هل تعرفتم على أشهر بائع عصير مصري في لندن؟

نص الحلقة :

أحمد عثمان طلعت على شجرة وفي وقت طبعاً ما فيش فيه ناس وربطت الحبل وبدأت أبكي بكاء الدنيا والآخرة خلاص بقى واحد منتهي يعني فلقيت إن هو الانتحار تشنق نفسك مش هتأخذ أقل من دقيقة وبسرعة مفيش فيها دم يعني 2013 ودي اللي كانت الضربة القاضية بالنسبالي اللي قضت عليّ تماماً يعني أتصل بيهم يقولولي أنت نايم فين وأنا مليش مكان أنا بستخبى لأن حاسس إن الناس كلها تعرفني طبعاً اسودت الدنيا في وشي وقلت لازم أموت نفسي لأن أنا لو موت نفسي خلاص الناس أكيد هصعب عليهم يعني هيسبوا ابني 

 

نسرين طرابلسي قبل ما نبدأ حلقة اليوم بحب نوه أنه فيها حديث عن محاولة انتحار فالرجاء من كل شخص عم يسمعنا إذا هوي أو حدا بيعرفه بتراوده فكرة الانتحار يتوجه لأقرب منظمة أو جمعية متخصصة ببلده لطلب المساعدة والدعم النفسي ولا قلك اسمع حلقة اليوم من podcast The Refugee Boss لأنه حكاية ضيفي السيد أحمد عثمان يمكن تغير كل نظرتك للحياة وتخليك تعيد حساباتك من جديد أحمد الحضرمي وماركو تور وأحمد شكارة والمعلم عثمان وOthman Juice هم كلهم شخص واحد من الناس اللي بيقولوا عنهم بيمسك التراب بيقلب دهب فشو يلي خلاه بيوم من الأيام يفكر ينتحر أصلاً شو يلي جابه على لندن كيف تحول من مشرد لصاحب مطعم وأشهر محل عصير بShepherd's Bush هالقصة مؤثرة وفيها تفاصيل كثير خدوا نفس طويل لأن العم أحمد راح يأخذنا على مصر ويحكي لنا الحكاية من طأطأ للسلام عليكم

 

أحمد عثمان أنا اسمي أحمد عثمان من مصر طبعاً من محافظة الشرقية عزبة صغيرة جداً اسمها عزبة عثمان لا تتعدى عشرين ثلاثين بيت فكلنا زي أهل كده يعني إحنا 3 ولاد وبنتين وأنا الكبير بابا كان أمين مخازن وكنا لازم نساعده يعني لازم نشتغل علشان نساعد بابا فكان شغلنا الأساسي نحنا نشتغل في المزارع تعلمت طبعاً تعليم مش تعليم عالي لأنه فعلاً كنت بحب التجارة جداً كنت بسيب المدرسة وأورح منطقة اسمها بورسعيد يعني أروح على أني رايح المدرسة كنت أروح بور سعيد في القطر وكانت واحدة ست بتشغلنا تدينا حاجات نهربها تطلعها من الجمرك وتدينا مثلاً 5 جنيه 10 جنيه وكنت أرجع طبعاً مبسوط بالمبلغ ده يعني أعرف أساعد أخواتي يعني بصراحة أنا اللي كنت بحاول أنا ساعد ماما لأنه شايفها إن أنا الكبير وهي لوحدها فكنت لازم أساعدها يعني حتى أخواتي كلهم محدش يعرف يطبخ ولا يعمل أي حاجة خالص حتى إخواتي البنات كمان كانوا متدلعين و لكن أنا الوحيد اللي كنت أخش المطبخ أغسل حاجة مع ماما أنضف أشوفها بتطبخ إزاي من هنا بصراحة برضه سبحان الله الخير اللي أنا فيه دلوقتي 99% من ربنا سبحانه وتعالى ثم ماما لأن هي اللي علمتني بصراحة إزاي أطبخ إزاي ما كانت تقلي بس كنت بشوفها وهي بتطبخ يعني أشوفها علمتني النظافة يعني مستحيل أمشي لو أنا أنا ساكن لوحدي ومستحيل أمشي وأسيب مثلاً السرير مش مشدود زي شدة الفندق رغم أننا برجع لوحدي وما فيش حد تاني مثلاً هيجي يشوف ولا حاجة بس ماما هي كل حاجة في حياتي فمن الألف للياء ما بقولش بابا الصراحة قد ما قول ماما 

 

نسرين طرابلسي عم بختار مقاطع توضح شخصية أحمد وتركيبته الابن البار الطيب والتاجر المغامر يلي تبلور جزء من شخصيته في أسواق جدة بالسعودية المكان الذي حصل فيه على أول ألقابه 

 

