نوتيلا .. منتج من الحرب العالمية الثانية

نص الحلقة :

انهاردة هنتكلم عن شوكليت هي محبوبة الجماهير

 

بيزنس ميد نايتس مع فرح أخبار الان بودكاست

 

أهلا بيكم في تاسع حلقة من بيزنس ميد نايت معاكو فرح وإبراهيم

تفتكر ايه اشهر شوكليت اسبريد في العالم كله ؟

نوتيلا " إبراهيم "

أكيد ، مبدئيا انت تيم نوتيلا ولا لوتس " فرح "

نوتيلا "إبراهيم "

لا أنا لوتس" فرح "

علشان عندك حساسية " إبراهيم "

أه وعامة هي لوتس احلي في حاجات كتيره هي احلي ۔ معترض ههههه ؟ " فرح "

ماشي هههه بدأنا " إبراهيم "

بداية غير موفقة ههههه " فرح "

الحكاية بتاعت نوتيلا عامة بدأت في ايطاليا في الحرب العالمية التانيه وساعتها كان في ازمة كبيرة في التشوكليت وبعد فترة الشيوكليت اصبحت حاجة جدا المرفهين اللي يقدروا يجبوها ومن الصعب اصلا تلاقيها في المحلات يعني لو معاك فلوس ونزلت علشان تشتريها مش هتلاقيها في المحل ف الناس ساعتها بدأت تدور علي بدايل بس البدايل دي مكنش طعمها احسن حاجه مكنش طعمها زي الشوكليت وهنا بقي ظهر واحد اسمه " بيتروا فريروا " هو الراجل ده اللي ورا النوتيلا الراجل ده اتولد سنه 1898 في ايطاليا وعيلته كلها كانوا بيشتغلوا في المعجنات شوف سبحان الله وهو كان عنده محل حلويات صغير كدا وبعد ما لاحظ موضوع ان الشوكليت مش موجودة اوي فهو بدأ بقي ايه يجرب مكونات تانية قعد كان عنده محل صغير بتاعه زي بيركري شوب قعد يجرب فيه مكونات لحد ما طلع باتشوكليت برند سعره كويس وها في نفس الوقت طعمه حلو ۔ " فرح"

 

ده في الوقت اللي كان فيه شوتتج ؟ " إبراهيم

 

اه بالظبط ماهو الناس كانت اه في بدايل بس كله كان بيدور علي حاجة شبه الشوكليت بس سعرها كويس ومتوفرة انك تقدر تشتريها فهو قعد يجرب مكونات كتير لحد ما طلع بالريسبي بتاعت النوتيلا استخدم فيها المشهور دلوقتي يعني بندق وكاكاو وسكر ده اللي معلن عنه اكيد في حاجات تانية بس ده اللي اعلنوا عنه دلوقتي ۔ " فرح "

 

بس حاجة غريبة اوي "إبراهيم "

 

بمعني ايه " فرح "

 

بمعني انه يكون عندك حرب وعندك شورتتج في الشوكليت وبتاع واروح اعملها " إبراهيم "

 

ماهو ذكاء فرصة وفرصة وعايز يستغلها هو خد بالك احنا لما عرفنا شوية معلومات عنه هو عيلته كلها ليها علاقة بقي بالمعجنات والبيستري شوبس والحاجات دي فهو بالنسباله ده مجاله فلقي فرصة طيب ما الناس ما اجرب اعمل فكره اصلا شوكليت براند هو معملش شوكليت بارس عادية فبصراحة جامد ۔

"فرح"

 

بس انتي لو في حرب هتفكري انك تعملي تشوكليت براند حتي لو في شوتتج في الشوكليت بس مش هتفكري انك تعملي ۔ "إبراهيم "

 

الصراحة لا ههه هبقي متوترة حرب باردوا يعني مش اي حاجه ۔ " فرح "

 

كملي طيب " إبراهيم "

 

في 1940 بقي في ايطاليا نزل بقي ايه اول فيرجن من نوتيلا هنا كانت الانطلاقة والنوتيلا في الاول مكنش زي ما احنا بناكلها دلوقتي كانت في الاول سوليد يعني كانت عاملة زي ايه بدايتها خالص في 1940 زي قالب الجبنه كدا ههههه ۔ " فرح "

 

ماشي هههه "إبراهيم "

 

وكانوا بيبعوها انك تقطعها يعني هي تحسها فكرة مقززه لما تسمعها بس ده كان في 1940 هو كان الفكر بتاعة كدا والموضوع بقي ايه ابتدا يتشهر وسط الناس في ايطاليا اللي هو ده بيقول لده ياعم ما تيجي نشوف الشوكليت السولد دي كدا واللي حصل انه فجأة ودي حاجة محزنه فجأة بياتروا اتوفي كان لسه لسه نازل السوق اتوفي بس هو كان عنده 52 سنه ايه بقي اللي حصل علشان نوتيلا توصل للي هي فيه كدا الحكاية مخلصتش اللي حصل ان بياتروا كان عنده ابن ابنه بقي ده اسمه ميشال ميشال ده كان دماغ دماغ اكتر منه هو بقي اللي مسك نوتيلا ومسك المشروع ده بعد ما بياتروا اتوفي وقعد يطور في الريسبي بتاعت نوتيلا لحد ما بقت شوكليت ببرند زي دلوقتي ، ومشيال موقفش عند ايطاليا وقرر لا أنا عايز ابقي في العالم كله وقرر انه يكبر الشركة ويسوق النوتيلا في ماركتس تانية اولهم المانيا وفرنسا لحد ما وصل انه بقت بتتباع في اكتر من 160 دولة لحد دلوقتي حاسس انه انت استغربت شويه لسه مبتدي يعني ههههه ۔ " فرح "

