز الي في العالم وكده عايز يعملها بس بأسعار خد بالك ده زمان مكنش موجود كان عايز يعمل التريندز وكده وأسعار يعني متوسطة او الناس كلها تقدر تشتريها علشان زمان الناس الأغنيا بس هي الي كانت قادرة تجيب الحاجات التريندينج والكواليتي عالية هو بقى ايه قعد يشتغل في المحل وحاول على قد ما يقدر انه هو يكتسب خبره انه هو ينتورك مع الناس الي في مجال الفاشون ساعتها وهو عرف انه هو يحقق حلمه زي ما احنا طبعا شايفين دلوقتي بس طبعا وحده وحده

المهم اورتيجا قعد يشتغل وبقى مدير غير بقى شغله تمام ، كبر وبقى مدير لوحده من أكبر المحلات في المدينة عنده في اسبانيا بعديها بقى بدأ يفصل أول مجموعة لبس تحت اسم وكان بقى زي ما قولتلك أسعارها متوسطة بتتناسب مع أغلب الناس "

ابراهيم :" تريندي وبادجت فريندلي ده الي احنا بنلعب عليه "

فرح : " بالظبط ، وعلى ١٩٥٠ بقى اورتيجا جمع شويه من الستات في المدينة بتاعته علشان هما كانوا محتاجين شغل وخلاهم يشتغلوا في الخياطة منها انهم بيشتغلوا ومنها انهما بيطلعوا شوية ربح وانتجوا بقى لبس أطفال ، قمصان نوم وكذا حاجة تانية ساعتها وقعد ١٠ سنين شغال في الموضوع ده لحد ما ١٩٦٣ فتح اول شركة ليه وكان بيبيع حاجات غريبة شوية بس عارف كان بيبيع ايه "

ابراهيم :" ايه ؟؟؟؟"

فرح : " روب للحمام وبورنس زي ما بنقول ، المهم اورتيجا قرر يتجوز بعد ما فتح الشركة بتاعته ب٣ سنين ، الفكرة بقى انه هو اتجوز واحده اسمها روسالية ميرا وخلفوا اتنين ولد وبنت وهما الاتنين يعملوا الاسطورة بقى ، جت اللحظة الي اتولدت فيها زارا ، اورتيجا ومراته فتحوا زارا سنة ١٩٧٥ و اوروتيجا زي ما قولنا في الاول ، شوف ١٩٧٥ وزي ما قولنا في البداية كان عايز يعمل حاجة بادجت فريندلي زي ما انت قولت ولبست تريندينج في مجال الفاشون وده الي عمله فعلا و اول محل لزارا أصلا اتفتح في أسبانيا وحقق نجاح كبير أوي ، المهم اورتيجا ومراته موقفوش هنا وقرروا انهم سنة ١٩٨٥ شوف بقى عملوا ايه ومركزوش على زارا بس قرروا انه هما يعملوا مجموعة اسمها ان ديتيكس تمام ، وكانوا عايزين المجموعة دي "

ابراهيم " ولحد دلوقتي اسمها كده ؟؟؟ "

فرح : " اسمها كده اه و كانو عايزين المجوعة دي تبقى مظلة كده او جروب كبير تحتيه براندز كتير ، اورتيجا ومراته كانوا بيحلموا بقى ان كل البراندز دي تكون تحت المظلة وده الي عملوه على ما جت سنة ١٩٨٩ اورتيجا كان بيفتح المحل بتاعه رقم ١٠٠ شوف ده واحد ساب المدرسة وهو عنده ١٤ سنة ازاي بقى الي حصل ان بعد ما اورتيجا ومراته عملوا ان ديتيكس الي هيا المجموعة الي قولتلك عليها ، اطلقوا براندز كتير في مجال الفاشون غير زارا "

ابراهيم : " ايه بقى ؟؟ "

فرح : " منهم بول اند بير ،ماسيمو ، بيرشكا ، ساديفيرز ، اويشو يعني كل ده تمام حطه تحت "

ابراهيم : " تحت امبريلا واحده "

فرح : " بالظبط ، علشان يبني الامبراطورية بتاعته تمام كل الفاشون براندز دي تحت ان ديتيكس المجموعة بتاعتهم "

ابراهيم :" طيب انتي شايفه انها حاجة زكية ؟"

فرح : " انا شايفه انها حاجة زكية جدا "

ابراهيم :" مش انك تفتح براند واحد وتركز عليه وتعمل كذا "