أحمد عثمان خلصت دراسة متوسطة صنايع قسم كهرباء بعيدة خالص عن مجالي خالص اللي أنا فيه وبعد كدة بدأت طلعت للسعودية اشتغلت فيها يعني في محل بتاع ملابس جاهزة جملة اشتغلت على إني محاسب لكن أنا في خلال ثلاث شهور بس بدأت أخد بضاعة في الفان وأبيع أكثر من المحل فطبعاً الرجل السعودي قلي اعمل علامة Xكبيرة على المحل ده كان إيجاره حوالي 100 ألف ريال في السنة وإداني الفان وقال انطلق من الإيه من دي وإداني اثنين عمال وبدأت طبعاً بسم الله ما شاء الله أبيع في الأسواق فطبعاً عملت ضجة خلصت البضاعة كلها يعني فكان عندي ركن رهيب جاكيت وكرنتونته قديمه وحش وحش مركون ما حدش بيشتري خالص الجاكيت كان 180 يعني الجاكيت الواحد 15 ل12 ب 180 الموديل اللي لو عدا عليه سنة لازم يضيع ودي مشكلة الملابس أنا بعت درزن ب90 يعني النص يعني إذا كنت بقول إن المخزن المستودع مفروض عليّ بمليون ريال الجاكيت ده لا يقل عن 400 ألف ريال بدأت أبيع منه كميات رهيبة ليه بعته ب90 بعته ب90 علشان المحلات أبو عشرة يبيعوا فطبعاً التجار اللي أخذوا مني كان تجار جنب مين كفيلي في الرياض فشاف في الجاكيت بتاعه بيتباع برخص التراب قلي يا خبر أسود 180 وبتبيعه ب90 إزاي أنت خربت بيتي قولتله طب إهدى إهدى أنا ببيعه ب90 وبمسك فلوس وبشتري بضاعة تانية جديدة من جيراني ومن هنا ومن هنا وببيعها وبكسب فبدور الفلوس أكثر من 180 بجيبها 200 أنت ليك دلوقتي إن أنت جارد عليّ مستودع بمليون تعال إجرد دلوقتي هتلاقي إن أنا معاي مليون وواحد أنا رجل ده جالي تقريباً تاني يوم أو تالت يوم وشاف الدنيا وشاف الفلوس وشاف التحويلات وشاف المظهر قلي مافي لك حل خالص يا عثمان اليمني الحضرمي very honest مش بياع ياخد القرش يحطه قرش أمين جداً جداً المصري إحنا بتوع كلام بياعين كلام فهلوية يعني فقلي أنت بصراحة مسكت الكل بقى أنت ده وده وده وده في بعض وكدة كانوا مسمييني أحمد الحضرمي 

 

نسرين طرابلسي رجع أحمد على مصر ليحصل على لقبه التاني بمجال السياحة ولما وصل نجاحه للقمة انتهى نهاية مأساوية 

 

أحمد عثمان نزلت من السعودية رحت اشتغلت في شرم الشيخ كنت مسمي نفسي بصراحة ماركو بدأت أجيب الناس وأبيعلهم رحلات للقاهرة أوديهم رحلة سانت كاترين هنا هنا هنا زي الtour guide يعني أجرت فندق كامل يعني رحت أسكن أنا وgroup معاي وسبحان الله في مدينة ذهب بالصدفة خدت الفندق 35 غرفة لقيته فاضي شرت على الرجل قولتله إيه رأيك لما أجبلك ناس وأسكنلك الفندق ده كله خدت الفندق وبدأت أسكنه فعلاً لدرجة انا لما كان بيجي من القاهرة ما بيلاقيش مكان ينام فيه في فندقه بقيت أجرله في فندق تاني يعني عشان يجي ياخذ الإيراد أو يجي يبص عالفندق يعني كان المفروض أنا أسهر في المكان ده مع ال group بتاعي وهو ياخد ال group بتاعي ويسهر بيهم في الجبل فعمل معايا swap بدل قلي تعالى أنت خد أنت بتاعت الجبل وأنا آخذ بتاعتك أنت اللي في المكان ده فمات سبحان الله انضرب المكان ده ومات وأنا والله نزلت فوراً تاني يوم كنت نازل وقلت مش هروح تاني شرم الشيخ 

 

نسرين طرابلسي فينا نعتبر وفاة صديق أحمد بالتفجير الإرهابي أول صدمة قوية تلقاها أظهرت عنده ميل للابتعاد ليستعيد عافيته ووجد هالمكان البعيد الهادئ بمزرعة سيدة مصرية أميركية راح يشتغل عندها سائق جرار فعينته محاسب ولأنه كان صادق أثناء المقابلة فتحت أمامه فدادين الفاكهة لكن أحمد التاجر الشاطر يلي بيقدر قيمة الأشياء من نظرة كان له رأي تاني خارج الصندوق 

 