 

أه " إبراهيم "

 

ودخل بقي ميشال انا هدخل فليفرز تانية للنوتيلا دي حاجة مش عندنا في مصر اوي في نوتيلا بالكاكاو واللبن بس من غير بندق للناس اللي عندها حساسية من البندق

معدتش عليك صح ؟ "فرح "

 

لا " إبراهيم "

 

وفي مثلا بالكاكاو واللوز ۔ " فرح "

 

اللله ههههه ۔" إبراهيم "

 

هههههه أنا نفسي ادوق دي بجد أنا مش عارفة دي طعمها هيبقي عامل ازاي اغلبنا في مصر مربوط في دماغنا النوتيلا بالكاكاو والبندق ۔ " فرح "

 

طيب انتي لما تدوقي شوكليت وحد قالك دي كيك بالنوتيلا هتعرفي دي نوتيلا ولا لا ؟" إبراهيم "

 

هو أنا انا يا جماعة دلوقتي برة الحسبان لانه انا حاليا عندي حساسية من الشيكولاته ۔ بس زمان كنت باكل شوكليت عادي فطبعا هو ليها طعم مميز جدا وعامة الامهات بتقعد لا هعملكم نوتيلا في البيت والريسبس اللي بنشوفها بس عمرها ما تطلع ظابطة ۔ " فرح "

 

بالظبط مش بتطلع هي هي هو في طعم كدا معين ۔ " إبراهيم "

 

ليها مود كدا ونكهه بصراحة لا هي في حته تانية فا زي ما قولتلك في فيلفرز مختلفة في بالكاكاو والكراميل فالمهم ماشال بقي بعد كل الفليفرز الجديدة اللي هو طلعها هو المشكله كان مركز انه عاوز يتوسع ببرودكت مختلفة مش اللي باباه طلع بيها بس فبدأ يعمل برودكت يرفع بيها السيل مش السبريد بس ۔ " فرح "

 

هي نوتيلا كامبني  لوحدها ولا تحت حاجة ؟ " إبراهيم "

 

لا هي كومبني وهو زي ما قولتلك كان عايز يطلع ببرودكت غير السبريد فعمل البي ريدي بارز عارفها ؟ "فرح "

 

وفي ستيكس باردوا ۔ " إبراهيم "

 

طيب في بقي عمل نوتيلا بالزبادي بس دي مض عندنا بقي في مصر في كبس صغيره كدا تقدر تاكل عادي زبادي بالنوتيلا غيروا كونسبت الزبادي فا دي شوية من البرودكتس فأول حاجة كان التوسع دي كان حاجة عايز يركز عليها يكون في فليفرز مختلفة مش بس سبريد وركز علي حتة الماركتنج ماشيل كان عبقري في الحته دي عارف كان عاوز يسوق للناس ويعلمهم ازاي يستخدموا البرودكت انت هتاكل ازاي ۔ " فرح "

 

معظم الادز كانت عبارة عن ازاي تستخدم البرودكت اللي معاك ۔" إبراهيم "

 

بالظبط يعني عايز يخلي الناس مركزة اللي انت تفضل عنيك علي النوتيلا لان خد بالك انه اول ما طلعت كان الكومببترز قد ايه ايه ده شوكليت اسبريد ومفيش اكتر من الناس اللي بتسرق افكار خلينا صرحه فأول ما طلع كان خلاص ده بيعملها وبسعر ارخص وده بيعملها وهكذا ۔ " فرح"

 

طيب انتي شايفة ان دي سرقة افكار ولا انا شوفت حاجة حلوة فبعمل زيها ؟ إبراهيم "

 

طيب خلي عندك كريتفتي بجنيه ۔" فرح"

 

لا لو كل حد فكر كدا هيبقي في برودكت واحد من كل حاجه ۔"إبراهيم "

 

أنا فاهمه بس باردوا بيعملوا نفس البرودكت بالظبط ويسميه مثلا بدل نوتيلا اتشوكليت نوتيلا ما ده باردوا حاجة مش طبيعية ۔"فرح"

 

ايوه بس قصدي انه ده شئ عادي هو كدا كدا اصلا كلنا عندنا الافكار دي كلنا عندنا هل انتي لو قعدتي تفكري مع نفسك فكرة نوتيلا دي مش هتجيلك الحاجه الوحيدة اللي تفرق بين شخص لشخص انه يعملها خد الاستيب واعملها بس كلنا عندنا يعني"فرح"