فرح : " خد بالك هو قعد يشتغل انه هو ينتورك او انه هو يبقى عنده ايد في مجال الفاشون في كل الاستايلات ، كاجوال ، زارا هتلاقي أغلبه فورمال شوية او ل سن مختلف فهو قعد بقى يعمل كده علشان يبني الامبراطورية دي هو كان بيحب الفاشون اوي مجنون بيه "

ابراهيم :" طيب انتي بتشوفي ان كلهم نفس البرايس رينج ولا زارا بيميل الى "

فرح : " لا بحس ان زارا لاكجري شوية كاستايل وماسيمو لا ماسيمو كمان أعلى من زارا بكتير "

ابراهيم :" اه احنا نسيناه "

فرح : " احنا سقطناه خالص، ماسيمو أعلى من زارا كتير بس فورمال كومبليتلي فورمال "

ابراهيم : " مهي دي بقى حاجة زكية تفتح حاجة لكل الطبقات "

فرح : " بالظبط هو أصلا لو عيلة والدهم بيجيبوا من بول اند بير وبيرشكا بنتهم من ستارديفاريوس والام والاب بيجيبوا من زارا فهو عرف يوصل لسن مختلف باستايلات مختلفة وعايزه أقولك بقى ان اورتيجا كان زكي جدا لأنه هو مكنش عايز يفتح مجرد محلات هو ركز كمان يشتري مباني علشان يفتح المحلات بتاعته فأحسن الشوارع في كل المدن المشهورة الي ممكن تيجي في دماغك لندن ، برشلونة ، مدريد ، نيويورك كل ده ، كان مركز انه هو يعني يدفع فلوس في أحسن المباني علشان الناس تعرف توصل بسهولة للمحلات بتاعته

وعلى ٢٠١١ اورتيجا بقى شغال عنده أكتر من ٩٢ الف عامل وفتح أكتر من ٦ الاف محل حول العالم يعني نجح نجاح ساحق وعايزه أقولك ان المحل الي كان بيبع فيه برانس الي احنا كنا اتكلمنا عليه ده قعد فيه ١٠ سنين وشوف بقى بالرغم من حلمه في مجال بقى الموضة وانه هو بقى غني جدا وانه هو كان نفسه يبقى غني فبقى غني بس كتير من الي شافوا اورتيجا على الحقيقة بيقولك انه بيلبس لبس عادي جدا لبس متواضع وحتى مبيلبسش من زارا الي هو البراند بتاعه ومبيحبش خالص يلبس فورمال يعني بدلة بقى وكده وهو من رجال الأعمال القليلة اوي في العالم دلوقتي علشان كله بيحب ال exposure والأضواء وكده بس هو من رجال الأعمال القليلين الي هو بيكره الأضواء ولوكي اوي في حياته ان الناس تعرف عنه حاجة بلس كمان ان في حياته كلها عمل ٣ انترفيو بس وقبل ٣ انترفيو كان في مقالات كتير اوي بتطلع ان الفاوندر بتاع زارا وكده مطلعش في اي انترفيو قبل كده بيكره الانترفيوز "

ابراهيم : "فكرني بشي ان باين "

فرح : " اه الراجل ده غامض جدا في اسرار مش عارفه معرفش ليه بصراحه وبينزعج جدا لما بيظهر في اي مكان والصحافة بقى بتصوره او بتسأله أسئلة فهو بيضايق أوي من الحوار ده وكذا حد قال انه دفع فلوس كتير اوي علشان يتأمن او انه هو محدش يضايقه وكده وشوف هو تنحى من ان ديتيكس المجموعة بتاعته في ٢٠١١والي جه مسك دي برده حاجة غريبة جدا هو تقريبا ده قانون عندهم او حاجة الي جه مسك مكانه واحد اسمه بابلو وهو كان الvice president بتاع المجموعة واورتيجا ماسك ، بابلو ده برده بعد ما مسك نادرا اوي لما بيظهر او بيطلع في اي انترفيوز وانه هو بقى يتكلم او يقول اي تفاصيل مفيش في البتاع دي كلها المجموعة دي كلها الا communication director بتاع المجموعة هو الوحيد الي بيظهر بابلك وحتى لما بيتسأل عن حاجة او اي مثلا updates عن زارا او المجموعة عامة بيعتذر مبيقولش اي حاجة "

ابراهيم : " مش عارف والله "

فرح : " حاجة غريبة جدا مش عارفه بغض النظر عن الغموض "

ابراهيم : " يمكن هو ده طريق النجاح "