أحمد عثمان بدأت وأنا ماشي في المزارع ألاقي إن هم راميين شكاير البلاستك بتاعت الكيماوي اللي هم الأسمدة كان عندها ما شاء الله حوالي أكثر من 1000 نخلة وطبعاً أنا متربي في عزبة بيقلموا النخل ويرموا الجريد بتاع النخل ويجمعوا ويحرقوا الجريد اللي هو سعف النخيل يعني وبيرموا حديد وحاجات كدة عاملين حوالي بتاع أكثر من ثلاثة أربعة فدان عاملين فيها كل حاجة وحشة رميين فيه وحرق الله الله الله وبعدين هي طبعاً كانت بتيجي كل 15 20 يوم المزرعة بدأت أخذ الحاجات دي وأبيعها أبيع سعف النخل للناس اللي بيعملوا بيوت الغنم منها لأن عندي في العزبة كدة وبدأت أبيع الحديد الخردة لبتوع الخردة بدأت أبيع شكاير وأقولهم لموا الشكاير حتى في حاجة طريفة جداً العمال سموني أحمد شكارة بس بينهم وبين بعض شكارة رايح شكارة جاي علشان أنا بقولهم لموا الشكاير البلاستيك لأن البلاستيك ده هم بيحرقوه كل سنة بقالهم سنين أنا بعته بالأطنان فعملت فلوس يعني طبعاً مش متذكر الرقم بس عملت فلوس حلوة فلما الست جت شافتني إن أنا بنظف وماسك المخزن برتبه يعني مثلاً في أسمدة معينة فوق بعضه عشان تاخدي شكارة مثلاً لو أنت عايزة سلفات بوتاسيوم لازم تشيلي عشرين شكارة يوريا علشان تلاقي تحتيها شكارة سلفات البوتاسيوم فأنا اللي كنت إيه بشيل وبرتب وبعمل وبكتب على كل حاجة serial number بتاعها وفين وبتاع فجت قالت أنت مستحيل لأن أنا طبعاً شغال المحاسب بتاعهم فبتديني الفلوس اللي ممكن أقبض بيها العمال والمهندسين وأشتري الأسمدة وبتاع قولتلها لأ ده أنا معاي فلوس قالتلي معاك فلوس منين قولتلها معايا فلوس أنا بعت جريد وبعت اللي هو سعف النخل ده وبعت شكاير أطنان أطنان وبعت حديد خردة وده فلوس تكفي ما شاء الله العمالة قالتلي واو عثمان أنت معلش sorry أنت تمسك مدير المزرعة والله والله خدت مرتب بس قالتلي طبعاً ماتقولش لمدير المزرعة خدت مرتب 1100 جنيه مدير المزرعة الأساسي اللي هو الbig boss بتاع المزرعة يعني بياخد ألف كان الكلام ده قبل حوالي أكثر من 15 سنة الألف جنيه دي مين ياخذها كان ياخذها مدير مدير مشروع كبير مثلاً في الوقت ده أنا ببيع بأحلى سعر فكان يجي التاجر أو نقول مثلاً ال20 فدان دول مثلاً ب 10000£ أقوله لأ دول ب15 يعني هي ادتني الصلاحية إن أنا أتكلم لأن شافتي إن أنا تاجر يعني فيقلي إزاي ومش إزاي أقوله لأ ده أنا عندي حد ممكن ياخدها مثلاً ب15 وفعلاً يكون عندي حد ما بتكلمش بس كدة أكون شايف السوق والدنيا أنت فيها كام طن والكيلو برة بيتباع بكام فبالتالي أنت واخدها برخص التراب فصدرتني إن أنا أنا اللي أتصرف في بيع المزرعة طبعاً كنت ببيعها أكثر من double بدأنا أدخلها إن هي تصدر بقى ومن هنا الحمدلله ما شاء الله طبعاً مش عملت double عملت treble treble اشتغلت معاها في التصدير 5 سنين وبعد كدة أنا بصراحة قولتلها sorry أنا عايز أعمل شركة تصدير لنفسي قالتلي بالتوفيق واشتغلت أنا بالتصدير 

 

نسرين طرابلسي وهيك تحول أحمد شكارة للمعلم عثمان في عالم تصدير الفواكه وصاروا التجار يحسبوا للتاجر الموهوب الفهلوي الكلمانجي الأمين الشاطر ألف حساب بس يا خسارة غلطة الشاطر بألف مرحلة كان فيها كل الحظ وللأسف كل النحس 

 