لو انا وانتي دلوقتي قعدنا يلا احنا هنفكر في فكره احنا هنفكر في فكره بس مش هنعملها ۔ "إبراهيم "

 

طيب هقولك علي حاجة لو انت اللي جايب فكرة نوتيلا دي مثلا وانا جيت عملت منها تقليد وكدا هل انت مش هتضايق لانها فكرتك وانت اللي طلعتها للنور "فرح"

 

ايوه بدال انا طلعتها خلاص همشي في الطريق بتاعي مش هركز انه الشخص التاني بيقلدني ولا لا ولو بيقلدني هعتبر انها حاجه حلوه ۔"إبراهيم"

 

نجاح ۔۔۔ بالظبط يعني بص مش عارفة " فرح"

 

إنما لو انا فكرت في فكرة وقعدت معاكي وقولتلك فرح انا بفكر اعمل كذا كذا ۔

"إبراهيم "

 

وأنا سرقتها هههه انا كدا معنديش دم ۔۔ بص مش عارفة انا اتفق واختلف معاك في نفس الوقت انا عارفه انه نورمال بس اللي هو لا بقي فكرتي بقي فاهم كدا يعني الصراحة ۔۔ بس فا زي ما قولتلك بعد بقي موضوع البرودكت والتوسع حب انه يركز في التسويق وكانوا من اوائل الناس انه عايز يماركت للناس اللي هو ايه انت تقدر تاكلها علي الفطار تحطها علي توست وتفطر بيها لا بيحطهالك في حياتك اليومية وده نفع ۔"فرح"

 

انتي دلوقتي بتجبيها تستخدميها فعلا تفطري بيها او كصوص حاجات كتير اوي ۔"إبراهيم "

 

ايوه بالظبط في سندوتشات للولاد في المدرسة ۔۔ فا دي كانت عبقرية وكان من أوائل الناس في السوق اللي يعمل كدا وواحدة من اشهر وانجح الكامبينز اللي عملوها كانت في 2014 كان كامبين اسمها سبريد هابي وعايزين يركزوا علي فكرة النوتيلا بتجبلك الانبساط والسعادة لما تاكلها ۔"فرح "

 

دي حقيقة ۔"إبراهيم "

 

شوف شوف اهو علشان كدا قولتلك انه ميشال كان عبقري انه يسوقلك الحاجة تفضل تفضل سنين شوف احنا بنتكلم علي النوتيلا لما ابتدينا من ايه من حرب العالمية التانية فا دي كانت واحدة من انجح الكامبينز اللي عملوها ۔

طيب هسالك علي حاجة شايف انه دلوقتي امم عامة مع الحاجات التانية اللي طلعت في السوق زي نوتيلا هل هي لسة محافظة علي مكانتها ؟"فرح"

 

اه اه طبعا انا شايف انه نوتيلا اصلا من الناس اللي مش محتاجين يعملوا ماركتنج ولا ادز ولا اي حاجه مش محتاجيين لما يجي شوكليت اسبريد مش هتفكري ۔"إبراهيم "

 

هي اول حاجة بتيجي في دماغك اول لما تفكر ۔"فرح"

 

الناس دلوقتي مش بتقول شيكولاته اصلا يعني مثلا لما تيجي تتكلمي عن شوكليت مش هتقولي كيك شوكليت هتقولي كيك نوتيلا مش هتفكري اصلا ۔ " إبراهيم "

 

وعايزه اقولك علي حاجة كمان حته بتعجبني جدا حته الكولابريشنز اللي بيعملوها يعني عارف تيم هورترنز ولا لا كان واحدة من اخر الكولابريشنز ده بيعمل حاجة زي ستاربكس كدا بيعمل زي ميلك شيك وبتاع كانوا عاملين اخر كولاج معاهم نوتيلا وتيم هورترنز مشروب وبتاع بجد شكلة تحفة احنا مش هنعرف نوريكوا بس هو حلو جدا فده جزء من انه عايز يفضل تريند وعاوز يوصل للناس وده ذكاء رهيب وعامة علي السوشيال ميديا بتاعتهم بيركزوا علي استراتيجي كتير اوي "فرح"

 

هو انتي عاملة فلو لنوتيلا " إبراهيم "

 

اه طبعا انت مش عاملهم ؟ " فرح "

 

لا مش حاجة افكر فيها الحقيقة "إبراهيم "

 

في اييه انت مش فان حقيقي لا ده عندهم علي انستجرام 1،6 مليون ودايما بقي بيستغلوا اي حاجة تطلع تريند او تجو فيارال هما دايما وراها بيحبوا يدخلوا النوتيلا في الموضوع ده لا بس هو اتس فيري انتريستنج يعني فعلا لو واحد عاوز يبدا براند لازم يبص علي الحاجات دي علشان يتعلم ۔" فرح"

 

عندك حق فعلا " إبراهيم "

 

وبس ودي كانت حلقتنا انهاردة وقولولنا باردوا انتوا تيم نوتيلا ولا تيم لوتس ونشوفكم الحلقة الجاية من بيزنس ميدنايتس " فرح "