فرح : " هو الفاشون واح ان الغموض بيأدي الي النجاح معنديش فكره ليه يعني انا i think انها ممكن تبقى rule ال ceo بتاع ان ديتيكس عامة ميطلعش علشان ممكن يسرب معلومات ممكن يغلط مش عارفه بس يمكن it is a code يعني فعامة زي ما قولتلك بغض النظر عن الغموض يعني انا الصراحة امانسيو اورتيجا شخصية عاجباني "

ابراهيم : " انا مش عارف أطلع الموضوع من دماغي "

فرح : " بس بغض النظر عن الانترفيوز بس هو كان عنده صفات كتير برده كويسة وصفات كتير ساهمت انه عو يعرف يبني الامبراطورية "

ابراهيم : " لا احنا منعرفش "

فرح : " عارف انا جه في دماغي في كل الarticles الي قريتها طيب هما جابو المعلومات دي منين ؟ "

ابراهيم : " أيوه "

فرح : " بس هو أكيد بقى مهي شركات كبيرة فهو كان عنده صفات كتيرة ساهمت بشكل كبير انه ينجح المجموعة منها مثلا انه هو دايما كان بيحب يكون up to date لكل الفاشون تريندز وكل الديزاينرز الي بيطلعوا وبيحصل في المجال ،بيحب انه هو ي collborate معاهم فدي كانت بتديه exploser وانه هو بيكبر الموضوع أسرع لما انت تتعامل مع ناس ال collaborations بتدي exploser "

ابراهيم : " دلوقتي بقت مهمة اوي زي ما انتي قولتي علشان التريند بيخلص بسرعه "

فرح : " بالظبط وتبيع مهو الناس لو بتحب ديزاينر او اللاين ده ايه ده الله ده زارا عامله كذا ، حاجة كمان تانيه كان بيعملها انه هو كان مؤمن أوي بنفسه هو كان مؤمن بنفسه هو كان بيقول انا عارف انه انا هنجح ، انا مؤمن وانا " i believe

ابراهيم : " هي دي ال mind set "

فرح : " بالظبط هو كان مؤمن أوي أوي انه هو هينجح و i thinl انه هو ده مهم انا عارفه انه انت you are very interested in fashion ال mind set مهمه اوي علشان تعرف انت هتود البراند بتاعك فين قدام ، لما بدأ زي ما قولتلك هو بدأ من عيلة فقيرة اوي اوي واضطر انه هو يسيب المدرسة فحس بحته انه هو برده مكملش تعليمه مش عارفه ايه وأغلب الناس الي كان بيتعامل معاهم من الطبقة العالية طبعا كانوا متعلمين في أحسن الأماكن فكل ده او عامة ال competition خلته انه هو يعرف ينجح "

ابراهيم : " الراجل ده لسه عايش ؟"

فرح : " الراجل ده لسه عايش علشان آخر خبر كنت قريته عنه انه هو كان عايز يشتري اسمه ايه ده ريال مدريد وفيه برده حاجة غريبة جدا عنه الراجل شوف اورتيجا بغض النظر انه بقى غني جدا بس هو ببشتري كل يوم قهوة من نفس المكان الي كان بيشتريه من قبل ما يبقى غني وكان بياكل برده وكده كان الكافتريا بتاعة الشركة مع الموظفين مش بيروح بقى like an fancy cafe وكده لا بيروح عادي غير ده هو عنده اسثمارات كتير اوي غير الموضة وهي دي الي بقولك عليها ال mind set بتاعته كانت متفتحة اوي ، عنده مثلا استثمارات في السياحة ، البترول كمان عنده استثمارات كتير في مجال العقارات "

ابراهيم : متهيألي كل ده بيجي مع خلاص بقى انتي فتحتي حاجة ونجحت فانتي بتبتدي تتوسعي دي حاجة عادية انه هو نجح النجاح ده "

فرح : " اه مهي حاجة عادية هو كمان زي ما قولتلك حتة مثلا الاستثمارات في العقارات دي انه هو بيشتري أحسن المباني في فرنسا "

ابراهيم : اه ف ال mind set بتاعته انه هو بقي بيبتدي انه انا عايز ادخل نفسي في كذا strain of money يعني "

فرح : " بالظبط فهي دي الفكرة ومثلا هو بيملك واحد من أطول المباني في مدريد يعني مش عارفه المبنى ده من كام سنة كان عامل ٦٣٥ مليون دولار فانت متخيل سعره بقى عامل كام دلوقتي بس فهي دي قصة أمانسيو اورتيجا الفاوندر بتاع زارا عندك أي حاجة عايز تضيفها "

ابراهيم : " ولا أي حاجة "

فرح : " ماشي يالا نشوفكم في الحلقة الي جاية من بيزنيس ميدنايتس "