أحمد عثمان أنا فعلاً قلبي جامد جداً جداً في التجارة ومستحيل يعني عارفة هو أخذ القرار مش أهوج بس أخذه بسرعة أفكر فيه بسرعة وأحسبه بسرعة وأنط ليه وأخذه على طول يعني لما كنت أهجم أخش على مزرعة التجار العتاولة والشركات الكبيرة تقول خلاص المزرعة دي راحت مننا علشان إيه عثمان هياخدها أو أحمد هياخدها يعني فخدت اشتغلت من 2010 طبعاً حصل الثورة 2013 ودي اللي كانت الضربة القاضية بالنسبالي اللي قضت عليّ تماماً يعني جت شركة اسمها Fresh Fruitلويس ده كان المدير التنفيذي بتاعهم اللي موجود في الشرق الأوسط جه واتفق معايا على أنه يأخذ كل إنتاج العنب اللي موجود عندي وجاب صاحب الشركة اسمه آندرو انجليزي جابه عندي مصر علشان يبص عالمزارع وجودة المزارع والمحطة والstaff اللي عندي في التعبئة ووافقوا عليها 100% واتفقنا على السعر قالولي هنديلك نص القيمة مقدماً مع كل شحنة والنص الثاني بعد 14 يوم من الوصول اتفقت معاه على 16 حاوية بس هو كان عايز أكثر لكن قولتله أنا طاقتي ما أقدرش أعمل أكثر من 16 حاوية في الشهر ده كانت 2013 أول أسبوع صدرت 4 حاويات مثلاً ثمنهم 100 ألف لما أجي أشحنهم وأطلعهم من المحطة من عندي للمينا يكون هو حاطت التحويل بتاعي فعلاً أبص ألاقي تحويل جالي 50 ألف أطلع ال4 حاويات وأشحنهم أكون طبعاً شغال 24 ساعة لازم أشتغل على طول اشتغلت بال4 حاويات التانيين في تاني أسبوع ببص ثمنهم 100 ألف مثلاً بقلك باختصار يقوموا يدوني 50 ألف لما أخش في تالت أسبوع بعد ما خش فيه بيوم ويومين أقوله hey come on لو سمحت أنا عاوز ال50% بتاعت أول أسبوع لأن الطريق بياخذ من مصر إلى إنجلترا 14 يوم في البحر فأنت كدة المفروض تديني ال50% الباقية من الأسبوع الأول فيقلي أه لسا محجوزة في الميناء توكل على الله هنعملهالك مع ال50% بتاعت الأسبوع الثالث فدخلت في الأسبوع الثالث وعملتله مثلاً ال5 حاويات أو ال4 حاويات أقوم ألاقي إنه هو حطلي ال50% بس أقوم أمسك الحاويات ما طلعهاش منه في الميناء أقسم بالله يبكي أرجوك والله تخرب بيتنا أنا معقود معاك أنا أنا أنا طبعاً غبي أنا غبي يعني كنت لازم غصب عن عين أهلي أكمل الأسبوع الرابع لأن أنا في الثورة ممنوع السيارات التريلات بتمشي بالعافية ما فيش سولار مافيش قصة عندي عنب متغطي درجة أولى ومستحيل أعرف أبيعه في سوق العبور وكل المصدرين إتفقوا على شحناتهم فأنا هضيع وعندي عمالة فلازم أكمل ال4 حاويات التانيين كملتله وهم راحوا جايين خابطيني فيه 223 ألف دولار أدور على لويس اللي هو لوي ده فص ملح وذاب وراح جاي ماشي من مصر 

 

نسرين طرابلسي لجأ أحمد للسفارة البريطانية بمصر وحاول كل جهده يلاقي لويس بدون فائدة وراه عمال بدن أجور وتجار مزارع بدن حق البضاعة ومحطة تعبئة بدها أتعابها ودخل الموسم التاني ليعوض الخسارة على الأقل يحافظ على الثقة يلي بناها بجهد وتعب خلال سنوات لكن اللي صار كان فوق التوقعات 

 

أحمد عثمان دخلت الseason طبعاً مكسور وفي نفس الوقت قلت أكمل إن شاء الله أعرف ربنا يعوضني يعني يحصل إن فيه أحط كمية برتقال كويسة جداً جداً لروسيا وأوديها محطة اسمها محطة أحمد السعد في طريق الخطاطبة ولكن بعد ما خرجت من المحطة وأنا بعبي وعندي تقريباً حوالي 9 حاويات جوة يعني تقريباً حوالي 200 طن برتقال متعبي في كراتينه واخد فلوسهم من الناس لأن خلاص هأصدرهم وأنا داخل على القاهرة مروح أقوم أسمع تليفون من عمال لي موجودين في المحطة إلحق يا باشمهندس المحطة إتحرقت فأنا هأطلب من أحمد السعد في وقت زي كدة أقوله إديني ثمن الحاويات وهو أصلاً محطته بالكامل فحمت وقفنا أكثر من ساعتين المحطة في وسط الجبل لا في مطافي ولا في تأمين عنده ولا في أي حاجة خالص ده برضه مثال بس بسم الله ما شاء الله لأن ما شاء الله بنى المحطة بعد سنتين أحسن كرتونة برتقال موجودة في إنجلترا هي كرتونته دلوقتي

 

نسرين طرابلسي تعالوا نحسب سوى خسائر أحمد مئات الآلاف من الدولارات فلوس العنب يلي لهفتن الشركة البريطانية وفلوس البرتقال يلي إنحرق بمحطة التعبئة وهالشي خلاني أسأله معقول ما في تأمين لهالبضاعة ضد السرقة والحريق وانصدمت كتير لما قلي لأ

 

أحمد عثمان بس كلنا شغالين كدة أنا عارف أن هو همجية مش شغل Professional يعني بس ده اللي بيحصل 99.9% من مصدرين مصر بيعملوا كدة راح عليّ الseason ووقفت تماماً عن الشغل وبدأت الناس تطالبني فمعنديش معنديش حل غير إن أنا أسافر هنا وأجيب فلوسي في واحد اسمه بنس كنت بجيب منه في اليونان كنت بجيب منه تفاح ويعرف لويس اللي خرب بيتي ده فقلي عثمان هأبعتلك زيارة لويس موجود عندي في اليونان فقدمت سياحة بالعافية إدوني أسبوع 7 أيام بس دي اليونان أنا اسمي كان محطوط في المطار إن يمسكوني لأن عليّ أحكام في ناس واثقة فيّ وفي ناس مش واثقة الناس حتى اللي مش واثقة حقهم فلوسهم فالناس اللي أنا كاتبلهم شيكات هم بيبقوا الناس الجديدة اللي ما يعرفونيش أوي الناس دي هم اللي اشتكوني والأربعة التانيين راحوا البيت عند بابا يدوروا عليّ بدأت أهرب من عزبتنا ومن أهلي ومن الناس وأسكن بعيد ومتداري لحد ما أعرف أحصل فلوسي كلمت واحد صاحبي ربنا يسترها معاه اسمه جميل البنداري مصدر برضه كلمته قولتله لو سمحت شيل اسمي من المطار لحد ما أطلع بس وأنا رايح اليونان خدت معايا ورق Papyrus الورق البردي اللي أنا كنت ببيعها في شرم الشيخ عشان أجيب ثمن رحلتي الورقة مثلاً عاملة جنيه مصري هبيعها ب1€ مثلاً هتعمل معايا فلوس حلوة وبعت سيارتي المرسيدس آخر حاجة الفلوس اللي معاي كلها اللي تطلعني الإيه الرحلة دي للأسف لويس عرف سافر هرب طلع على إنجلترا 

 

نسرين طرابلسي عملية مطاردة لويس من اليونان للمملكة المتحدة ما كانت سهلة أبداً اضطر أحمد خلالها يسافر لفرنسا يمكن يقدر يدخل تهريب لبريطانيا لكن الصديق الوفي جميل البنداري كان واثق بأحمد ووعده يساعده يرجع على مصر ليأخذ فيزا النظامية والظروف تلعب بأحمد مثل موج البحر مرة فوق ومرات تحت تحت يعني بالحضيض 

 

أحمد عثمان عملت فيزا سياحة لإنجلترا طبعاً رفضوني سياحة إزاي وأنت عايز تدور على شركة خلي الشركة تبعتلك فقدمت تاني طبعاً اترفض تاني مرة ويختمولك رفض في الpassport يعني مستحيل تعرفي تطلعي تاني إلا ما الpassport تاعك ده يتغير ما تتخيليش كم البكاء وكم الحزن اللي في قلبي والدنيا أتقلبت واسودت يا ربي بالشكل ده لأن أنا خلاص اتدمرت قدمت تالت مرة الحمد لله الحمد لله ألاقي إن أنا عندي فيزا لإنجلترا وأقسم بالله جميل البنداري إداني 2000$ والله وبكى وهو بيدهوملي لأنه كان شايف إن أنا كنت إيه وبقيت إيه كل تخيلاتي إن أنا كنت هاجي إنجلترا في خلال شهر بالكثير هأخد فلوسي لأن معايا أدلة دامغة ومعتمدة 100% بإن الناس دي واخدة مني 225 ألف 223 ألف دولار طلعت بقى للسفارة المصرية بجواب من القنصلية في مصر جابولي محامي بالتلفون بس لقيته بيقولي هاخد منك 1000£ وأنا ما معيش حاجة وبدأت كل ما أشوف solicitor أخش عليه وأنا طبعاً بقوله في قضية فلوس ويشوف مبالغ كبيرة يفتكر إن أنا جيوبي كلها معبية لحد ماوصلت إلى no win no fee محامي ما يخدش منك فلوس لو واثق من قضيتك رحت لمحامي في Middlesbrough خارج لندن والمحامي خد قضيتي ودخل معاي وجاله جوابات منهم وإيميلات ومطالباتي واتفقت معاه على 25% ياخذها من الفلوس وهوب أول ما خلاص راحوا أعلنوا إفلاسهم طبعاً في الفترة دي أنا بدأت إن فلوسي تخلص خالص وأنام في الشوارع بقى عرفت من حد تاني بعيد عن العائلة خالص إن الناس ممكن يموتوا ابنك فطبعاً اسودت الدنيا في وشي وقلت لازم أموت نفسي لأن أنا لو موت نفسي خلاص الناس أكيد هأصعب عليهم وهيسيبوني هيسيبوا أهلي يعني هيسيبوا ابني 

 

نسرين طرابلسي طبعاً قبل ما يفكر أحمد بالانتحار ما خلى باب ما دقه وحاول يحصل حقوقه قانونياً وودياً لكن الخيبات زخت فوق راسه مثل مطر لندن وصل لمرحلة صعبة كتير على كل عزيز قوم ذل الإفلاس والعطالة والتشرد والنكران 

 

أحمد عثمان إداني كأنه بشحتني بعد ما قولتله على فكرة أنا في إنجلترا ومطارد مش هأقدر أنزل مصر بس أنا كل اللي أنا هأعمله مش هأقلك أنا اللي هأدعي عليك أنا هأخلي أمي هي اللي تعقد تدعي عليك ليل نهار حقيقي تأثر وخاف وكش وأنا بالمكالمة تلفونية يعني فلقيته بيقولي ok إديني اسمك ومش عارف إيه Western Union لقيت إن أنا جايلي حوالي 5 آلاف من ما يعادل تقريباً قولي مثلاً 200 ألف أنا كنت أمشي طول النهار أو أركب الباصات وأبقى في الباص لحد ما يوقف في المحطة طبعاً بالليل من البرد يعني وبعد كدة يقولي انزل أنزل وآخذ الباص هو راجع تاني برضه برد برد هنا البرد رهيب يعني لما حب أنام أدور على مكان ظلمة بحيث إن تداري وأغطي نفسي بسرعة في الأول خذوني عالpassage بتاع ال homelessناس محترمة ويدوني لبس مش لازم يبقى جديد بس لبس يكون نظيف وأخذ shower جوة وأتغدى وبعدين يمشونا الساعة اثنين أو تلاتة الضهر الpassage حولني على مكان في Trafalgar square نخشه الساعة 9 بالليل ونمشي الصبح ساعة 8 قعدت فيه 6 شهور وبعد كدة أطلع تاني أنام في الشوارع تاني وطبعاً عرفت القصة أننا أتصل بstreet link اللي بياخدوا الناس من الشوارع أتصل بيهم يقولولي أنت نايم فين وأنا مليش مكان أنا بستخبى لأني حاسس إن الناس كلها تعرفني 

 

نسرين طرابلسي كمان لازم نقول أنه قبل ما يفكر أحمد بالانتحار حكالي إنه ما ترك محل بشارع العرب بلندن ما طلب منهم شغل ما حدا وقف معه ولا حدا عطاه فرصة وهالأمر حز بنفسه كتير حذفت مقاطع عديدة كان البكاء يغلب العم أحمد فيها خاصةً لما يحكي عن أمه وأبوه وتأنيب الضمير وهو عم يتخيل الديانة عم بدقوا بابن حكاية مثل متاهة عتمة علق فيها أحمد لفترة طويلة قبل ما يشوف شوية نور بآخر النفق

 

أحمد عثمان قبل ما أقدم على الانتحار كنت بدور على إيه الحاجة اللي ممكن أموت فيها بسرعة فلقيت إن هو الانتحار تشنق نفسك مش هتاخذ أقل من دقيقة وبسرعة مفيش فيها دم يعني أنا عمري ما مسكت فرخة لا مؤخاذة مع ماما لما تيجي تدبحها مستحيل أشوف دم أنا بحترم ال policeده جداً هنا معرفش سبحان الله يمكن عشان شفت الpolice المصري شكله إيه وهنا الpolice شكله إيه ففي فرق شاسع مابين الاحترام والآدمية شوي فكتبت للpolice مفيش حد موتني أنا اللي موت نفسي بس لو سمحتوا ابعتوا جسمي بس لأهلي يعني فكرت قبليها طبعاً وعارف أنه ماما يا عيني هتموت من العياط وممكن يحصل حاجة بس مهما كان مهما كان هيبقى أخف من اللي هم فيه دلوقتي طلعت على شجرة وفي وقت طبعاً مفيش فيه ناس وربطت الحبل وبدأت أبكي بكاء الدنيا والآخرة خلاص بقى واحد منتهي يعني ويجي سبحان الله واحد إيطالي منساهوش في حياتي وواحد إنجليزي وكانوا بيجروا بيعملوا exerciseوشافوا واحد أنا طبعاً مسكت الحبل كدة بإيدي الروح حلوة وفي لحظة ما شاء الله الpolice المحترم الناس المحترمة كانوا موجودين كأنهم عايشين في المكان وأخذوني على المستشفى بدأوا يدخلوني mental health ما كنتش عارف معناها بس قمة الاحترام والآدمية والواحد ميعرفش إن هو بني آدم وإنسان إلا لما بصراحة شفت الناس دي وجيت البلد دي لما كنت أجي خلاص هتهبل بالليل أتصل بيهم ناس في قمة الأدب في أي وقت وأفضفض وأبكي وأعيط وأقول هم طبعاً أول ما بشوفوا اسمي وتاريخ ميلادي بيعرفوا قصة حياتي كلها عندهم ويبدأ لحد ما يهديني تماماً وأطلع من الmode بتاعي وأبدأ أنام تاني بفتخر دلوقتي بنفسي يعني بفتخر الحمد لله إن أنا وصلت بقى من المرحلة دي للمرحلة دي الموضوع مش سهل خالص حقيقي مش سهل 

 

نسرين طرابلسي تجربة التشرد كانت كتير صعبة على أحمد مع ناس بيقول معظم مدمنين وخريجين حبوس وبأحسن الأحوال مجرد كسلانين لكن أصر يحكيلي على هالفترة لأنه هو مدين إلها بالتغيير يللي طرأ على شخصيته وطريقة تفكيره أثناء التنقل بين مراكز الإيواء في مدينة لندن 

 

أحمد عثمان طبعاً بتنامي بتنامي عالأرض بس بيدوكي بطانية بس عندك حيطان تدفيك يعني النور قايد 24 ساعة كأنه الواحد في سجن مفيش حاجة اسمها تطفي النور خالص ناس بتشخر وناس قصة قصة أنا كنت ما بنامش مكنتش بنام أنا قدمت اللي هو ال extension ال6 شهور بتوعي خلصوا ماكنتش أعرف اللجوء خالص يعني ما كنش في دماغي كمان بعد ما خدوا جواز سفري بسنة قالولي لازم ترجع مصر لما رحت No Second Night Out يعني ما فيش ليلة تانية تباتها في الشارع هو ورا سوق Shepherd's Bush على طول وأفضل مكان نمت فيه أنا نمت في 3 أماكن في الpassage في Trafalgar square ودي كانت أكثر حاجة وحشة جداً جداً لكن No Second Night Out حتى أنا كمان عملتلهم نسبة من أرباحي للhomeless وللمكان ده تبرع yeah لأنهم فعلاً يستاهلوا كل خير بجد أطلع في الpark بتاع Shepherd's Bush بدري جداً وقبل ما الراجل لا مؤخاذة يلم الrubbish وأنا أمشي في الساحة بس عنيي على الأرض بدور على أي penny £1 50 pe أي حاجة بقى فكنت آخذ الفلوس ديات ممكن أشتري بيها الحاجة اللي أنا نفسي فيها يعني في الفترة دي كنت بمشي في Shepherd's Bush Market اللي أنا فيها دلوقتي وأدور على أي business يعني مش موجود عندهم نوعية الزباين إيه المتطلبات فلقيت إن العصير مهم جداً مش موجود فبدأت أقول إن شاء الله بإذن الله هيبقى لي محل هنا كان معايا واحد اسمه محمد سوداني بقاله 20 سنة هنا ومعاه passport إنجليزي وكان برضه homeless فكنت لما أقوله كده يقولي أنت بتحلم أنت فيه إيه أنت ما معاكش جنيه في جيبك £1 ويبقى عندك محل قولتله والله إن شاء الله بإذن الله هيبقى لي محل هنا وهأعمل وهأعمل وهأعمل ويشاء القدر سبحان الله رغم أن المحامي قلي صعب جداً إن أنت تأخذ إقامة لقيته بيتصل بي وبيهلل الضهر قلي عثمان أنا مش مصدق إدولك human rights سنتين ونص فسنتين ونص وبعد عشر سنين تاخذ passport بس خد بالك انك لازم تدفع كل سنتين ونص 1450 قولتله زي الفل أنا إن شاء الله بإذن الله هأعمل الفلوس دي 

 

نسرين طرابلسي خضوعه للعلاج النفسي من اضطراب ما بعد الصدمة وحصوله على اللجوء الإنساني حسن كثير من حالة أحمد فبدأ يشارك بالعمل التطوعي ويطبخ للمشردين وينخرط ببرامج التعليم والقروض يلي بتقدمها منظمة TERN الداعمة لأصحاب المشاريع الصغيرة يللي حابين يبدؤوا من جديد cource business مع خبرته الطويلة في مجال تجارة الفاكهة ونهض أحمد كالعنقاء من تحت الرماد 

 

أحمد عثمان بدأت إن أنا أعمل contact مع واحد صاحبي جداً في مصر اللي اتاخذ منه 80 ألف هو كمان الشركة ضحكت عليه قولتله ابعتلي container قصب أرخص container هو container القصب ما يتكلفشي 7 8000£ لفيت على كل الناس اللي بتبيع قصب هنا في لندن لقيتهم 5 6 بس اتفقت معاهن إن أنا هجيب قصب وأبيعلكم قصب وهأبيعهولك بنص السعر جيت أوزعه يقولولي القصبة دي مش كويسة القصبة المصرية مش كويسة لأنها رفيعة رغم إن هي sweet very sweet القصب التاني اللي بيجي قصب تخين وجاي من أوغندا فلقيت نفسي في ورطة وأنا اتدمرت خلاص يا لاهوي بقى أنا ناقص مش ناقص فبسرعة اتفقت مع صاحبي قولتله ابعتلي مكنة قصب ففعلاً شحنهالي وطيران كمان عشان أبيع قصب كنت لازم أشوف المنطقة اللي يتباع فيها قصب فرحت لمنطقة اسمها بيكام وربنا وقعني مع واحد ربنا يسترها معاه دنيا وآخرة برضه عنده supermarket ما شاء الله قد Tesco و Sainsbury مشهور جداً اسمه Khan خدت منه طاولة برة في الشارع اتفقت معاه على 400£ في الأسبوع rent والله ما خد مني لا الأسبوع الأول ولا التاني ولا الثالث وبدأ يأخذ مني الرابع وخد مني 200 مش 400 لما شاف اللي أنا بعمله وعصرت الcontainer 23 طن وما شاء الله هي دي الضربة الأولى اللي عملت منها أكثر من 15 أو20000£ كانت كباية القصب ب 4£ هم بيبيعوها أنا بعت الكوباية ب2£ ده هي مكلفاني 50pe 

 

نسرين طرابلسي قلي أحمد القصب أغلى من الذهب لو استغليناه كويس وبالباقي من عصير القصب صنع ببيته اللي قدمتله ياه الدولة عسل أسود ومن مربح مبيعات عصير القصب والعسل بدأ بسداد القرض وأخذ محل صغير بShepherd's Bush المكان اللي كان يلقط من أرضه الفراطة ليعيش المكان اللي كان حلم مستحيل وبمحل صغير رجعت لأحمد كل ثقته بنفسه ورجع يبدع بالبيع والتسويق 

 

أحمد عثمان لما بدأت أعمل عصير بدأت أؤلف بقى Othman Juice Othman Juiceكنت بعمل very healthy juice ولسا مازال وده خطير برضه عندي ما شاء الله نسبة المبيعات فيه عالية جداً اللي هو beetroot ليه حطيت beetroot لأن الbeetroot بيحارب خلايا السرطان وكويس جداً للدم يبقى شمندر وتفاح وبرتقال والأناناس وليمون كلهم عصير واحد لو فيه رمان بحط معاه رمان كمان ده عصير واحد اسمه Othman Juice بدأت أعمل عصير Tamara Juice من حبي لبنتي عملت عصير أخضر صحي 100% خيار وسبانخ وكزبره وبقدونس وتفاح أخضر وليمون وكرافس لما جت الكورونا فكرت في حاجة ودي ما شاء الله اللي رفعت معاي مبيعاتي مش هتتخيلي كتبت Othman Vaccin خلطت الزنجبيل بكمية كبيرة جداً مع كركم freshاللي هو الturmeric وخلطت معاها برتقال vitamin C برضه فتخيلي vitamin C مع قوة الزنجبيل دي وتشربيها بقى لو جيتي إن شاء الله لو شرفتي وشفت المكان أو دخلت على الwebsite بتاعي أو شفت الInstagram أنا عندي أكثر من 9 أنواع عصير 70% من مبيعاتي دلوقتي الOthman Vaccin و20% Othman Juice وأخضر وال10% أنواع العصير الباقي اللي هو عصير قصب لوحده برتقال وحده جزر على برتقال مع أن سعري في منتهى الجمال ومفيش مخلوق يبيع سعري عمري محد أقسم بالله يعدي ويقولي لو سمحت عندك شغل أقوله لأ أنا عندي في محل العصير 7 شغالين 2 منهم homeless 

 

نسرين طرابلسي رجعت أحوال أحمد المادية لعافيتها بجهده وتعبه فسدد للناس اللي وثقت فيه أولاً ثم للتجار اللي قدموا فيه الشكوى وقدم تبرعات خيرية لجمعية No Second Night Out اللي بدين بالفضل لتعاملها الإنساني الراقي ورجع المعلم عثمان الطيب يصير ملك السوق بلندن يطعمي المشردين ويقدملهم فرص عمل بمحله اللي عم يكبر أكتر وأكتر فسألته سؤال عم يدور براسي من أول الحلقة شو السبب اللي بخليك توقع دوماً بنفس المشاكل 

 

أحمد عثمان عمري ما أنساها بابا يقولي دايماً عشان أنا كنت طيب جداً أكثر من أخواتي كلهم دائماً يقولي يا أحمد بص للناس على أنهم ذئاب لحد ما يطلع منهم الحمل الوديع يعني الإنسان الطيب عشان تحرص منهم أنا لو شفت إن هم ذئاب هبقى حريص لكن أنا أبص كل الناس هم ملايكة حواليّ فده اللي وقعني مع الراجل ده ده اللي بوقعني دائماً بس ما أقدرش أغيرها لأن أنا واخذ الحتة دي من ماما يعني ماما طيبة جداً عطوفة جداً إيدها سخية جداً فأنا تعلمت الحتة دي منها مش من بابا حتى الآن بيحصلي برضه المشاكل دي والثقة بتاعتي برضه في الناس فكدة يبقى الحمد لله خلصت فلوسي ما عليش أي مطالبة وده عندي بالدنيا كلها إن أنا أشوف بصراحة أهلي يعني أنا مش بتاع غربة أه طبعاً عايز أنزل أنا عايز أنزل مصر بابا كبر جداً في السن ماما يعني الدنيا صعبة جداً بالنسبالي لازم أنزل يعني 

 

نسرين طرابلسي إن شاء الله بيرجع أحمد على مصر وتكمل فرحته بلقاء عائلته ويمشي بالسوق مرفوع الراس بيستاهل كل خير خاصةً أنه ختملي اللقاء بنصيحة عن سر النجاح بتجارة بيع المنتجات وعن بركة دعاء الوالدين بترككم مع العم أحمد عثمان اللاجئ المدير The Refugee Boss

 

أحمد عثمان customer service very very very importantدي رقم واحد لو أنت لسانك حلو وبتعرف يعني أسلوبك كويس ومحترم وتجيب الزبون الزبون هيأخذ منك الحاجة حتى لو هي نص نص بعد كدة خش بقى في quality خش في النظافة لكن الtop عندي بالنسبالي الصراحة customer service لو جالك واحد بس وخدمته كويس هيروح يقول لابنه هيقول لعمه هيقول لأخواته هيقول لأصحابه فهيجيلك أكثر هي دي الmarketing يعني زي ما بيقولوا بإنجليزي never never give up ما تيأسش أبداً مفيش يأس خالص يعني ثم دعاء بابا وماما لي 100% 100% أنا متأكد إن هم في صلاتهم بيدعولي يعني فاهمة